خطيبي دخل موقع جنسي

الحقيقه يا حبيبتي هذي مشكله متفشيه بين الشباب في البدايه تكون قبل الخطوبه والزواج يحاولوا فيها انهم يطفون رغباتهم وشهواتهم وفي شباب يتوقفوا عن هالاشيا بمجرد يخطبوا بس في شباب ما يكتفوا بمشاهدة هالاشياء لا يسحبوا في طريقهم زوجاتهم معاهم بحجة يبون منها تتعلم الحركات وهالشي متفشي بشكل كبير خصوصا في الاونه الاخيره واللي يدمن على هالاشياء مستحيل يتخلص منها الا اذا كانت ارادته وايمانه بالله قوي والا في الغالب ما يقدروا يتخلصوا من رغبتهم في المشاهده وفي شباب بعد الزواج وبفتره قصيره يصيروا يقارنوا بين قدرات ومواهب زوجاتهم واللي يشوفوه من بنات الهوى خصوصا اول ما يبتدي الجسم يتغير نتيجة الحمل والولاده ويصير في فتور في الرغبه وما تعود لها جاذبيه ويمكن حتى يتجرأ عليها ويجرحها ويعايرها الحقيقه ما ادري اذا كانت المواجهه راح تجيب نتيجه ومافي علاج لهذي المشكله الا الدعاء له بالهدايه .. والرجل بالذات مستحيل يسمع من مره لأنه يعتبر هالشي تقليل من قيمته وجرح لرجولته الكامله المطلقه فكيف لو عرف انك فتشتي في خصوصياته ما راح يسامحك ولا راح يسمح لك ويمكن يقول لك ألزمي حدك ..ويمكن يزيد ويتمادى مو يقولوا كل ممنوع مرغوب ..وصدقيني ضعف الوازع الديني هو اكبر الاسباب اللي تدفع الشباب لهالشي واليوم ذاك من ذاك اللي محافظ على دينه واخلاقه دعواتي لك الله يساعدك ويعينك وادعي له هذي نصيحتي ..تحياتي