يا بنات صدقوني يمكن انا اكثر وحده كنت ابحث عن خرابيط الحمل بالولد والبنت و لا كنت انزل مواضيع عن الحمل بالولد والبنت بعد (اعترررفففف)
بس صدقوني مليييييت والله على مااقول شهيد اني مليت لان خلاص الوحده صارت حامل والي في بطنها صاااااار اذا كان ولد او بنت يعني خلونا نقول سوينا تجارب الملح والقلم والشعير والقمح (هذا الي اعرفة) بعد الله اعلم ايش بعد من هالسوالف ... طيب ايش رح نستفاد من التجارب ؟؟؟؟؟ يعني خلونا نقول انه كل التجارب طلعت ولد بس الله حاط في رحمي ببنت ... ايش يكون موقفك ؟؟ و خلااص انا مقتنعه اني حامل بولد لما اولدها اكذب الي بعيني واصدق التجارب ؟؟؟
اكيد انصدم لان التجارب تقول ولد
تصير صدمه صح وله لا ؟؟؟؟وخصووووووصا خصووووووووصا الي يسوون هالتجارب و بالسونار تطلع نتيجه ثانيه
يا سلالالالالالالام تجي للمنتدى وتكتب موضوع وتقووووول ماني عااااارفه مين اصدق والله مسخره يا بنات سمو بالرحمان خلااص ملينا والله ملينا .... اما بالنسبه للاحلام فهذا شيء من الله سبحانه وتعالى يجي لا ارادي وبعدين احس السونار كااافي وانا افضل اني اسئل عن جنس المولود بالسادس انتو الله يهديكم وحده تكتب لي موضوع صديقتي مدري اختي عرفت جنس الجنيين بشهر الثاني وتبغي تستفسر معقوله يطلع جنس الجنيين واضح لسه صغير طيب الدكتور شلون عرف طيب معقوله يغلط و كركرركركركركررككركركر (كلام) طيب اوكي خلونا نقول انك من الشهر الاول عرفتي جنس الجنيين اوكي على العين والراس طيب ايش الي راح يتغير ؟؟؟؟؟ عشان الالوان والتجهيزات ازرق ووردي اكيد لاا خلونا نكون صريحين
يعني اذا عشان التجهيزات يا محلى هالالوان الموجوده بالسوق من ابيض واحمر واخظر واصفر للولد والبنت يعني معقوله كل التجهيزات رح تكون ازرققققق فقططططط وله وردييييي فقطططططط؟؟؟؟؟ رح تكون ممله وماعتقد اذا احد عرف جنس الجنيين فعلا يجهز لون واحد اكيد شويه الوان مختلفه شوي ؟؟
و القصد من كلامي انه ليششششش نبغي نعرف جنس المولود وندوخ نفسنه ؟؟؟ وخصوصا الي يسالون اكثر من مره عن طريق السونار وكل مره يخبروهم نتيجه تختلف عن الثانيه ؟؟؟ و وحده من البنات اذكر تقول انا الليل مااناااااامه ماني عارفة بنت او ولد
لهالدرجه لهالدرجه يا بنات معقوله ؟؟؟؟؟؟؟ و اذا كان الموضوع مهم فياريت التخطيط المسبق مع الدكتوره قبل الحمل اذا خايفة تجيكي بنت وانتي تبغين ولد او العكس يعني الي حامل بولد وتبغي بنت او الي حامل ببنت وتبغي ولد هذا لازم يكون له قرار مسبق مع الدكتوره مش تحملي على الله وتجين تنزلين بهالمواضيع بنت وله ولد ولد وله بنت اذا انتي مؤمنه بالله وايش الي رح يعطيكي الله من هديه فلازم خلااص تقولين الحمدلله
وانا اعرف نااااااااااس راحت على دكاتره عشان يحددون جنس المولود
... اما اذا حملتي بعد خلاص تخليها على الله والي يجي من الله حياه الله اهم شي الصحه والعافية والله على مااقول شهيد اعرف وحده تنجب بس اولاد (ذكور) ... تقول الناس وين ما تشوفني تقول عدها اولاد وعدها اولاد وماعدها بنات واخر واحد اجاها معوق اللهم اعطينا الصحه والعافية و الله حياتها جحيممم بسبب هالطفل لا حول ولا قوه الا بالله العلي العظيم
في النهايه اقول هذا الكلام مووجه للجميع ومن ظمنهم انا
والحمدلله اهم شي الصحه والعافية يا بنات صدقوني واسفه اذا طولت لساني عليكم او كتبت بشكل هجومي بس لازم نكبر عقولنا شوي والله يسامحني لاني انا كنت من هالنوع والله يسامح الجميع
اللهم ارحمنا و اغفر لنا وسامحنا ان اخطئنا او نسينا ياااااااااااارب
والسلام عليكم ورحمه الله وبركاته
(طبعا منقول لعيونكم).وأتمنى تقيموني