بنات ديرتي البحرين محتاجتكم شوي

هلا حبيبتى


اولا مبروك مقدما عالزواج وربي يوفقج

بالنسبه لصاله الدانه الى فى مقابه شخصيا ما انصحج فيها اسعارها مثل مرمريز

الصاله حلوه وكبيره بس اكلهم جيب جيب جيب لاخر درجه يلوع الجبد

اكل مرمريز احسن بوااااايد

والاسعار بالضبط مثل مرمريز

مثلا صار زواج بنت عمى في الدانه اول ما فتحوها كانت حاجزه حق 600 شخص والبوفيه اغلي واحد طلع عليها كامل 1800 وليله اجازه

لانه تختلف اسعار من ويكند الى ايام عاديه يكون 200 دينار زود بالسعر

اما بالنسبه اتايلند وسيريلانكا


انه تايلند رحتها مرتين وسيريلانكا رحتها مره وحده وكان ترانزيت


تايلند : فيها محلات سياحيه اكثر وطبيعه بعد عندهم حلوه وتقدرين تروحين جزر ومناطق وااايد وتسوق فيها عجييب السواقهم ما تتفوت ورخيييييص لو رحتى ورجعتى البحرين بتقولين مستحيل بشتري شي من اسواقنه تبين كل سنه تروحين هناك لانه نفس البضاعه وفرق الاسعار واااااااااايد


سيريلانكا : طبيعتها يمكن اكثر من تايلند بس كدوله لمقومات سياحه مافيها وايد

وفيهم عيب شرحي هههههههه بحكم ديرتهم كلها زراعه وخضره كل شارع وكل محل وكل مكان متروووووووووووووووووووووووووووووووس بعوووووض عندهم بتلوع جبدكم من البعوووض عضضونه لو تشوفين شكلي يوم رجعنه هههه وعن الاسعار الفنادق على حسب مثل كل دوله اذا فندق 5 نجوم اسعارهم غاليه مثل الكل احنه كان ترانزيت على حسب شركه الطيران طبعا بس كان فندق شيراتون اليوم فى الغرفه المزدوجه حدود 80 دينار

وحياتهم هناك تحسينها شوي مثل الهند ههههه يعنى كلا زراعه وناس تتمشي وحريم يشتغلون في اراضي


وبالتوفيق اختي


بس نصيحه دام بتوصلين سيريلانكا ولا تايلند روحي ماليزيا احسن لج(y):wink:

قاعة الدانة مانصحج فيها , انا مارحتها ولا شفتها بس وايد اسمع ناس يذمون فيها انه السيرفس تبعهم مو اوكي واكلهم كلش جييب وبايخ يعني ماتسوى ,,,

اخذي مرمريز احسن لج نفس السعر بس الاكل احسن والسيرفس احسن بواجد ,, والحين بعد فتحو قاعة جديدة قاعة رقم 5 روحي شوفيها يمكن تعجبج ...

بالنسبة للسفر انا ولا وحدة من البلدتين شفتها بس اسمع يمدحون سيرلانكا انه طبيعة وحلوووة سوي بحث في النت عن الاماكن السياحية الي فيها و اسعارها ..

مشكورين على نصائحكم الحلوة وصح بالنسبة للدانة سألت عنها وقالوا لي نفس كلامكم ان أكلهم مو حلو عيل مالي الا اشوف مرمريز..
وبالنسبة لشهر العسل سألت رفيجة بنت خالي لأنها راحت الدولتين تايلند وسيريلانكا وقالت لي ثنتينهم كل وحده أحلى من الثانية بس طبيعه سيريلانكا أحلى وتايلند سياحتها وسوقها أحلى ..
مادري شسوي شكلي بروحهم ثنتينهم << بخسر زوجي>> هههههه

مانصحج بصاله الدانه
اكلهم يفشل وخدماتهم بطيئة ومايضيفون المعازيم