~*¤®§(*§ دوره في نقش الحنا §*)§®¤*~ˆ°

2-نبذه عن الحناء وفوائده

الحناء نبات عرف منذ قديم الزمن لاستخدامه في الامور العلاجيه و صبغ الجسم الشعر بعد اضافة الماء او الليمون
أو في صناعة العطور
وقد اوصى بها سيد الخلق محمد صلى الله عليه وسلم



. نبات الحنّاء يُوجَد في أجزاء كثيرة من العالم متضمّنًا اليمن، الهند، الشرق الاوسط أستراليا, البحر المتوسّط, إفريقيا و أيضًا في جنوبيّ الولايات المتّحدة . هناك نوعيّات كثيرة منه لون المسحوق عادة يكون من فاتح إلى أخضر عميق, أصفر داكن أو بنّيّ .
وبعد عجنها واستعمالها تعطي اللون البرتقاليّ, الاحمر, الخمري, لون الشوكولاته,أو بني غامق ،
أما الالوان الغامقه جدا مثل لون التوت الاسود أوالالوان المائله للسواد لا تنتج من خلط المسحوق بالماء فقط.. بل استخدام الاضافات كالليمون مثلا
ولنتيجه أفضل يستخدم المسحوق الناعم جدا

3- صور لنقوش الحناء

للاطفال











للكبار

4-الادوات المستخدمه في التعلم

1-بلاطه بيضاء ملساء او سيراميكه ... حتى يسهل مسحها وتنظيفها



أو دفتر رسم اذا ما توفرت البلاطه

2-معجون الحناء أو القمع (المعصار) ممكن تشترينه من الصالون بس الافضل تصنعينه بنفسك... وبشرح طريقة صنعه ان شاءالله
3- دفتر ترسمين فيه كل نقشه تتعلمينها ويكون لك كمرجع

5-طريقة عمل الأدوات

طريقة تحضير الحناء بنفسك

ننخل الحناء في منخله ناعمه أو في" شيله " حتى يينخل جيدا


الحناء الجاهز لا يحتاج لنخل


نعجنه بالليل بالماء الكثيف المضاف اليه الشاي أو القهوه
و نضغ عليه قليل من عصير الليمون + ملعقه صغيره من السكر أو العسل..+ قليل من الزيت اختياري





ونغطيه بغطاء بلاستك جيدا ما يدخله الهواء ونتركه حتى الصباح

لعمل القمع "المعصار"



حضري الادوات التاليه :


ورق تغليف الهدايا.. كالذي في الصوره أو طبعا يفضل ورق النايلون الي يكون نفس أكياس النايلون السميكه شوي مو الكيس البلاستك الخفيف أو النايلون الشفاف الي ينباع في الاسواق + مقص + شريط لاصق
اذا كنتي بتستخدمين الورق الخفيف لازم تكون يدك رطبه شوي علشان ما تتعبين وياه

قصيه على شكل مستطيل بسيط

بحجم 6 أو 7 انش

امسكيه من الطرفين... جهة اليسار خلي تقريبا سنتيمتر وثبتي يدك... وحركي يدك اليمين بس في اللف

اثني الطرف ولفي




لفي زياده

تحكمي في حجمه وبعدها

وتثبتينه بالاصق




بعد ان تضعي كمية قليله من الحناء يفضل ثني القمع وتثبيته بالاصق

أو استخدام الطريقه التي في الصوره..

أو بالامكان استخدام هذه الاداه التي تكون مع كرتون الحناء الجاهز الي ينباع في السوق

5- الدروس

الدرس الأول
طريقة مسك المعصار تكون كمسك القلم ولكن الفرق هو اصبع الابهام يجب ان يكون في الاعلى ليتولى عملية الضغط

عمل النجوم باحجام مختلفه .. أول شي تحددين خمس نقاط وبعدها توصلين بينهم بخطوط وتوصلين لشكل النجمه وبعدها تملين الفراغات
وعلشان يكون الشغل نظيف حاول تمسحين رأس العصار بالكلينكس على طول




بعد يومين من التطبيق المستمر وبعد اتقان الدرس الاول واردتي تطبيقه على يدك اتبعي طريقة الرسم على الجلد أو الشف على الجلد

الرسم مباشره بالحناء على الجلد

او الرسم مباشره على الجلد بقلم


ارسمي الشكل على ورقة خارجيه بالحبر


ضعي قليل من الكريم على يدك ولصقي عليه الورقه


وبعدين ارسمي عليه بالحناء


راح ننتقل ان شاءالله للدرس الثاني بس بعد ما أتأكد انه المشتركات في الدوره أتقن الدرس الاول :)

يالله يا بنات من تبي تشترك تسجل اسمها بسررررعه.. أنا في الانتظار... ولا ما تحبون الحناء :rolleyes: :confused:

خواتي الغاليات بعد ما شفت التفاعل الرائع منكم ان شاء الله بكمل باقي الدروس .. وادعوا بقية الاخوات للاشتراك... وان شاء الله أكيد بتستفيدون صدقوني :o





الدرس الثاني





الورده حلوه وتطبيقها بسيط جدا.. وراح نستخدمها في كثير من النقشات مستقبلا
وضعت الخطوات بالصور علشان يسهل عليكم رسمها




اول شي طبعا مثل ما هو واضح .. ترسمين خط مايل
والخط ترسمينه بالضغط على المعصار ويدك ثابته وبعدين تسحبينه بضغط خفيف
ويتكون لك شكل الخط الي في الصوره

