:confused:مادري شقول لكم يا جماعه بس انا البارحه حللت وطلعت حامل وقلت لزوجي وزوجي قال الله رزق والحمدلله وانا اقول له مايصير ولدي وااااااايد صغير وبعده وشلون بحمل واربي وانا اشتغل؟
وانا اخلي ولدي عند امي اذا اروح الدوام والحين اختي اللي اكبر مني حامل وبنفس الشهر وياي بالصدفة واهي عمر بنتها 3ونص وانا ولد 8شهور موحرام !!!!!!!
بعدين انا حملي ثقيل نساتي ثقيلة وكله مرقدة دمي و المشيمة وبلاوي وغير الولادة اللي خلتني اكثر من 24 ساعة اطلق تخيلو اني ولادتي السابقة في شهررمضان فكان الطلق وياي من بعد الفطور ولا تسحرت ولاشي وتميت في البيت الى الصبح رحت الى امي وبعدين الضحى رحت الستشفى وتميت الى الفطور انا كنت 7 سانتي بالضبط عند اذان المغرب انا 7 وشي الى وصار ت 7 وشي 8الا واذا انا صرت 10 سانتي وتميت 4 ساعات على ال10 وماولدت خلاص صادني نزيف والياهل صار راسه عند العظمتين وضعي ما يسمحبعملية لان خطيرة عليي وعلى الياهل بس قالو بعد بحاولون في اثناء الله يتصلون الى دكتور البنج انا ولدت فتخيلو وضعي وماني قادرة انسى هالكابوس لان اخذت في الخياط بعدين ساعتين وصادتني صخونه وخلوني في غرفة الولادة يومين بعد الولادة وحطو لي دم وتلعوزت في حملي ولادتي .تميت في المستشفى في الجناح بعدها اسبوع بعدين رخصوني.
فياريت بنات اتفيدوني شسوي ويا ولدي الصغير ؟؟ ارضعه طبيعي عادي ؟؟؟ اهو يشرب صناعي , اقول الى امي واهلي ؟؟
انا ما قلت الا لزوجي وقلت له ما ابي احد يعرف
ولدي عمره 8شهور وانا حامل الحين والله احس ان ظلمته
ر
18-04-2009 | 08:04 AM
A
18-04-2009 | 08:14 AM
السلام عليكم أختي أول شي مبروك الحمل والله يسهل عليك
وبعدين أختي مافي شي حرام باللي قلتيه إذا إنتي ماكنتي مستخدمه مانع ليش زعلانه المفروض تتوقعين الحمل وإذا استخدمتي وحملتي فوقه فهذا رزقك والله له حكمته في هذا الشي تعوذي من ابليس ولا تقارنين نفسك بأختك وقولي الحمدلله هي رزقها مكتوب وانتي رزقك مكتوب أدري إن تعب بس إحتسبي الأجر عند رب العالمين ومب شرط هذي الولاده تكون مثل الأولى داومي على الإستغفار وسورة البقرة وصدقيني لو هونتيها بتهون وبالنسبه للرضاعه ماعندي خبره إن شاء الله البنات يفيدونك والله يسهل عليك يارب وعلى جميع الحوامل
وبعدين أختي مافي شي حرام باللي قلتيه إذا إنتي ماكنتي مستخدمه مانع ليش زعلانه المفروض تتوقعين الحمل وإذا استخدمتي وحملتي فوقه فهذا رزقك والله له حكمته في هذا الشي تعوذي من ابليس ولا تقارنين نفسك بأختك وقولي الحمدلله هي رزقها مكتوب وانتي رزقك مكتوب أدري إن تعب بس إحتسبي الأجر عند رب العالمين ومب شرط هذي الولاده تكون مثل الأولى داومي على الإستغفار وسورة البقرة وصدقيني لو هونتيها بتهون وبالنسبه للرضاعه ماعندي خبره إن شاء الله البنات يفيدونك والله يسهل عليك يارب وعلى جميع الحوامل
ا
18-04-2009 | 10:13 AM
مبرووووووك ع الحمل والله يسهل عليج ان شاء الله
بتكلم عن تجربتي لاني مريت بنفس الوضع بس بنتي اصغر حملت وعمرها 3 شهور
