عطوني حل يا اهل الخبرة

الله يعافي بنتج الغالية وماشي شر عليها ان شاءالله يصير هالشي كثير في الاشهر الأولى عزيزتي بس انتي هدي نفسج اذا كنتي تعطيها حليب صناعي يمكن هالنوع ما يناسبها وبما انها توها شهر يعني ما نقدر نقولج عطيها اشياء مثل الفواكه مثل العنب مثلا لكن ممكن تمر بالماي ينفع معها وعادي ما يضر كثير يستخدمونه لعيالهم في هالسن الصغير وهو مفيد جدا للجسم ايضا هاتي تمر وحطيه بسوية ماي واغليه وبعدين خليه يدفى وصفيها وعطيه للطفلة وما تشوف شر يارب أيضا انتي حاولي تكثري من أكل العنب والتمر واي شي ملين لأن الي انتي تاكلينه يروح لها عن طريق الحليب والعنب معروف انه ملين

اختى الكريمه سلامتها بنتك الحبوبه بس ماتخافيش عادى معظم الاطفال فى هالعمر يصير لهم نفس الشى ممكن يكون من الحليب الصناعى ادا كانت ترضع صناعى وممكن يكون طبيعى لان الطفل فى هالعمر مازال يعرفش كيف يسويها يعنى البيبى هو السبب المباشر فى هالحاله خلى الطبيب يعطيه تحاميل خاصه بالشى انى ولوى كان زى ولدك وحتلاحظى ان بمجرد ماتتدخدى التحاميل يسويها حتى قبل مايدخ كله لان البيبى كا متشنج ومش عارف هدا الاحساس مامعناه

الحمد لله على السلامة كثير يحصل للاطفال امساك في الشهور الاولى ممكن من الرضاعة الاصطناعية لانها اكثر شي تسبب امساك لبعض الاطفال في تحاميل بس لاتعوديها عليها اذا حسيتيها كلش تعبانة او صار لها فترة استخدميها بس ماتزيد عن 5 ايام الطبيب يعطي مهلة 5 ايام من تجربتي بس اني استخدم التحاميل واحاول ما اعود اطفالي عليها اعطيها الماء او الماء والسكر وما عليها شر واستشيري الطبيب يكون افضل لو كانت اكبر شوي قلنا لك اعطيها عصير برتقالة مخفف بالماء

التحاميل اسمها الجلسرين

مشكوووووووورين حبايب قلبي
على الردود

حبيبتي قلوب انه ارضعها طبيعي .. وما اعطيها صناعي كلش
وجربة معاها التمر بالطريقة اللي قلتيها وما في فايده

وانه قلت بعطيها تحامليل .. بس قلت اول اجرب كل شي طبيعي بعدين استخدم معاها الادوية

يالله انشاء الله ما يجي باجر الا وهي سوتها ولا تحتاج اي دواء
مشكورين مرة ثانيه

ماتشوف شر بنتج..انا بعد صار حق بنتي هلون.وعطيتها ماي وسكر..سيده خرجت..:) سلامتها..

الله يشفيها يارب

عززتي أنا بنتي لما كانت بعمر بنتك صار لها نفس الشي وظليت أعاني معاها بعدين وديتها عيادة عبدالله كمال أو عطاها دواء بس ما نفع وياها بعدين وديتها عيادة علي إبراهيم في مجمع الرعاية الطبي ووصف لها قطرات أقطر لها في الحليب أو نفع ولله الحمد بس قالي قبل ما أستخدم الدواء أعطيها تحميلة بعدين أستخدمه واتحسنت من خمسة أيام صارة يومين وشوي شوي قلت المدة مع العلم قبل ما أودي بنتي العيادة وديتها المركز الصحي وكتب لها تحاميل بس ما نفعت معاها بعدين وديتها مرة ثانية أو خبرتهم إن ما نفع معاها رد كتب لها على تحاميل أقوى

ولدي عمره شهرين
وصار له مثل بنتج 4 أيام ما مشى بطنه
الوالده الله يخليها سوت له خيار الشمبر ,, تلاقينه طبعاً عن الحواج وتنقعين منه شوي في ماي
وبعدين تقدرين تعطينه بنتج بملعقه صغيره ,, وكمية بسيطه منه تكفي
أو تقدرين تنقعين لها حلوه ويانسون وتضيفين عليهم خيار الشمبر وتصفينه وتخلينه لها في المرضعه وتعطينها إياه
وتخلين وياهم نباته عشان تتقبل تشربه

