كم سؤال عن الولادة تفضلو

سوري حبيببتي للحين ما مريت بتجربة الولادة بس ما حبيت اجوف موضوعج وما ارد عليج خصوصا ان ما في ردود من أي وحدة..

إن شاء الله يفيدونج غيري وبعدين اذا ابي اي اسأله عن الولادة أسالج وانتي اتفيديني..:)

*um_jihad*;9240208:
السلام عليكم ورحمة الله وبركاته


بما ان ولادتي قربت اكيد الوسواس و التفكير يزيد و اتخيل شكل غرفة الولادة و شكل الممرضه و صوت صراخي معبي المكان ههههه

خطر على بالي كم سؤال ياريت الي جربت الولادة تفيدني
اتمنى اولد طبيعي لكن سبحان الله احيانا تصير حالات طوارئ و تولد الوحده قيصري بدون ما يكون الشي على البال او الخاطر


س1 :قالت لي وحده من صديقاتي ان مجرد ينفتح الرحم 8 سم ابداي بالدفع حتى لو الدكتورة ما طلبت منج لان ما راح تقول لج ادفعي الا اذا وصلتي 10 سم .. هل هالكلام صحيح ؟؟

المرة يعطونها بنج منوم عشان تكون نايمة في وقت الطلق رغم ان هذا الشي غلط لأن وقت ما اهي اتكون في وقت الدفع لازم اتكون امصحصحه وقوية والحال العكس لأنها متخدرة من المنوم فالمهم وكت ما يوصل 10 سم يقولون لج دفعي لأنج اصلن ما تدرين بالدنية وفي خبر كان بسبب التعب من الطلق وكلش فاخة من البنج ،،، الله يسهل


س2 : هل لازم تطلع الفضلات وقت الولادة بدون قصد .. و هل اذا رحت الحمام قبل ما راح اتعرض الى هالموقف ؟؟ و الي صار لها هالشي هل يسبب احراج او عادي و الدكاتره ما يحطون بالهم ؟؟

أحيانا يستخدمون ابرة شرجية عشان تسحب الفضلات قبل لا يحمى الطلق وايي وقت الدفع وفعلا 70% يحصل ان الفضلات تطلع لأن راس الجنين في وقت نزوله في الحوض يضغط على المستقيم فشي طبيعي بتطلع الفضلات ،،، وهالشي عادي بالنسبة لهم لأن تعودو وثانيا الين قربت الولادة منوع عليهم يخلون الوالد تروح دورة المياه عشان تقضي حاجتها ،،، الله يسهل ويكون فالعون



س3 : امممم منحرجه من هالسؤال بس امري لله بسال ... بعد ما يطلع البيبي و يسوون الخياطه .. الممرضه هي الي تنظف المنطقه و تحط الفوطه ؟؟ هل بعد ما يطلعونج من غرفه الولادة الى الجناح تكوني حالتج حاله و دم و عرق و لعواز ؟؟

نعم نعم نعم ،،، والحقيقة ان الوالد ما يودونها الجناج إلا لما تتبول ويتأكدون ان التبول عندها سليم وطبيعي وبتكون الممرضة مرافقة في دورة المياه ،،، الخ ، الله يسهل ويكون بالعون

ياريت الي بتجاوب على سؤال تاخذ كل سؤال على محمل الجد لاني محتاجه اعرف على الاقل لو خلفيه بسيطة عن الموضوع و استفيد من تجاربكم ..

على العموم الولادة وما يجري عليها للبكر مهما تبحثت واستفادت من تجارب الغير بالكلام بعد تحس ان هالشي غريب و ( فلم اكشن ) :)

ولادة سهلة وميسرة بإذن الله

انتظر ردود الجاااااااادااااات

انا بعد اتريى حد يتكرم ويجووووبناااا اسئله مهمه واااااااااااااااايد

وردة العرايس ...
مشكورة اختي ان شاء الله المجربات يفيدونا و يارب ما تعدي هالسنه الا وانتي بكرشه مثلي هههه

ام ورد ...
هذا فلم اكشن ممزوج برعب ... تسلمين على ردج استفدت من تجربتج و وضحت لي بعض الامور الي ما كنت اعرفها