انا حاليا حامل....حملت بعد ما كملت بنتي 3شهور :( لما رحت عند الدكتوره قالتلي عادي ارضع بنتي لثلاث او اربع شهور كحد اقصى وهالفتره عشان تفطمينه او تعودينه على الحليب الصناعي....في حالتي خليتها تتعود على الحليب الصناعي لانه للاسف صغيرة على انها تنفطم وكانت طول الليل تصيح ومتعبتني لانه الحليب خف في صدري وما كانت تشبع وبدا وزنها ينقص وصار عندها فقر دم بس حاليا الحمدلله تحسن وضعها بعد ما تعودت على المرضعه ونست صدري
بتكلم عن تجربتي لاني مريت بنفس الوضع بس بنتي اصغر حملت وعمرها 3 شهور
انا حاليا حامل....حملت بعد ما كملت بنتي 3شهور :( لما رحت عند الدكتوره قالتلي عادي ارضع بنتي لثلاث او اربع شهور كحد اقصى وهالفتره عشان تفطمينه او تعودينه على الحليب الصناعي....في حالتي خليتها تتعود على الحليب الصناعي لانه للاسف صغيرة على انها تنفطم وكانت طول الليل تصيح ومتعبتني لانه الحليب خف في صدري وما كانت تشبع وبدا وزنها ينقص وصار عندها فقر دم بس حاليا الحمدلله تحسن وضعها بعد ما تعودت على المرضعه ونست صدري
أ
18-04-2009 | 10:48 AM
مبرووووووك ع الحمل والله يسهل عليكي ان شاء الله
ر
18-04-2009 | 12:13 PM
هونيها أختي وبتهون انا بعد مثلك حملت وبنتي عمرها سنه وشهرين وكنت والدتنها بعملية كنت ما متوقعه الحمل أبدا اكن هذا رزق من رب العالمين. ونصيحة أختي فطمي ولدك لا تخلية يشرب من صدرك نهائيا لأن حليب الحامل يسمى مغيل وأستحملي صياحة وتغير في مزاجه ترا شئ وصار ولازم تستحملي.
يالله أختي دخلي معانا حوامل شهر ديسمبر إذا كانت ولادتك بهالشهر.(f)
يالله أختي دخلي معانا حوامل شهر ديسمبر إذا كانت ولادتك بهالشهر.(f)
P
18-04-2009 | 12:20 PM
والله اهو كل شي من الله اكيد فيه خير لنا ,,
بس احنا نفكر بوضعنا يعني دراسه و شغل بيت و الاهتمام بالياهل و غير الزوج :(
يعني اشياء وايد تعيق ان اتييبين بيبي ثاني قبل لا يكبر الاول
بس شتسوين قسمه و نصيب ,,
الله يعينج يآآرب
بس احنا نفكر بوضعنا يعني دراسه و شغل بيت و الاهتمام بالياهل و غير الزوج :(
يعني اشياء وايد تعيق ان اتييبين بيبي ثاني قبل لا يكبر الاول
بس شتسوين قسمه و نصيب ,,
الله يعينج يآآرب
ر
18-04-2009 | 12:47 PM
اول شيء اختي الوحام وتعب الحمل يختلف من حمل الى اخر وان شاء الله هالمره يكون حملك سهل جدا
والولاده الاولى دائما تكون اصعب واطول لكن الولاده الثانيه تكون اسرع
ومن ناحية انك ظلمتي طفلك كلامك مو صحيح لان الي تجيب توائم معناتها بتظلم الطفلين لا الله سبحانه وتعالى يقدرها وتقوم بالاثنين وتخدمهم وتربيهم وتدلعهم بافضل شيء
سهلي الامور وتتسهل والله يقومك بالسلامه
والولاده الاولى دائما تكون اصعب واطول لكن الولاده الثانيه تكون اسرع
ومن ناحية انك ظلمتي طفلك كلامك مو صحيح لان الي تجيب توائم معناتها بتظلم الطفلين لا الله سبحانه وتعالى يقدرها وتقوم بالاثنين وتخدمهم وتربيهم وتدلعهم بافضل شيء
سهلي الامور وتتسهل والله يقومك بالسلامه
أ
18-04-2009 | 01:31 PM
مبروك الحمل اولاً
وثانيا هذي رزقك من عند رب العالمين الله كاتب جذي
لازم تتحملين وتفرحين علشان مايصير فيج شي انتي او البيبي لاقدر الله
ويمكن الله يخفف عليج ويرحمج بهالحملة وتكون اخف من الاولى
وعسى ان تكرهوا شيئاً وهو خير لكم :)...
