ما عندك خادمة كيف تعلمي طفلك على النظام

Um Noor 17-04-2009 3 رد 2,436 مشاهدة
U
يا أمهات معروف إن الوحدة أول ما تتزوج تكون حياتها هادئة ومرتبة يعني نومها تنظمه براحتها متى ما ودها تنام تنام والبيت يكون دايما مرتب لأن ما فيه أحد يعفسه وعندها وقت حق العناية بنفسها لكن مجرد تجيب أول طفل تنقلب حياتها فوق تحت يعني لازم تهتم بالطفل وترتب البيت وتعتني بنفسها وزوجها هذا غير الطبخ إذا كانت تطبخ أو بالأخير الوقت يضيع كله على الطفل يبكي لالازم تسكتيه كب العصير لازم تنظفيه نثر الالعاب لازم ترتيبنها كركب البيت لالازم ترتيبه يعني تلقين اليوم كله خلص على الطفل والله يعين إلي عندهم توأم ألحين سؤالي كيف تتعاملي مع هالموقف ومتى وشلون تعلمي عيالك على النظام بحيث يرجعوا كل شي مكانه مثل الألعاب لما ياكلوا الأوساخ لاززم تكون في الزبالة لما يشاهدوا التلفاز الريموت يرجع مكانه الخ
يالله خلنا نشوف شلون تعالجوا هالموضوع
ا
اهلا ام نور ... موضوع حلو مشكووورة عليه
مابعرف عمري ما حسيت ان اطفالي زادو من تعبي بالعكس تماما بوجودهم اصبحت حياتي لها معنى
وخصوصي بهالغربة اللي انا عايشتها .... وكمان وقتي صرت احسه مفيد وعندي وقت لكل شيئ الحمد لله

والخادمة على الاقل خليني اتكلم عن مجتمعي عمرها ماكانت سند او عون ولو بالقليل لان ماكنا نشوف الخادمات الا بالناااااااااااااااادر جدا .... وصدقيني لما نحنا منتعلم النظام وكيف ندير البيت وكيف نظم وقتنا اطفالنا طبيعي راح يكونو مثلنا لان الطفل هو مرأة لامه وابوه والطفل يقلد اللي يشوفه ويتعلمه

احب ان اطفالي يلعبو واسمح لهم احيانا باللعب في غرفة الجلوس ويفردو كل العابهم مااحرمهم بس انبهم مسموح لكم مدة معينة بس اقول يالله ضبو الالعاب ورجعوها مكانها تسمعوا الكلام ... خلاص نعمل اتفاقية ههههه هما يستمتعوا ويلعبوا وبعد هيك ضبوا الاغراض خلصت انتهت القصة وانا اساعدهم حتى مااتعبهم ... وطبعا اكون مأمنة ان غرفة الضيوف نظيفة ومرتبة في حال مجيئ ضيف من غير موعد ....

يعني باختصار احاول اني اعلمهم واتعلم معهم النظام ونساعد بعض .....
وبالنسبة للطبخ والتنظيف صدقيني اذا حطينا ببالنا بساعة وحدة او يمكن ساعتين ونخلص تنظيف البيت كلله وخللي كمان ساعتين بين طبخ وتحضير وبعد الاكل تشطيب سريع على المطبخ
وصار الوقت كلله لنا ولاطفالنا ... وربي يقدرنا ونكون لهم القدوة الحسنة
ع
هلا فيك اختي

انا الحمدلله عندي خدامه بس قبل لاتجيني كنت حاطه لولدي غرفه فيها كل العابه وتلفزيون هذي الغرفه على طول مقلوبه لانه مايمديني ارتبها الا رجع عفسها مره ثانيه

حطي لولدك مكان يلعب فيه وحطي له تلفزيون صغير على قده عشان البيت يقعد مرتب بس غرفة لعبه هي المعفوسه

ثاني شي وجباته رتبيها معاكم يعني فطريه وغديه وعشيه معاكم اكيد بين الوجبات في بسكويت او عصير جلسيه وخليه ياكل بالعافيه يعني موب ياكل ويدور بالبيت اكيد راح ينثر كل الي في فمه في البيت

الله يكون بعونك وبعوننا
U
صدقتي أختى الدمشقية والله الحياة من غير أطفالنا مالها معنى بس أنا بنتي صغيرة أو ودي علمها على النظام من البداية يعني كل شي ترجعه مكانه سوى كان ألعاب ولا غيره علشان جدي أنا كتبت الموضوع أو بالنسة للخادمة أنا مثلك عمرنا ما كان عندنا خادمة لآ قبل الزواج ولا بعد الزواج أو مشكورة على الرد

أختي عيون الوليد ما أقدر أخلي إلى بنتي غرفة خاصة للألعاب لأني ساكنة في شقة غرفتين أو صالة أو حمام أو مطبخ غرفة حق النوم والغرفة الثانية إلي المفروض تكون في المستقبل حق بنتي فيها الكمبيوتر وألعاب بنتي وخزانة ملابسها وهي حق الصلاة بس أنا تعودت لما بنتي تخلص لعب أشيل ألعابها مباشرة بس مثل ما ذكرت سابقا ودي أعود بنتي أن أهي إلي تشيل أغراضها وترتبهم بنفسها علشان حتى لما تكبر تكون منظمة وشكرا لك أختي
X