أستفسار للبحرينيات عن البوفيهات

الرازجية 17-04-2009 16 رد 527 مشاهدة
ا
السلام عليكم بنات

عندكم فكرة عن أسعار البوفيهات مال الفنادق و من الافضل؟

يعني اقصد البوفيه اللي ايبونه البيت كم يكلف للشخص

و بالذات اللي جربت فندق الهيلتون ياليت تعطيني فكرة لأني كنت مرة معزومة و كان لذيذ

بس مادري عن السعر

و اللي عندها فكرة عن مطاعم غير الوسمية و كرامي

يعني ابي اكل غريب و مب عادي

مشكورين و ماتقصرون
m
اغلب الفنادق ما يطرشون بوفيه لبرا لان يخافون لو صار اي تسمم واهما مالهم خص يعني راعيين البوفيه خلو الاكل يفسد من الحراره او عامل ثاني اهما سمعتهم بتطيح

هذا الي اعرفه واتمنى البنات يفيدونا
د
هلا حبيبتي انا ما جربت اكل الفنادق في البيت بس جربت 2 المطعم اللبناني اكلهم وايد حلو ونظيف ومعتدل ويناسب الكل وعنهم الاسعار موحدة 4 دينار وانت تختارين ويجي الماي والبيبسي مجانا انصحج فيه وايد وهذا الرقم الديركت لصاحب المطعم هو بينصحج 39657570
وعندج مطعم ابو علي اسعارهم تبتدي من 2 دينار الى اعتقد 9 دينار وانت تختارين الاصناف
والمطعم الثالث بعد عندج قصر سمر قند واسعارهم وايد رخيصة

وفي مطعم في شارع البديع الجماعة وايد ياخذون منه لان نظيف وممتاز اسمه الجميع للحفلات والمناسبات

وانتمى اكون افدتج

حبيبتي اذا في اي استفسار راسليني لاني ما ادخل هالقسم وايد
ع
حبيبتي عندج بعد مطعم قيصر..انا كانت ملجتي هناك وبوفيهم حلو وفيه بركه..تقدرين تكلمينهم وتعرفين التفاصيل..ومبروك
•
بنات چم يكلف البوفيه لو كان إلى 50 شخص ؟
د
حبيبتي أبتعدي عن الوسمية

أكلهم يسبب تسمم


وانا أتصلت للمدير مالهم وزفيته من قلب على هالسالفة


سألته أول شي بكم كان البوفيه للشخص
للحفله اللي صارت بهالمكان

جاوبني مستانس

:tongue:


الشخص ذاك اليوم كان 3 ونص
والحفلة الثانية ب5 دينار للشخص




قلت له اهااااا يعني مو ببلالالالالالاش

:mad:


أنا على بالي ببلالالالاش




لأن أكلكم سبب تسمم ل4 أشخاص من بيتنا

و2 من بره بيتنا




فشلته وشرشحته من قلب





د
m!ss rose;9241667:
بنات چم يكلف البوفيه لو كان إلى 50 شخص ؟



شوفي حبيبتي

تحسبين بكم الشخص يعني لو قلنا 3 دينار

يعني 3دينار *50شخص = 150 دينار


عادة يكون مع المشروب


وبعض الأماكن مع الخدمة وبعضهم لا
بس الخدمة يحسبون الفلبينية الوحدة لطول الليل ب10 دينار



ولو كان الشخص ب5
ل50 شخص


يصير 250 دينار


ولو قلنا من فندق عندج الريجنسي سعره مناسب ب8 دينار الشخص

400 دينار ل50 شخص

بس ما أدري اذا يسوون بره الفندق والا لأ


بس أن شاء الله وصلت لكم الفكرة

ا
مشكوريت بنات و اللي عندها فكرة بعد اتفيدنا

دهن العود ..هههههههههههههه صج ضحكتيني اتاريج مب سهلة زين سويتي فيه

يمه انا عاد اخس شي عندي التسمم الله يجيرنا منه ..جم مرة اتسمم و سيده العسكري ..اذكر مطعم جان برجر الله يراويهم والله شفت الموت بعيوني اخس تسمم صادني في حياتي و حتى اخوي تسمم منه

ماقصرتوا
د
reddish;9245328:
مشكوريت بنات و اللي عندها فكرة بعد اتفيدنا

دهن العود ..هههههههههههههه صج ضحكتيني اتاريج مب سهلة زين سويتي فيه

يمه انا عاد اخس شي عندي التسمم الله يجيرنا منه ..جم مرة اتسمم و سيده العسكري ..اذكر مطعم جان برجر الله يراويهم والله شفت الموت بعيوني اخس تسمم صادني في حياتي و حتى اخوي تسمم منه

ماقصرتوا




افا عليج أنا ما أحب أحد يستغفلني
وما أحب أسكت عن حقي





وأول مرررة أسمع أن جان برجر يسبب تسمم

غريبة

الحمد الله ما قط صادني منه تسمم

أنتي أي فرع اللي كلتي منه

؟؟


مع أن معدتي دليعة
أقل شي يصيدني تسمم

:ss::ss:

أكثر وحدة أنا بالبيت يصديني تسمم


أنا بالنسبة لي كنتاكي أخس شي

اللي يبي يتسبب على عمرة
ياكل من كنتاكي

خخخخخخخخخخخخ قمه التسمم

أعطية وسام التسمم

بجداااااااااااارة

:D
•
مشكووووووووووره حبيبتي دهن العود
أ
دهن العود;9252843:


اللي يبي يتسبب على عمرة
ياكل من كنتاكي


خخخخخخخخخخخخ قمه التسمم


أعطية وسام التسمم


بجداااااااااااارة



:D



:dd::dd::dd::dd::dd:

أنا الحمدلله ماعمري تسممت
معدتي قدعه وأبضايه :dd::dd:

بالنسبة لبوفيهات الفنادق فماعندي فكره عن أسعارهم
ومره جربت بوفيه مادري مال أي فندق وكانوا يابينه حق عرس في بيت، بس ماعجبني كلش حسيته عادي
وجربت بوفيه في الكراون بلازا كان عندنا مؤتمر بس كان في الفندق على غدا وعشا وكان زوين يعني بس الحلاوة مالهم مب شي، بقلاوة وفواكه وكريم كراميل وأشيا سخيفه يعني


والخليج بعد جربته في مؤتمر واعتقد البوفيه من كذا مطعم كان وأكله كان عادي بس أكثر شي عجبني الحلويات (y)

وأنا أشوف من المطاعم العادية كرامي أحلى شي أكله
ا
دهن العود
ما شاء الله تبارك الله لا تحسدين روحج انتي و انا الشوق هههههههه
انا اللي سممني فرع بوكوارة و تسممت منه مرتين و المرة الثانية اللي بغيت اموت فيها
ا
عندج مطعم كبابجي في الغربي
ب
جربت بوفيه الشيراتون كذا مرة، واااايد حلو، بس مادري اذا عندهم حق بره او لا، وبعد ايقولون موفنبيك حلو... مادري شوفيهم اذا ايبون البيت

ومرة بعد شفت مال امممممم نسيت شنو اسمه المطعم، شي فيه حرف الفاء، فرندا كأنه، للأمانة ما اكلت منه، بس ايقولون اينن حده، وايودون بره، سعر الفرد 12 دينار، يعني اللي شفته شغل مرتب وحلو حده
د
حبيبتي ليش ما تجربين تسألين


بوفية فندق الريتز الكارلتون


روعةولذيذ






أنا الشوق

ترة أكل فندق الخليج والكراون بلازا وكل الفنادق
عندهم قائمة وأنتي وذوقج عاد
أختاري اللي تبينه


من المنيو مالهم:wink: أعتقد لأنه مؤتمر خذوا لكم الأشياء العادية
مثل البقلاوة وهالسوالف

على بالهم بس شيااااااب
بييون المؤتمر ما دروا ان البنوته شواقة راح تكون موجوده
وبتعطيهم تقييم بعد هني

فديتج أنتي والله








بس أحس ان ما يسوه تاخذين من فندق :ss:حق بيت



أبوي أمس حضر عرس رياييل في قاعة شيخان


ويمدح في البوفية وترتيبه ويقول لذيذ الأكل


قلت له عسى تأكدت قبل ما تاكل أنه مو من الوسمية


قال لالالالالالالالا

توبة أكيد مو من الوسميه

أحسن منه بوايد


قلت له وليش ما سألت عنه قال ما حصل الكرت مالهم
بس ولا يهمج


بخليه يسأل أهل المعاريس وبرد عليج



اي صح تذكرت وحدة من ربعي سوت بوفيه ملجتها


عند مطعم أظن اسمه لابيلا


شي من هالطخة


بس كان وااااايد حلو ومرتب وراقي بتأكد منها وبقولج



وعلى طاري جان برجر بوكواره



أنا عادة أكل منه لأنه صوبنا


بس الحمد الله ما قط صادني شي


ههههههههههه


زين اللي نبهتيني عشان ما أفكر فيه ياختج أخس شي التسمم


:ss:
أ
دهن العود

وه وه وه
وجان استحي حدي،، الأودام يجوفوني يقولون شفيها مجابله الشاشه ومستحيه؟ شتطالع؟ خخخخخخ
هو صج أعتقد على حسب المطعم بعد لأن الغدا كان حلو بس الحلويات مب حلوه والعشا كان زوين وحلوياته حلوه خخخخخ عاد انتوا سووا مكس
بس الخليج كانوا كل المطاعم مسويين لنا بوفيه، طبي وتخيري ،،، الله يرحم أيام العز خخخخ

ايه بعد تذكرت مره جربت أكل الريجنسي، كان عندنا بعد احتفال على عشا وكان اوكي حلو يعني
بس مره رحت له حق بوفيه غدا في المطعم اللي مادري شسمه :bigsmile: حسيته كلش فاشل،، هو كان الاكل حلو بس كلش مايسوى سعره

وعن جان برغر اذا تسمم اخذي من برغر لاين :bigsmile:<<<<<يوعانه

انزين أحد جرب بوفيه من قيصر؟؟
m
من جرب بوفيه السفير؟؟؟؟؟؟؟؟
X