وثانيا هذي رزقك من عند رب العالمين الله كاتب جذي
لازم تتحملين وتفرحين علشان مايصير فيج شي انتي او البيبي لاقدر الله
ويمكن الله يخفف عليج ويرحمج بهالحملة وتكون اخف من الاولى
وعسى ان تكرهوا شيئاً وهو خير لكم :)...
ر
18-04-2009 | 01:32 PM
الحمدلله على كل حال ..
هاد رزق من الله الله يعينك على الحمل والولادة وتربيتهم .. والله بيسهل لك امورك بأذنه تعالى ..
هاد رزق من الله الله يعينك على الحمل والولادة وتربيتهم .. والله بيسهل لك امورك بأذنه تعالى ..
@
18-04-2009 | 01:46 PM
شتسوين مالج الا الصبر ..
م
18-04-2009 | 02:04 PM
خيو انتي نفس اختي بالضبط
اهي بعد حملت على ولدها و كان عمره 7 شهور تقريبا
و على فكره اهي بعد نساتها ثقيله بس ربك كريم و مايضيع
بحملها هذا كلش كانت نساتها خفيفه وانقضت الاشهر و الحين موعدها باقي لها جم يوم ان شاء الله
الله يردها بالسلامه
لاتفكرين بكل التفاصيل لان الله سبحانه رحيم تتوقعين انك بتكونين ارحم على ولدك من ربك
لا والله
الله ما عطاك الثاني الا لحكمه عنده سبحانه .. احمدي الله على النعمه ترى ناس تبي وتتمنى لو تحمل بواحد كل شهر
اهي بعد حملت على ولدها و كان عمره 7 شهور تقريبا
و على فكره اهي بعد نساتها ثقيله بس ربك كريم و مايضيع
بحملها هذا كلش كانت نساتها خفيفه وانقضت الاشهر و الحين موعدها باقي لها جم يوم ان شاء الله
الله يردها بالسلامه
لاتفكرين بكل التفاصيل لان الله سبحانه رحيم تتوقعين انك بتكونين ارحم على ولدك من ربك
لا والله
الله ما عطاك الثاني الا لحكمه عنده سبحانه .. احمدي الله على النعمه ترى ناس تبي وتتمنى لو تحمل بواحد كل شهر
ر
18-04-2009 | 03:31 PM
الله يسهل عليك يارب
ولانك ما استعملتي ما نع فالحمل شي وارد ..
اتقبلي الحمل وتاقلمي مع الوضع وبترتاحين..
ولانك ما استعملتي ما نع فالحمل شي وارد ..
اتقبلي الحمل وتاقلمي مع الوضع وبترتاحين..
s
18-04-2009 | 04:34 PM
هلا حبيبتي ... قولي الحمدلله هذي نعمة من الله وقولي ألف اللهم لك الحمد والشكر....