دودي الشامسي ...
مبروووك اختي على حملج ولا تخوفين نفسج من الحين باقي عليج كم شهر استانسي فيهم و بعدين عيشي القلق و الخوف مثلي خخخخخ
و بانتظار باقي الاخوات ... 16 مشاهد و بس تجربه وحده ... اظاهر اسئلتي صاروخيه هههههه

*um_jihad*;9240208:
السلام عليكم ورحمة الله وبركاته


بما ان ولادتي قربت اكيد الوسواس و التفكير يزيد و اتخيل شكل غرفة الولادة و شكل الممرضه و صوت صراخي معبي المكان ههههه

خطر على بالي كم سؤال ياريت الي جربت الولادة تفيدني
اتمنى اولد طبيعي لكن سبحان الله احيانا تصير حالات طوارئ و تولد الوحده قيصري بدون ما يكون الشي على البال او الخاطر


س1 :قالت لي وحده من صديقاتي ان مجرد ينفتح الرحم 8 سم ابداي بالدفع حتى لو الدكتورة ما طلبت منج لان ما راح تقول لج ادفعي الا اذا وصلتي 10 سم .. هل هالكلام صحيح ؟؟

لا حبيبتي ما انصحك تردي على صديقتك لان الدكتورة تكون بتعرف اكثر بوضعك

س2 : هل لازم تطلع الفضلات وقت الولادة بدون قصد .. و هل اذا رحت الحمام قبل ما راح اتعرض الى هالموقف ؟؟ و الي صار لها هالشي هل يسبب احراج او عادي و الدكاتره ما يحطون بالهم ؟؟

وقت يبدأ معك الطلق اشربي زيت خروع مشان يخرجلك الفضلات وكمان بحمي الطلق
س3 : امممم منحرجه من هالسؤال بس امري لله بسال ... بعد ما يطلع البيبي و يسوون الخياطه .. الممرضه هي الي تنظف المنطقه و تحط الفوطه ؟؟ هل بعد ما يطلعونج من غرفه الولادة الى الجناح تكوني حالتج حاله و دم و عرق و لعواز ؟؟

اكيد الممرضة مسؤلة عن كل هالامور

ياريت الي بتجاوب على سؤال تاخذ كل سؤال على محمل الجد لاني محتاجه اعرف على الاقل لو خلفيه بسيطة عن الموضوع و استفيد من تجاربكم ..


انتظر ردود الجاااااااادااااات

ان شاءالله كون فدتك واي سوال انا جاهزة

*um_jihad*;9240208:
السلام عليكم ورحمة الله وبركاته


بما ان ولادتي قربت اكيد الوسواس و التفكير يزيد و اتخيل شكل غرفة الولادة و شكل الممرضه و صوت صراخي معبي المكان ههههه

خطر على بالي كم سؤال ياريت الي جربت الولادة تفيدني
اتمنى اولد طبيعي لكن سبحان الله احيانا تصير حالات طوارئ و تولد الوحده قيصري بدون ما يكون الشي على البال او الخاطر

ونصيحتي لك تحطين هالشي فبالك عشان ماتتعبين لو ربي قدر وكانت قيصري وكلها من ربي تساهيل وهو بيختار الانسب لك ..


س1 :قالت لي وحده من صديقاتي ان مجرد ينفتح الرحم 8 سم ابداي بالدفع حتى لو الدكتورة ما طلبت منج لان ما راح تقول لج ادفعي الا اذا وصلتي 10 سم .. هل هالكلام صحيح ؟؟

لااااااااااااا .. انتبهي ماتدرين ممكن البيبي لاقدر الله يكون الحبل السري ملتف عالرقبه وانتي تزيدين الوضع سوء وتخنقينه .. وممكن تدمرين المنطقه من تحت وتتشقق عليك من كل مكان .. الدكتوره بتقولك متى تدفعين وبتساعدك بشق العجان..

