بنات البحرين دلوني على محل فساتين

مــيــار 16-04-2009 18 رد 806 مشاهدة
م
هلا بنات شلونكم عساكم بخير ... بقيت اسألكم عن محل فساتين للخطوبه وبقيت أجار لأني رحت الأماكن الي في بوكواره ما عجبوني الصراحة وانا ذوقي صعب دايما ابي شي جديد وغريب ولونه مميز على قولة امي اتقولي بيطوف تارخ الخطوبة وانا ما شريت شي هههههه ... اتذكر كان في محل في بوكواره نسيت اسمه يم البنك الأهلي في صفته يعني كان اعلانه بنفسجي وملون اتذكر كان وايد مميز دايما يعرض فساتين غريبه بس الحين وينه هالمحل شالوه وين راح ؟؟؟ واذا تعرفون فساتين خطوبه بالسعوديه اجار حلوين في وين ؟؟؟ بنات بليز ردو علي يزاكم الله خير
.
عندج رومان ديزاين
إليكنزا
في الرفاع بالقرب من المنتزه جفت إعلانين لمحلات فساتين خطوبة وزواج واحد أعتقد إسمه (أم عبدالله لتصميم الفساتين والثاني نسيت إسمه"

هذول اللي يحضروني

اذا تبين شي فخم وممز وميزانيتج عالية في مجمع الراشد في محل بس مو ذاكرة إسمه الصراحة وشغله ومميز وفساتينه أسعارها غالية وموديلاتها مميزة وغير دارجة في السوق
م
مشكورة أختي ما قصرتي ... اي انا رحت امس مودا جاليري ورومان ديزاين والي مجابل ديسكفوري بعضهم ما عجبوني وبعضهم قالو لي مافي أجار ... انزين الي في الراشد أختي في حدود جم يعني ؟؟؟؟ ومشكورة ما قصرتي
ز
جيكي المحلات الا على شارع البديع في محلات فسااتين\\

ملكان
دار صفوة
ليدي مون
فرشة العرايس

حتى ازياء الزهرااء عندهم حلييوين يصير مقابل مجمع الهاشمي
ام حسين
ز
أحلى العراايس <<<< سوق الرفاااع

حليو عندهم
ح
انصحج اذا ميزانيتج مب وايد لا تاجرين من البحرين وروحي السعودية احسسسسسسسسن بالف مرة
ع
ليش ما اجربين المحلات الي في شارع البديع مثل
فرشة العرايس
ليدي مون
الزهراء
أم حسين
نور العرايس
مليكان

وادا مو عارفة مكان اي محل ترى احنا حاضرين وفي خدمة العرايس:shy:
m
جربي محل ليلتي وايد حلو بسوق واقف
ا
محل درا الصفوة عندهم فساتين بصراحة حلوووة حتى صديقتي كانت بتشتري لزواجها واحد من السعودية بس رحنا عندهم وشافت فساتين واايد حلووة وحتى انا عجبوني بس خلاص راحت عليي وافكر استأجر لي واحد في عيد زواجي ههههههههههههههههههههه
Z
في محل اسمه بلاك توليب
اتصلي عليهم ويخبرونش بمحلهم
فساتينهم ستايلها ايطالي
.
ما أنصحج بفرشة العرائس أبداً جوفي المشاكل اللي صايرة للعرايس البحرينيات وياهم واحكمي بنفسج عزيزتي ... وحتى الأجزاء السابقة لتجهيزات عرايس البحرين تشهد بهالشي ... مو قصدي أقطع رزق أحد بس هذا اللي قريته في الأجزاء للتجهيزات

المحل اللي في الراشد اسعارهم تقريباً من 2000دينار لين فووووق
ع
اضم صوتي لخواتي
في السعوديه تستخفين على موديلاتهم واسعارهم في متناول الجميع
انه في خطوبتي فصلت لي هناك من شهر
وحاليا حابه ااجر فساتيني واحد فوشي وواحد سكري
فاذا حابه تجوفينهم راسليني
::
د
حبيبتي لا تعورين راسج =روحي اليوم السعودية

عندج سويكت الخبر كله فساتين

بس قولي لهم أن موعد حفلتج قريب لا تقولين لهم الصج عشان يجهزونه لج قبل وتستلمينه
بالوقت المناسب



والله يوفقج أن شاء الله

A
هلا حبيبتي عندي فساتين للإيجار منهم سهرة وخطوبة وحنه وملجه

راسليني على الخاص

فساتين الخطوبة واحد فوشي والثاني وردي فاتح وانتي ورايج
م
مشكورين خواتي ما قصرتو .... والله شوقتوني ودي اروح السعوديه بس من يوديني:confused: بس ما رديتو علي المحل الي كان في بوكواره وين راح كأنه كان اسمه كيوي شي جذي ؟؟ ومشكورين خواتي
ب
ان شاء الله الف مبروك الخطوبه اختي ميار

ومشكوره على الموضوع استفدت منه وايد انا الحين ادور فستان لخطوبتي

وانا بعد ماعندي احد ياخذني السعودية :(

Zaina87;9234964:
في محل اسمه بلاك توليب
اتصلي عليهم ويخبرونش بمحلهم
فساتينهم ستايلها ايطالي


غلاتي وين صاير المحل ؟
م
الله ايسلمج أختي محل بلاك توليب رحت له أمس صاك لأن يوم الجمعة ... بس شفت فساتينهم من برع حلوين لكن مو حق عروس لأنهم وايد سمبل ... وبالنسبه لموقع المحل للي تبي تشوفه ايصير في أم الحصم بالضبط يم المركز الصحي مالهم كلش ما يضيع ايصير على الزاويه .... واليوم ان شاء الله باروح ليلتي وباشوف :)
ب

موفقه حبيبتي ومشكوره على الوصف


سبحان الله اليوم اتصلت فيني اخت خطيبي وقالت بتروح وياي السعودية

والي بيودينا خطيبي :o


خفت امي ما توافق بس سبحان الله كلمتها ورضت

وان شاء الله بنروح معاهم انا وامي بهاليومين
B
امممممممم


اختي في محل ورا مشويات النعيم اللي في عالي شفت على وحده لابسه فستان ليلة زواجها من هالمحل وايد حلووو ويمدحون فيه اهو جديد في تفصيل وفي ايجار واسعاره زوينه


بعد شفت في الوسيط عن محل اسمه ليلتي في سوق واقف ومادري شوفي شفيه شمافيه


اممممم بعد فيه محل اسمه بلاك توليت شفت ليه اعلان في الوسيط


واني بعد حاليا مسويه فستاني في محل اتيله جون في بوكواره


وفي طبعا رومان ديزاين بس مستثقلتنهم هالايااام احسسسسسهم يبوقون عيني عينك


ووو احلى الوصايف بعد في بوكواره اني ما يعدبني


واحلى العرايس في الرفاع يقولون عنه حليوه بعد


وفرشه العرايس مع اني اشوف ليه فساتين هالايام حليوه الا اني اسمع واجد اوادمات مسوين ليهم دقات والوضع ما يطمن واذا بتفصلين فستان عندهم عادي شوي يغيرونه منه شوي على هواهم علشان بعدين ياجرون على الي يعجبهم الديزاين


اعرف وحده في عرسها بتاخذ الفستان لللحين ما جهز ويوم بتاخذه الا الموديل غيرررررررر عن اللي قالت تباه على هواهم يعني فانصحش تبتعدين عنه


وبنات واجد يروحون السعوديه ياخذون فساتينهم من اهناك ومودري شوفي انتين بعد
X