الواير لس مايشتغل على لاب توبي ساعدوني :(

حكايه مشكوره حبيبتي بس مالقيت الزر مو موجود
:(

سويت سيرش بالنت وطقطقت بوايرلس زيرو وابشركم اشتغل الوايرلس وانا اكلمكم منه الحين بس المشكله الجديده وييييييييين اني شابكه من شبكة جيرانا لوول ماني لاقيه شبكتي شالسالفه :( ساعدوووني بليييييييييييييييز

السلام عليكم ورحمة الله وبركاته

أختي ماحددتي نظام التشغيل عندك هل هو فيستا أو XP لأن فرق الاعدادات شاسع بين النظامين وعلشان نعرف نشرح لك :)

عموما بشرح لك الحين إفتراضاً ان نظامك هو XP ..

اضغطي من تحت عند الساعة على ايقونة الاتصال اللاسلكي ( اللي على شكل شاشة ) اضغطي عليها بالزر الايمن واختاري ( عرض شبكات الاتصال اللاسلكية المتوفرة ) ثم بيفتح لك نافذة الشبكات اضغطي على خيار ( تحديث قائمة الشبكات ) تلاقيه على يمين النافذة وبعدين بيعمل بحث ويعرض لك كل الشبكات المتوفرة و من بينهم الشبكة الخاصة فيك .. واضغطي عليها ثم اضغطي زر ( اتصال ) ...

أتمنى اكون ساعدتك ..

ربي يوفقك ويسعدك ويفرج همك وهم كل مسلم يارب ..

أخوك الهاوي .......

اخوي بروفيشنال مشكور عالدعوه ولك مثلها ان شاءالله
انا نظامي اكس بي
وسويت اللي قللي عليه ماتطلع شبكتي
واساسا قبل العطل هذا انا كنت اسوي اتصال من الدل وايرلس ادخل واتصل بالشبكه حقتي الحين حتى لما ادخل واسوي اتصال ماتتصل مع انه بجهاز اخوي شغال تمام الوايرلس يعني مو بالمودم المشكله بجهازي :(

اختي مشكلتك هي في برنامج تشغيل الوايرليس لأن اغلب الاجهزي يجي معها برنامج ادارة الشبكات من نفس الشركة ... والبرنامج هذا يعطل عليك برنامج ويندوز الاساسي ...

عموما مافيه مشكلة ان شاء الله افتحي قائمة بحض الشبكات اللي ذكرتها لك وتلاقي على اليمين خيار
( تغيير الاعدادات المتقدمة ) اضغطي عليه وبيفتح لك قائمة اخاري من فوق ( الشبكات اللاسلكية ) ثم حطي علامة صح في المربع اللي قدام ( استخدام برنامج ويندوز ... ) ثم اضغطي موافق واطلعي من القائمة وبعدين افتحيها من جديد وراح تلاقي ان البرنامج الاساسي لويندوز اشتغل معاك واعملي بحث واعملي اتصال مع الشبكة تبعك ..

اخوك الهاوي .......

جربت هالطريقه شغلت الوايرلس عندي بس ماطلعت شبكتي ماادري وين الخلل

صباح الورد عزيزتي ..
اممممم ما بعد كلام الهاوي كلام لأنه ماشاء الله اخبر بالمشاكل .
اتوقع والله اعلم انك حاطة اتصال جيرانكم تلقائي المشكلة ان نظامي فيستا والا طبقت الي قال عليه وحاولت معك عشان نشوف الخلل وين ..
طيب انتِ قريبة من المودم والا بعيده لأن هذا يفرق اذا بعيده ما يقدر يلقطه الجهاز ويقولك انه لا يوجد شبكات ؟؟؟
تحياتِ ..

قريبه من المودم مررررررره :(

صباح الخير جميعا ..

فعلاً كلامك أختي حكاية احساس مهم والنقطة اللي اشارت لها مره مهمه اللي هي قربك وبعهدك عن المودم لأن يمكن تكوني بعيدة عن نطاق البث كاملاً ...

لاكن انتي تقولي ان المودم مره قريب منك وهذي الغريبة ؟

السؤال هل فيه احد من اخوانك الحين شغال على نفس الشبكة اللاسلكية للمودم تبعكم ؟

اذا كان الجواب ( نعم ) فادخلي جهازه وشوفي اسم الشبكة وطابقيه على الاللي عندك لأن مو معقلوه يكون فيه احد شغال على نفس الشبكة وانتي حتى الاشارة ماتظهر عندك فحبيت تتأكدي ...

أو ممكن بطريقة ثانية تتأكدي من اسم الشبكة وهي انك تشبكي كيبل الشبكة من المودم لجهازك مباشرة ثم تدخلي على المودم عن طريق كتابة العنوان التالي في المتصفح : 192.168.1.254 طبعاً الرقم هذا خاص بمودم SpeedTouch بكل موديلاته ..

ولما تدخلي على صفحة المودم شوفي القوائم في الجهه اليسرى وابحثي عن كلمة وايرليس ولما تضغطي عليها بتظهر لك اعدادات الوايرليس ومن ضمنها تلاقي خانة اسمها SSID وقدامها اسم .. الاسم هذا هو اسم الشبكة اللاسلكية تأكدي منه ...

وشي ثاني ابغاك تشوفي اللمبة اللي على المودم من قدام وبالضبط اللي جنبها كلمة ( WLAN ) أو ( Wireless ) هل اللمبة شغاله أو طافيه ؟ علشان نتأكد أن البث اللاسلكي شغال ...

امممم حاجة اخيرة تذكرتها ..

ودي تصوري لي برنامج الوايرليس عندك اللي يعمل لك بحث عن الشبكات ودي اتأكد انك ماشيه معاي بشكل سليم وابغى اتأكد هل انتي عرفتي تعملي بحث للشبكات أو لا .. إذا امكن ولا عليك آمر ..

بنتظرك ...

أخوك الهاوي .......

اخوي بروفيشنال مشكور وماقصرت تعبتك معاي
اللي صار اني ضبطت اعدادات المودم من جهازي وسميت الشبكه باسم معين وحطيت لها باس وورد ولما صار العطل بالوايرلس في جهازي راحت كل الاعدادات ورجع اسم الشبكة سبيد تتش بدون باس وورد هذا اللي خلاني اظن انها مو شبكتي لان كل مره اسوي سيرش ادور الاسم اللي انا حطيته
بروفيشنال وحكايه اكرر اعتذاري شغلتكم وبالاخير طلع استيعابي بطيء : )
تسلمون

هههههههههه يا حياتي أنتِ كل هالزحمه واخر شي قاعده تدورين الاسم الي انتِ حاطته ..
على العموم بالنسبة لي ماله داعي الاعتذار لأني فعلاً ما سويت شي ؟؟
وطبيعي اذا سوتي فورمات للمودم أو تلخبطت الاعدادات فيه يروح كل الي انتِ كنتِ حاطته الاسم والباسوورد ..
بس كان عندي شغف اعرف حل مشكلتك لأني بصراحه انهبلت كل الحلول الي عطاك الهاوي ومع هذا ما نفع ...
عسى ربي يفرجلك همك وييسر أمرك وأمر كل مسلم آمين ..