يالغاليات ازحموا ،،، الطبق اللي سويته وصل
طبق بسيط وسهل سميته >>>> " الحاجة ام الاختراع "
ماخذ مني الا 15 دقيقة للتحضير والتزيين والانتهاء منه..
هالسووووووويت وراه قصة ،، صديقتي حبت تزورني وتوهقت شسوي لها ،،شفت وش عندي من مقادير وطلعت بهالفكرة ،، مع ان الطبق قديمممم غبار ،، بس طريقة التزيين ابتكرتها للتغييير
هذي صورة مطبخي بالضببببط ومنه طلعت المقادير:wink:
:o اقول >> الافضل ركزوا على عمل إيديا وحياة عينيا...
اولا : المقادير:
حليب طازج سائل
قشطة
بسكوت "شاي"
دريم ويب
بودرة كاكاو
هيرشي صوص "للتزيين"
الطريقة :
موضحة بالصور خطوة بخطوة ،، راح اعلق تحتهم " مع ان مايحتاجون تعليق او كلام"
هذي المقادير بالصورة،،
اول شي خلطت القشطة مع الدريم ويب وبعدين ضفت له بودرة الكاكاو،،وتحطين البودرة كثر ماتحبينه يكون اللون " غامق أو فاتح" ،،
كسرت البسكوت لمثلثات بالسكين شوي شوي عشان يضبط معاي المثلث " للتزين"
وكسرت قطع بسكوت بطريقة ثانية على شكل مربعات صغيرة عشان اقدر اخليها بطبق التقديم
غسمت البسكوت بالحليب الطازج عشان يلين وصفيته بهالطريقة اللي في الصورة،، وبعدين حطيت عليه طبقة الخليط اللي سويته من القشطة والدريم ويب ،،الخ عليه ,, وبعدين الطبقة الثالثة بسكوت والطبقة الرابعة خليط القشطة ،،بس ماحطيت صورة هالعملية >>نسيت :o
وهذا شكل الطبق بالاخير: زينته بحبات بودرة الكاكاو وحطيت على المثلث " صوص هيرشي" ودعسته :D بالطبق..
وهذي صورة ثانية ،، انشاءالله تعجبكم مثل ماعجبت رفيجتي ،، هههه
من بعد التحضير نحتاج نغسل الاواني اللي سوينا فيهم واستعملت صابون خاص ماراح اقولكم عن اسمه فصارت الصحون بهاللمعة ،،خخخخخخ
على فكرة هذي اول مرة اسوي سويت في بيتي ،، ماعندي مطبخ ،، بس هالطبق مايحتاج لأي شي غير انج تحطينه بالثلاجة لين يبرد مدة نص ساعة على الاقل ..
تقبلوا مروري ،،وتقبلوا مشاركتي الاولى بهذا الركن لاول طبق من يدي :o