س2 : هل لازم تطلع الفضلات وقت الولادة بدون قصد .. و هل اذا رحت الحمام قبل ما راح اتعرض الى هالموقف ؟؟ و الي صار لها هالشي هل يسبب احراج او عادي و الدكاتره ما يحطون بالهم ؟؟

هاااااااااه شيلي هالشي من بالك ونصيحه ماتروحين تولدين وانتي جوعانه حاولي تاكلين تمر عشان يعطيك طاقه انتي والبيبي تدفعين وهو يساعدك .. وماعليك من الفضلات ابد .. اول شي هم يعطونك حقنه شرجيهاو انتي تطلبنها .. كلها 6 دقايق ويصير عندك اخراج .. ونصيحتي ماتشربين خروع الوحده متوجعه وتعبانه وهو يذبحها زياده مغص واسهال ..

س3 : امممم منحرجه من هالسؤال بس امري لله بسال ... بعد ما يطلع البيبي و يسوون الخياطه .. الممرضه هي الي تنظف المنطقه و تحط الفوطه ؟؟ هل بعد ما يطلعونج من غرفه الولادة الى الجناح تكوني حالتج حاله و دم و عرق و لعواز ؟؟

اوووووووووه بيكون آخر شي يهمك بالدنيا صدقيني انا كنت شايله هم هالشي بس والله ماتدورين الا الخلاص ..وتتمنين الممرضه ماتروح من جنبك تجلس تساعدك وتداريك .. بالعكس والله قلوبهم رحيمه ...
الدم بيكون الايام الاوليه غزير ويخف طوال النفاس .. والعرق بس اول 4 اياااام ..

ياريت الي بتجاوب على سؤال تاخذ كل سؤال على محمل الجد لاني محتاجه اعرف على الاقل لو خلفيه بسيطة عن الموضوع و استفيد من تجاربكم ..

الله يهون عليك ونصيحه خلي كل شي بوقته ولاتسمعين من ذي وي كل وحده ولادتها غير عن الثانيه .. الله يرزقك بولاده سهله وهينه وميسره .. ويسخر لك الطيبين من خلقه .. انتي وكل الحوامل ..في النهايه بتكون ذكرى فرررررح وصدقيني بتتمنين تتكرر ...


ياكثر هرجي بس ماحبيت اطلع الا وانا قايله كل شي لك ... ولو افتكرت شي برد اكتبه خخخخخخخ :tongue:


انتظر ردود الجاااااااادااااات

كل الحلا
ناوية اعقل

اسعدتني تجاربكم تشجع الواحد على الولادة وفي نفس الوقت تزيد علامات التعجب !!!
شايله هم اشياء وااااااجد و هذي الاسئله جزء من هذا الهم و الباقي مقدور عليه
احس اني ما بكمل هالاسبوع و بولد قبل موعدي بيومين او 3

دعواتكم لي خواتي ... وانتظر تجارب باقي الاخوات

ياحبي لك
نفس افكاري قبل مااولد
بس صدقيني في الواقع ماتبلشين بشي
بجاوب على حسب تجربتي

س1 :قالت لي وحده من صديقاتي ان مجرد ينفتح الرحم 8 سم ابداي بالدفع حتى لو الدكتورة ما طلبت منج لان ما راح تقول لج ادفعي الا اذا وصلتي 10 سم .. هل هالكلام صحيح ؟؟

لاتدفعين الا لما يقولون لك ترى ينزل عندك الرحم وكلنا وصلنا 10 وربي يسرها

س2 : هل لازم تطلع الفضلات وقت الولادة بدون قصد .. و هل اذا رحت الحمام قبل ما راح اتعرض الى هالموقف ؟؟ و الي صار لها هالشي هل يسبب احراج او عادي و الدكاتره ما يحطون بالهم ؟؟

خخخ انا اتذكر حزت الولاده اقولهم ماابي ادفع اخاف يطلع شي قالوا عادي خليه يطلع كل الناس يطلع منهم
بس مدري هل طلع او لا بس ماعطوني لاحقنه ولاشي بس شكلهم متعودين وهونوا علي

س3 : امممم منحرجه من هالسؤال بس امري لله بسال ... بعد ما يطلع البيبي و يسوون الخياطه .. الممرضه هي الي تنظف المنطقه و تحط الفوطه ؟؟ هل بعد ما يطلعونج من غرفه الولادة الى الجناح تكوني حالتج حاله و دم و عرق و لعواز ؟؟

لازم يطهرون المنطقه وينظفونها ويحطون لك فوطه صدقيني بيكون الأمر عادي جداً انا كنت افكر بالموضوع قبل بس حزتها ماتدرين عن شي
طبعاً العرق بتكونين معرقه سبحان الله عقب الولاده الوحده تعرق والدم اول يوم غزير
وزي ماقالوا الاخوات الممرضه لازم تتأكد من ان البول طبيعي عندك وتدخل معاك الحمام وتسألك اذا كله تمام

الله يهون عليك وييسر لك وهذي والله امور بسيطه انت بس ادعي ان الله يهون ولادتك والطلق ترى الطلق هو اللي يموت ..

