االسلام عليكم ورحمة الله وبركاته ..
أخباركم حبيباتي ..
طبعا اليوم انا بعون الله وقدرته أفتح الجزء الثامن الى هذا التجمع الي أتمنى يكون خير علينا ويحقق حلمنا وتصير اجسامنا مثل ما نتمنى ونتمتع بصحه وعافيه ..
بتكلم مع الجميع عن تجربتي .. مع بنات التجمع الي عرفتهم من اول جزء والله يطمنا عليهم الى بنات التجمع في الجزء هذا والمتواصلين معاي والى كل بنت في عروسه تتمنى تحقق حلمها في انزال وزنهاا ..
كل مره يا بنات أقول بسوي رجيم وبلتزم وطبعا يومين وما اوااصل ليش لان كان بتفكيري الرجيم يعني احرم نفسي من الاكل واقوم اركض وامشي بيوم واحد وبنفس اليوم ابي وزني ينقص وهذا شيء غلط مستحيل في يوم واسبوع او حتى شهر ..
بعد ولادتي ولاني عملية قيصريه والكل كان يزورني يقول ان الكرش مايروح لو شنو تسوين تحديدت هل الكرش وتحديت نفسي وقررت اسوي رجيم ..
اول ماقررت كان وزني مايقارب 85 ولاني توني ولدت صار ينزل وصل 82 وابتديت من قلب وتوكلت ع الله وهذا انا اليوم حققت حلمي وهدفي وموااصله ..
كانت رغبتي يوصل وزني 65 وكنت متوقعه مابقدر اواصل اكثر من جذي بس الحمدالله لم حققت هل االحلم قررت اوااصل لم اشوف جسمي متناسق ومرتب بشكل يرضيني واليوم والحمدالله ماشاء الله تبارك الرحمن وزني 63 وحلمي اوااصل اكثر ..
طبعا يا بنات وصلت الى هذا كله بسب اصراري وكنت حالي حالكم اخربط واخبص واكل ممنوع بس ما اندم واتدمر واتحطم واخرب رجيمي لا كنت اقول ماعليه بعوض وبصبر وكنت دايم اصبر نفسي واقول اووف ابي انزل ع مهلي ما ابي بلعجله بعدين يرجع وزني اثناء رجيمي توقفت لم شهر ونص عن الرجيم وكنت اكل كل شيء بسب ظروف لكن يا بنات مازدت ولا اشوي ولا تغير وزني بلعكس كان ثابت لان رجيمي كان ع مهل وطول بال ...
بنات تجمعاتي السابقه من الاولى الى السابع كان لها فضل ودور من بعد فضل الله في الي وصلت له وطبعا كل بنت كانت معاي اشكرها من كل قلبي لان بعد فضل الله لهم فضل عليي ..
ابي في خلال فتره بسيطه اشوف اني في عالم الخمسينات وانزل موضوع اني انهيت رجيمي واكتب تجربتي للكل .. أدعو لي ..
كثرت عليكم كلام بس حبيت افيدكم اشوي ..
هذا الجزء الثامن يا بنات وحياكم الله فيه ..
.
.
.
.
.
الي حابه تتطلع ع الجزء الاول والجزء الثاني والثالث والرابع والخامس والسادس والسابع هذا الروابط تحت امرها فيها يومياتنا وكل شيء بتفصيل ..
خطوات واجب تنفيذها .. اتمنى تتقيدون فيها يا بنات لانهم لصالحكم وصالح التجمع ..
اولا .... العزيمه والاراده والرغبه الملحه في انزال الوزن ..
ثانيا.. اضافات بيانات العضوه المشتركه في التجمع قبل البدء في الرجيم وبعد البدء فيه ..
ثالثا.. الحضور اليومي واضافات اليوميات بما تحمل من التزام وتخبيص بتفصيل ممل..
رابعا.. جعل يوم الخميس يوم الوزن ولا تختلف اي عضوه من العضوات عن هذا اليوم الا لسبب يتم شرحه قبل يوم الوزن ..
خامسا .. يوم الجمعه يكون يوم الكسر وتحرم كل عضو لم تنزل من وزنها في خلال الاسبوع هذا اليوم ولا تحصل ع يوم كسر ..
سادسا.. جعل ساعه او نص ساعه الى التمارين الخاص بالمناطق المتراكم فيه الدهون لكل عضوه ... وهاذي النقطه مهمه والي ماراح تنفذها رااح تحصل عقاب ..
