الي عندها تكيس والي الرحم عندها مقلوب .. تعالي بقولج شي

السلام عليكم

شحالكم بنات ؟

من زماااااااااااااااااااااااااان ما كتبت موضوع في هالقسم


بنات انا كان عندي تكيس وضعف مبايض ورحم مقلوب والحمد الله بفضل رب العالمين حملت


هذي اشياء ممكن انها تأخر الحمل بس ما تمنعه


فيه علاجات وأول علاج هوه الدعااااااااااااااااااااء ليل نهار بعد الاذان وقبل الاقامه وفي الصلاه وفي صلاة الليل وفي كل وقت

خلي الدعاء في لسانج ليل نهار مافيها شي ورب العالمين كريم

قبل لا احمل بشهر كنت ادعي ليل نهار وكنت ادعي في كل صلاه وكنت اذا سهرت فليل قبل انام اصلي قيام ليل ركعتين وادعي ربي بتضرع ومن قلب واللح في الدعاء

ورحت العمره ودعيت في كل خطوه اني احمل والحمد الله الشهر الي بعده على طول حملت

السبب الاول دعائي
والسبب الثاني اسباب دنيويه جربتها قبل ما نفعت بس الحمد الله بفضل رب العالمين نفعت

بالنسبه للرحم المقلوب كذا دكتوره قالتي انه خلقه يعني ماله علاج بس انا ما خليت وحده تمسح الا وجربتها بس ما اعتدل لانه خلقه ماله خص بمنع الحمل والحمد الله حملت

وبعدها نزلت من وزني 5 كيلو + كلوميد

تجربتي الاولى مع الكلوميد قبل حملي بسنه كلته شهرين ورا بعض وماصار حمل وبعدين وقفته تقريباً 10 شهور وقبل حملي كلته مرتين في المره الثانيه لله الحمد حملت

بس الحين بعد الولاده زاد التكيس ولله الحمد بهدلني شوي مع الدوره صارت مب منتضمه وتيني اغلب الشهر بس دكتورتي الي اثق فيها قالتلي علاج التكيس الوحيد انج تنزلين وزنج وبيروح التكيس والحين في مساعي لتنزيل الوزن ان شاء الله


يعني لا تقولون ان التكيس او انقلاب الرحم مانع ابداااااااااااااااااااااااااااااان مايمنع الحمل
الله المعطي والله المانع
بناااااااااااااااااات الدعاء ثم الدعااااااااااااااااااااء وثم الدعاااااااااااااااااااااء والثقه برب العالمين يعني دعاء من دون ثقه ماينفع ابد

ولا تقولين انا متكيسه ما بحمل او رحمي مقلوب ما بحمل انا حملت بالرحم المقلوب وربيت ورحمي مقلوب

وبعدني شوفي الاسباب الدنيويه مثل العلاج والرجيم اهم شي الرجيم نزلي وزنج انتي والخير واحد بتترتب هرموناتج على فكره انا كان عندي هرمون الحليب مرتفع بس من نزل وزني شوي ترتب

وبالنسبه للكلوميد والمنشطات لا تاخذينهم ورا بعض يعني اعطي جسمج مجال للراحه وبين فتره وفتره جربي علاج

العلاجات الي ورا بعض تصلح شي وتخرب شي

والاهم من هذا كله حاولي تريحين نفسيتج من التفكير بالحمل رغم اني كنت اخذ كلوميد في الشهر الي حملت فيه نسيت سالفه الحمل وكنت انتظر الدوره وانا مستانسه بعد

يعني سوي تغير حاولي تشغلين نفسج بشي عشان ماتفكرين وايد

المهم هذي سالفتي كلها حبيت اني افيدكم بتجربتي يمكن تستفيدون


دعواتكم لي ان الله يخليلي كتاكيتي الحلوين