انا اول حمل لي وخايفة وكل ما سهرت مع خواتي بس اسالهم عن الولادة
بس يقولون انها سهلة يمكن يبون يخففون علي !!

بصراحة ودي يجي اليوم بسرعة عشان ارتاح وادعي ربي كل يوم ان يسهل علي وعلى كل مسلمة حامل

اختي صاحبة الموضوع الله يسهل عليك ويهون عليك ياارب
وجزاك الله خير على الموضوع الي استفدت منة

*um_jihad*;9240208:
السلام عليكم ورحمة الله وبركاته


بما ان ولادتي قربت اكيد الوسواس و التفكير يزيد و اتخيل شكل غرفة الولادة و شكل الممرضه و صوت صراخي معبي المكان ههههه

خطر على بالي كم سؤال ياريت الي جربت الولادة تفيدني
اتمنى اولد طبيعي لكن سبحان الله احيانا تصير حالات طوارئ و تولد الوحده قيصري بدون ما يكون الشي على البال او الخاطر


س1 :قالت لي وحده من صديقاتي ان مجرد ينفتح الرحم 8 سم ابداي بالدفع حتى لو الدكتورة ما طلبت منج لان ما راح تقول لج ادفعي الا اذا وصلتي 10 سم .. هل هالكلام صحيح ؟؟
صراحه ما اعرف عن هالمعلومه شي
بس الي اعرفه ان الوالده توصل مرحله ما تقدر توقف في الدفع
يعني راح ان شاء الله تلاقين نفسش تدفعييييييييين بدون اراده اذا قربت الولاده

س2 : هل لازم تطلع الفضلات وقت الولادة بدون قصد .. و هل اذا رحت الحمام قبل ما راح اتعرض الى هالموقف ؟؟ و الي صار لها هالشي هل يسبب احراج او عادي و الدكاتره ما يحطون بالهم ؟؟
بعض الاحيان يعطون حقنه شرجيه
والامر خارج عن الاراده ما يسبب الاحراج لانش بعض الاحيان اصلا ما تحسي بهالشي
وخليها على الله
س3 : امممم منحرجه من هالسؤال بس امري لله بسال ... بعد ما يطلع البيبي و يسوون الخياطه .. الممرضه هي الي تنظف المنطقه و تحط الفوطه ؟؟ هل بعد ما يطلعونج من غرفه الولادة الى الجناح تكوني حالتج حاله و دم و عرق و لعواز ؟؟

بالذات هاللحظات ما يكون للوالده فرصه للاحراج لانه التعب حده ماخذ مأخذه منها
انا عن نفسي اكثر شي يحرجني يوم ثاني الولاده لما يجون في الصباح يبدلون الفوطه الصحيه ويجيكون الخياط
صراحه اكون قمه في الاحراج لانه الوحده في والولاده تكون عادي على اساس الولاده بس بعدين شويه احرا ج

ياريت الي بتجاوب على سؤال تاخذ كل سؤال على محمل الجد لاني محتاجه اعرف على الاقل لو خلفيه بسيطة عن الموضوع و استفيد من تجاربكم ..


انتظر ردود الجاااااااادااااات

البنات كفوا ووفوا ..

ماقصروا ..


وان شاء الله تكون ولادتك سهله وميسره وكل الامور تكون طبيعيه

والله يقومك بالسلامه ان شاء الله

تسلمون خواتي على ردكم
احس نفسي اهدئ و راح القلق كنت احاتي مسالت الاحراج اكثر من الالم
دعواتكم الله ييسر علي هذاك اليوم و اولد بالسلامه و اكتب لكم قصة ولادتي

و الي تحب تذكر تجربتها مع اسئلتي تتفضل و كلنا نسمعها و نستفيد