سابعا .. تحديد ثلاثة ايام للمشي في الاسبوع ع الاقل نصف ساعه والي ماتقدر تحاول تتحرك بالبيت واايد وتمشي ما يعادل الوقت المطلوب ..
ثامنا .. نزول الدرج لمدة عشر دقايق مره او مرتين يومين ..
تاسعا .. الاستغفار مئه مره وبعدها الدعاء للنفس بالصحه والعافيه والطلب من الله بخالص الدعاء انج تقدرين تستمرين في الرجيم وتوصلين للوزن الى تتمنينه ..
عاشرا .. الاهتمام بالجسم والوجه والشعر اثناء القيام بالرجيم ...
دهن الشعر وتغميره بكميه كبيره من زيت الشعر كل ليله ..
بعد السباحه مسح الجسم بلوشن او فازلين او اي نوع من المرطب لتفادي الخطوط الناتجه عن الرجيم ..
مسح الوجه بكريم اولاي اوي اي كريم تفضله العضوه بشكل مستمر للحصول ع نتائج سريعه ومريحه ..
عند عمل الرياضه امسحي الوجه باحد الامرين زبادي او عسل .. وعني انا قررت يوم عسل ويوم زبادي واعمل الرياضه وبعدها استحم ..
..
تقسيم الاكل ..
نحاول نجعل كل يوم مقسم ثلاث مرات .. يعني ثلاث وجبات التزم فيهاا كثر ما اقدر ..
فطور .. غذاء .. عشاء ولا ابتعد عن واحد فيهم ...
بين الوجبات مسموح اكل التفاح الاخضر او الاجاص او شرب شاي اخضر او اكل قطعه شابوره وشرب كوفي او اكل الخس ..
بين كل وجبه بعد ساعتين اخذي من المسموح بين الوجبات واكليه عشان يساعد ع حرق الدهون وعدم توقف عمليه االحرق ولا تصومين عن الاكل من وجبه الى الوجبه الثانيه لان هذا يخلي الجسم يخزن الدهوون وماراح تستفيدون ..
اعتمدي ع الشاي الاخضر ولا تتهاوني في شربه اخذيه كل ماقدرتي كل ماشربتي كل ماطرد السموم من الجسم ..
كثري من شرب الماء وزعي علب الماء ع جميع اجزاء الغرفه وقرب جهاز الكمبيوتر وقرب خزانه الملابس وقرب السرير وكل ما شفتي علبة ماء اشربي بدون توقف او تردد ..
حاولي تنظيم اوقات النوم واخذ الراحه الكافيه وامدداد الجسم بالطاقه ..
قومي بواجباتك بنفسك حتى تساعدي الجسم ع الحركه بستمرار دون الحاجه لحد تجنبي طلب هذا وهذا من الام او الشغاله او احد الاخوات قولي يارب وقفي ع رجليكي وقومي بتنفيذ ماتحتاجينه لنفسك .. ففي الحركه البركه ..
قدر الاماكن اتركي ما يقارب الثلاث ساعات الى اربع بين الوجبات ولا تاكلي بينهم غير الممسموح به وما ذكر اعلى ..
تجنبي النوم بعد الاكل مباشره واذا احسستي انك محتاجه للنوم بعد الاكل تحركي وقومي بي اي عمل ودهني جسمك وشعرك ووجهك واستغفري واعملي تمارين رياضيه وبعدها فكري في النوم ..
تجنبي وضع الملح في الاكل واضيفي قدر الاماكن البهارات او االمنكهات الحاره لانها تساعد ع الحرق بشكل كبير ..
حاولي قدر الاستطاعه ان تكون وجبه العشاء وجبه خفيفه لا تحمل الكثير .. مثل صحن سلطه خفيف او علبة زبادي قليله او خاليه الدسم او تفاحه او برتقاله وهكذا ..
واخيرا وليس اخرا .. لا تياسي من نفسك ومقدرتها ع النجاح .. توكلي ع الله سبحانه وتعال وقولي انا قادره باذنه تعال و ضعي هدفكي امام كل شيء وتقدمي كل يوم وكل لحظه خطوه والله لا يضيع تعب احد ابدا..
اتمنى يا بنات نطبق الي ذكرته وصدقوني راح نتمتع بصحه جميله ومظهر انيق يشرح صدرنا قبل صدر غيرنا ..
وانا اكتب هذا الكلام يا بنات عاهدت نفسي التزم فيه ومن اليوم ومن هل الساعه وما تردد انفذ اي شيء فيه ..
يالله يا بنات نتوكل ع الله ونحقق احلامنا ..
بالتوفيق حبياباتي ..
(f)
