عاجل .... الولاده القيصريه

ا

العنود78

عروس نشيطة

19-04-2009 | 04:33 AM

السلام عليكم ...

شخباركم ياحوامل الله يسهل عليكم وعلينا ..

بنات متضايقه شوي انا ولادتي الاولى كانت طبيعيه واللحين لما دخلت الشهر التاسع كان كلشي اوكي راس البيبي تحت بس لما رحت اخر موعدين راس البيبي راح فوق وبعدين صار بالعرض .. فاللحين المستشفى يبغون يسون لي قيصري .. طبعا اتضايقت وصحت اشوي ..عسى عن صلاح ..

بنات ممكن تفهموني وتجاوبوني عن بعض الاسئله لاني ابغي اعرف وحدي خايفه من البنج:confused:

بسم الله نبدأ

هل احسن اسوي بنج كامل او نصفي؟؟؟

لما يخدرونا متى نقعد بعد البنج ساعه اوساعتين او نصف ساعه ؟؟

متى يروح مفعزل البنج النصفي ؟؟

متى تستطيع المرأه القيام من السرير ؟؟

بعدين بعد الولاده ..... هل نستطيع نسوي برنامج النفاس من ادويه شعبيه وربط للبطن ورياضه ؟؟

هل الكرش يروح لان اللي اعرفهم مسويين قيصري ويشتكون من الكرشو معظمهم كانهم حوامل ؟؟

الله يسلمكم لا تبخلون علي بردودكم وربي يجعله في ميزان حسناتكم .... (f)

ر

ريحانة القلوب

عروس مبدعة

19-04-2009 | 11:04 AM

عسى يا رب يقلب البيبي ويرجع لوضعة الطبيعي وما تحتاجي لعملية . وحتى لو عملية مافي خوف حبيبتي العملية بعد أسهل من الطبيعي في العملية غمض فتح تحصلي البيبي طلع لكن الطبيعي أتكوني بوعيك خطوة خطوة. وكلها تقادير من رب العالمين اطمني

م

مناهل78

مشرفة سابقة

19-04-2009 | 03:34 PM

الله يهون عليج أختي ويكتب لج اللي فيه الصلاح.. أنا بعد ولادتي الأولى طبيعية بس هالمرة الطلق كان حامي والرحم مايتوسع ولما النبض نزل دخلوني قيصرية وآنه على عماي مادري شي عن القيصرية بالمرة..

المهم سويت بنج نصفي.. يطقونج الأبر يمكن أربع في فقرات الظهر وبعدين يبطحونج على السرير ويغطون النص السفلي يكون ماتجوفين وبعدين يسون العملية ويخلونج عقبها ربع ساعة في العمليات يتأكدون مافيج شي وبعدين يطلعونج غرفتج...

أول يوم لازم ماتتحركين من السرير بالمرة وعقب ست ساعات يخلونج تشربين ماي وتكملين الأربع عشرين ساعة بس سؤال بعدين ممكن تتحركين ويغسلونج بأسفنجة وصابون بس السبوح الكامل بعد 48 ساعة تقريبا....