*
18-04-2009 | 05:24 PM
احمدي ربك غييرك يتمناه .. يسوون انابيب ويخسروون مئات الالووف ولا يتم حمل ..الله يتمم لك على خير
ا
18-04-2009 | 05:34 PM
بالعكس أحلى شي اذا جبتي أثنين ورا بعض
أسألي المجرب أنا عندي ولد وبنت الله يحفظهم بينهم سنه وأربع شهور
صح بتتعبين أول سنه شوي
بس من يوم يمشي الثاني
بيصرووون أحلى مايكووون
يلعبون مع بعض ويتهاوشون مع بعض مايحسون بالملل
يكونون قريبين من بعض كأنهم توأم
وانتي عيشي حياتك بطولها وعرضها لين تفكرين تجيبين الثالث
بس الواحد أهم شيء يسأل الله صلاح الذريه
تقبل مروري حبيبتي
أسألي المجرب أنا عندي ولد وبنت الله يحفظهم بينهم سنه وأربع شهور
صح بتتعبين أول سنه شوي
بس من يوم يمشي الثاني
بيصرووون أحلى مايكووون
يلعبون مع بعض ويتهاوشون مع بعض مايحسون بالملل
يكونون قريبين من بعض كأنهم توأم
وانتي عيشي حياتك بطولها وعرضها لين تفكرين تجيبين الثالث
بس الواحد أهم شيء يسأل الله صلاح الذريه
تقبل مروري حبيبتي
ز
18-04-2009 | 07:28 PM
طيب حبيبتي قولي الحمدلله لاتقولي حرام انه صار هيك لا والله مو حرام
هاذا رزق من رب العالمين مابتقدري تغيريه والحمل بختلف كل مرة عن اللي قبله
بتسالينا ايش اعمل يعني ايش ممكن تعملي غير انك ترضي وتقولي الحمدلله
هاذا رزق من رب العالمين مابتقدري تغيريه والحمل بختلف كل مرة عن اللي قبله
بتسالينا ايش اعمل يعني ايش ممكن تعملي غير انك ترضي وتقولي الحمدلله
ق
18-04-2009 | 10:06 PM
مبروك الحمل
والله يسهل عليك يارب وهذا رزق من الله عز وجل
والله يسهل عليك يارب وهذا رزق من الله عز وجل
ب
18-04-2009 | 10:35 PM
أولا مبروك الحمل .. و ان شاء الله حملج هالمرة يكون خفيف .. لا تحاتين ..
ثانيا .. كل حمل اهو رزق من رب العالمين و دايما حمدي ربج .. لأن في ناس الله ما كتب لهم الحمل الا بعد سنين من الصبر و المحاولات ..
و ثالثا ،، لا تنسين ان ولدج احين عندج و لازم تهتمين فيه .. فلاتضيعين وقتج بالمحاتاة .. عيشي حياتج و دلعيه و حطيه في عيونه ..
و بعدين اذا كبر اهو مع اخوه .. بيصيرون وايد كلوز مع بعض .. مثل التوأم ..
تعوذي من ابليس من هالافكار و استانسي في كل لحظة تمر عليج .. و الله يهون عليج يا رب ..
ثانيا .. كل حمل اهو رزق من رب العالمين و دايما حمدي ربج .. لأن في ناس الله ما كتب لهم الحمل الا بعد سنين من الصبر و المحاولات ..
و ثالثا ،، لا تنسين ان ولدج احين عندج و لازم تهتمين فيه .. فلاتضيعين وقتج بالمحاتاة .. عيشي حياتج و دلعيه و حطيه في عيونه ..
و بعدين اذا كبر اهو مع اخوه .. بيصيرون وايد كلوز مع بعض .. مثل التوأم ..
تعوذي من ابليس من هالافكار و استانسي في كل لحظة تمر عليج .. و الله يهون عليج يا رب ..
ر
19-04-2009 | 07:35 AM
مشكورين حبايبي رفعتو من معنوياتي وعطيتوني أمل بوضع افضل الله يجازكم على كلامكم الحلو . الله يتقبل دعواتكم لي بالتسهيل . والله يعطي كل وحدة تتمنى ذرية يارب وانشاءالله ذريتكم واذريتي اتكون صالحه هذا اهم شي والسلامه يارب لكل الحوامل