) مغتربات أستراليا حيااااااااااااااااااااكم الله--تجمعكم هنا ‏(

بنات استراليااااا

تكفون طلبتكم ولاتردوني

اخوي يدرس عندكم بسدني

اول سنه دراسيه له في الجامعه وثاني سنه له في استراليا

العام الماضي كان يدرس التوفل وغيرها من المواد والسنه انتظم خلاص بجامعه سدني


اخوي الله يحفظه انسان متفوق جداً وكان له نصيب في بعثه الملك وتخصصه هندسه بترول

كل هذا روعه



لكن الامر اللي مضايقني بقوه

انه كان عندنا من 3 اسابيع عندهم اجازه وقضاها معانا .. وبعد هالاجازه بيبتدي اول سمستر له في الجامعه ولكنه من رجع لسدني وهو مررررررررررره متضايق والسبب ان يحس مخه متحجر في بعض المواد اللي هو ممتاز فيها

يعطونه هالسمستر 5 مواد وهي
انجليزي-كمياء- فيزياء - كمبيوتر-راضيات

مادتين تمام فيهم و3 مواد لا مع العلم انه يقول ان هذي الامور كلها درسها بالثانوي وعارفها لكن ماهو قادر ابداً يسترجعها في مخه ويستذكرها مثل قبل



مرررررررررررررررررررررررررره نفسيته متأزمه لدرجه انه يفكر يرجع للسعوديه

انا حاولت فيه انه يشوف له مدرس يقويه بهالمواد او احد يساعده بس هو يقولي ان الوضع باستراليا مختلف تماماً عن الخليج وان للحين ماتعرف على احد يقدر يعتمد عليه يشرح له او يفهمه





فطلبــــــــــــــــــــــــكم طلبه تكفون تكفووووووووووون تكفون والله من جد الموضوع يضيق الصدر ومحتاجه معونتكم

ابي انسان يساعد اخوي .. يدرسه في الفيزياء والكيمياء والرياضيات

ومستعدين بأي مبلغ يطلبه بس انه يشرح لأخوي اللي يحتاجه والله اي شي يهون ولا ان احلامه تتحطم وهو انسان من جد متفوق .. حرام بيضيع الولد ...



تكفون بنات اسئلوا ازواجكم اذا يعرفون احد ممكن يساعده او حتى لو ازواجكم شاطرين بالمواد ذي تكفون حبيباتي طلبتكم ردو لي خبر سرعه


بحياتي ماكنت اطلب احد وانا متأمله خير مثل هالطلب

لاتردوني فديتكم