وفي وحده من أهل زوجي تشتغل ممرضة قالت لي أعطيه عصير برتقال حلو ( البرتقال السكري )
حتى اني خفت وقلت لها معدته ما تتحمل صغييير قالت لي عادي ما يضر بس اني ما سويت له

والله يبعد عن كتاكيتنا كل شر

تمنيت انج كنتي موجوده عند الرد للموضوع

شوفي اختي احسن علاج وهذا العلاج استعمله لكل عيال صديقاتي وعيالي لما كانوا صغار

اول شي الحمد لله على سلامتج

شوفي يا الغاليه

اول شي عطيها تشرب او نقطي بحلجها زيتت زيتون دافي

ويعدين زيت زيتون دافيي دهني بطنها مع التدليك بيدك الثنتين وحده تلو الاخري ((مره لغه عربيه ومره عادي))

ودلكي ظهرها بالزيت وفخوذها ولفيها عن الهوا البارد وانتي تدهنينها ونطري ان شاء الله اقل من ساعه

راح تخرج ولا تخافين اذا خرجت كثير وراح ترتاح حتى بتشوفين حركتها مرتاحه

وشربيها ماي خلي الرضعه الاخيره قبل النوم ماي او بين كل رضعه عطيها ماي

وان شاء الله تبشريني بالخير وللامانه مجربتها لعيالنا

عطيهاااااااااااااااااااااا عصير برتقال

حبيبتي عطيها عصير برتقال مخفف بالماي ودهني بطنها بزيت زيتون دافي
وان شاء الله راح تتسهل..

مشكوووووووووورين حبايبي ..

ويعطيييكم العافية ..

وما قصرتوووون ،، فيكم الخيير والله

وعسااكم على القوووة ..

وان شاء الله اذا افتكت من الامساك بخبركم

اختي الغالية صار مع بنتي نفس الشي وماخليت مستشفى ماوديتها وبعدين رحت بها مستشفى خاص واعطوها حقنة من فتحت الشرج ونزلت بلاوي كانت محبوسة جوه وحللولها قالو عندها جثومه في الامعاء تقفل عليها وماتخلي الفضلات تطلع بعدين اعطوني علاج والحمد لله والحين عمرها سنه وباتم الصحة وعلشان تتاكدي عندها شي خذي عود تنضيف الاذن وغمسيه بزيت زيتون ومرريه في فتحة البراز ودخليه شوي ماتخافين اذا نزلك براز روحي بها المستشفى جلست اسويها لبنتي لمدة اسبوع كل الدكاتره الي رحت لهم وصفوني هالوصفه وقالو احتمال عندها ضيق في فتحت الشرج(البراز) بس بعدين طلعت جرثومة

غيري لها الحليب وشربيها ماي كثير

الله يعافيها حطي ماي وحطي مكعب سكر نبات وعطيها او اغلي حلبه وبرديها وعطيها الماي تبع الحلبه

انا صار مع بنتي نفس الشي ماكانت تخرج بالخمسة ايام وديتها المستشفى قال لي الطبيب على هالطريقة قال لي خذي عود اذن و غمسيه بالفازلين او زيت الزيتون ودخليه بالراحه لفتحة الشرج وراح تخرج وقال ان هذي الطريقة افضل شي للاطفال الرضع لانهم للحين امعائهم ماتعودت على العملية جربيها وانشالله ترتاح من الامساك

أشكركم جزيل الشكر
وشكرا على وقفتكم وياي .. ريحتوني لاني كنت خايفه على بنتي .. افكر بنتي يها شي

بس انه امس وديتها المستشفى وحطوا لها تحميله وخرجت
ومن امس للحين ما خرجت كلش
هل هذا الشي عادي ؟؟؟؟

!!Me!!;9254571:
أشكركم جزيل الشكر
وشكرا على وقفتكم وياي .. ريحتوني لاني كنت خايفه على بنتي .. افكر بنتي يها شي

بس انه امس وديتها المستشفى وحطوا لها تحميله وخرجت
ومن امس للحين ما خرجت كلش
هل هذا الشي عادي ؟؟؟؟

من تجربتي احس عادي يصير لاطفالي كذا وبعدين يتعدل الوضع اهم شي تهتمي تشربيها ماي واحيانا يقولوا اذا الطفل تجلسيه في ماء دافي وتدلكي بطنه بهدوء يساعد على الاخراج وفي اطفال لهم طبيعتهم كل فترة معينة يخرجوا