ممكن شوي؟؟؟

السلام عليكم ورحمة الله وبركاته

شخباركم جبيباتي ان شاء الله تكونون بخير؟؟

بنات انا مضااااااااااااااااايقه حيل من سالفه صارت اليوم وعندي امتحان ومب قادره اذاكر والسبه هالسالفه

بقولكم السالفه

طبعا كل بيت تصير فيه مشاكل واليوم صارت مشكله بين ماما وبابا والسبب تافه جدا

بابا وماما سافروا يوم الاربعاء للعمره وامس الحمدلله ارجعوا وبابا في وهو رايح يعتمر عاهد نفسه انه مايدخن وانه بيترك التدخين للابد لان هو يدخن واااااااااااااااااااااااااااااااايد

المهم هو مادخن خلال الايام اللي كان موجود فيها فالسعوديه وكان مزاجه متعكر وااااااااااااايد تعرفون اللي يهد التدخين بداية الايام يكون مزاجه متعكر ومايكون طايق شي ابدا

ولما كانوا فالسعوديه طبعا كان يعصب شوي على ماما على اتفه الاشياء وغير كذا الوالد عصبي يعني متعكر مزاجه ع شان ما دخن وهو اساسا عصبي يعني عصب على ماما على كذا شي وامس يوم رجعوا من السفر قعدوا يتناقشوا هو وماما على اللي صار بينهم قدامي وهو قال حق ماما لا تقعدوا تناقشوني وايد انا مزاجي متعكر وماما ما سكتت تمت تتكلم وتتكلم وانا اقولها سكتي عنه هو مضايق ومزاجه متعكر لان مادخن

اليوم الصبح بابا سال ماما عن فلوسه اللي حاطنهم عندها وهي جابتهم له وحصل 20 ريال عماني (200 ريال سعودي) ناقصين من الفلوس وسالها وهي قالت ماعرف وقالها انتي ماخذتنهم وهي تحلف انا قلت اكيد بابا صرفهم في شي ومب متذكر المهم هني ماما عصبت وقالت حق ابوي خلاص ماراح اقعد في بيتك يوم تسرقني وبابا كان معصب قال لها لا ترفعين صوتج علي

المهم وداني الكليه ووصل اخواني الصغار المدرسه ومسكين اخوي الصغير عمره 8 سنوات قعد يصيح من الصبح يوم يتهاوشون وراح المدرسه وهو يصيح كسر خاطري وايد

وانا ماركزت فالكلاس ابدا كله افكر شنو راح يصير

المهم بابا وصلنا ورجع البيت يتفاهم مع ماما وكان اخوي الكبير فالبيت
وبدأ يتناقشوا
وبابا تلفظ بألفاظ سيئه على ماما وقالها انتي اصلا تكلمين شباب وتاخذين الفلوس هذي عشان تعطينهم الشباب عصبت عليه ماما وتفلت بوجهه وقالت له ماتستحي على وجهك بعد 25 سنه زواج تقولي هالكلام وقدام ولدك الكبير لان اخوي الكبير كان موجود يوم بابا يسبها وكان ساكت وبابا ما قال شي وتموا يتناقشون وبعدها ماما قالت خلاص انا بروح بيت اهلي اخوي الكبير ما خلاها قال لها خلاص على شان خاطرنا ومن هالكلام قعدي

وبعدها بساعتين او 3 ساعات رجع بابا البيت واعتذر لماما عن الكلام اللي قالها ياه وهذي تقريبا اول مره بابا يعتذر حق ماما يوم تصير بينهم مشاكل المهم اعتذر لها ومادري ماما سامحته او لا لان الكلام اللي قاله بابا الصراحه وايد قوي

الحين ابي اعرف منو الغلطان ؟؟؟

وماما كاسره خاطري وايد ما تستاهل هالكلام ؟؟
وبابا كاسر خاطري لانه يبي يهد التدخين ومب قادر ومزاجه متعكر ع الاخر وانا قاعده احاول فيه وانصحه انه يهد التدخين ورحت معاه الصيدليه وشرينا اللبان اللي يستخدمونه عشان يهد التدخين وهو كاسر خاطري احسه مضايق وايد ؟؟؟

وانا ابي انسى السالفه وابي اروح اذاكر عشان الامتحان واحس بتوتر تعرفون يوم تكون مشكله بين الام والاب كيف يكون حال عيالهم

قولوا شسوي بليز

والله يجزي كل وحده تدخل الموضوع الجنه

واسفه طولت عليكم وايد بس مضايقه وقلت افض افض لكم مالي غيركم ماعندي خوات افض افض لهم غيركم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