وبعدها تحطين النقاط.... وبنفس الطريقه... تضغطين ويدك ثابته


وبعدها تحددين اطراف اوراق الورد ... وفي الاخير تميلن الفراغات

واذا كان المعصار فتحته كبيره شوي على طول تسوين أوراق الورده من غير ما تحددين الاطراف


الشكل النهائي



مع التدريب حاولي تصغرين حجم الورده علشان تطلع أحلى :)


وخبروني بالنتيجه اذا ضبطت أو لا... علشان ننتقل للدرس الثالث :)

حبيبات قلبي حياكم الله واعذروني على التاخير بس ان شاءالله اتقنتوا الدرس الثاني ؟ :smile:


نبدأ بسم الله الدرس الثالث



الدرس الثالث





لا تقولون صعبه تراها سهله والله وهذي الخطوات




ترسمين اول شي الحدود.. وتضللين بطريقه خفيفه جهة اليسار والتظليل يكون بضغط خفيييف جدا على المعصار وسحبه.. بحركه سريعه وخفيفه



وبعدها هالخط بنفس الطريقه






وبعد ما عرفنا طريقه هالورده نرسم الخطوط

والخطوط تنرسم برفع المعصار شوي فوق السطح الي تشتغلين عليه
وانتي رافعه يدك تحركينها وتضغطين على المعصار وتحركينها بحركه سريعه شوي بالشكل الي تبين توصليله
واذا ما قدرتي وانتي رافعه المعصار جربي واهو على السطح وشوفي وين الافضل لج


أما الاوارق الي تكون في الغصن فطريقتها سهله جدااا

وتكون بالضغط على المعصار واهو ثابت مكانه وبعدها تسحبينه
وبتتكون عندنا الاوراق



أتمنى انه يكون الدرس سهل وواضح... واذا فيه اي سؤوال تفضلوا بنات

انا هنيه علشااانكم

جربوا وخبروني

علشان ننتقل للي بعده...بس مو قبل ما تجربووونه

:smile:

هلا بأخواااتي ننتقل اليوم للدرس الرابع والخامس



الدرس الرابع




خطوات عمل الورده







وبعدها تزيدين عليها بعض الخطوط...
وممكن تجربين تزيدين عليها أكثر من الصوره.. يعني مثلا ورود زياده وغصون واوراق على حسب الذوق

ان شاءالله يكون الدرس سهل اليوم :smile:


وننتقل للدرس الخامس

الدرس الخامس


ورود الجوري




طريقة عمل وردة الجوري









وبعدها نفس الشي تزيدين عليها خطوط وأوراق

وبيكون ان شاء الله قريب درس مفصل لعمل الخطوط.. والتوصيلات بين ورده و الثانيه علشان يكون الحنا متشابك

ودرس ثاني خاص بحنا الاصابع بس بعد ما ناخذ انواع من النقشات والورود


والدرس السادس ان شاءالله بيكون عن الحنا الهندي

أشوفكم على خير :smile:

والي عندها اي سؤال تتفضلللل

بسم الله الرحمن الرحيم

الدرس السادس

النقش الهندي

ممكن يكون على هيئة خواتم أو أساور أو خلخال في الرجل




وطريقة عمله

اولا نرسم خطين متوازيين بينهم تقريبا نص سنتيمتر .. حاولي قد ما تقدرين يكون الخط مستقيم

واذا حبيتي ممكن تضيفين عليهم خط زياده من فوق ومن تحت
بس الاسهل يكونون خطين بس




بعدها نحط نقطه


وخط حواليها



ونرسم الخطوط مثل ما هو واضح في الصوره



ونسكرها بخطين


وبعدها بنفس الطريقه نكمل الباقي وممكن نرسم أي شكل يعجبنا من الورود او الخطوط بين خطين النقشه المتوازنين
بس بشرط تكون المساحه كلها مملايه بدون الفراغات


وان شاءالله الدرس اليوم سهل :smile:

أشوفك ان شاءالله في الدرس السابع

http://www.3roos.com/upload/henna711.jpg[/IMG]


رسمه تعتمد اكثر شي على الخطوط الرفيعه... ولا تنسين تمسحين فتحةالمعصار على طول بالكلينكس علشان تتطلع النقشه نظيفه

حاولي ترسمينها بالتدريج ابدي بالورده وبعدها الاوراق


وبعدها نكرر النقشه وبتعطينا هالشكل



جربوا وخبروووني كيف طلعت... انا وياي طلعت حلوه وناعمه وايد :up:

بسم الله الرحمن الرحيم

الدرس الثامن






نقشه خفيفه قريبه من السابقه وبنفس الطريقه تكرر على اليد

ابدئي بالتدريج... أول شي ارسمي الاجزاء الكبيره وبعدها الاصغر

بسم الله الرحمن الرحيم

الدرس التاسع



أفرع رقيقه وعليها ورود جوري صغار وتكون على الاصابع بس


طريقة عمل الورد









ان شاءالله تكون الدروس اليوم سهله؟ :smile:

أشوفكم ان شاء الله في الدرس القادم... وخبروني بالنتيجه

بسم الله الرحمن الرحيم


الدرس العاشر


قبل لا اطلع ... نسيت أكتب الدرس العاشر :shy:

الدرس عباره عن أفكار مختلفه لنقوش الاصابع... يعني تختارين منها المناسب وتطبقينه
.. وتكررين نفس الرسمه في باقي الاصابع.. وطبعا لازم يتماشى مع بقية النقوش... والورود المستخدمه



أشوفكم على خييييييييييييييييييير :smile:

بسم الله الرحمن الرحيم

الدرس الـ 11




نقشه حلوه وبسيطه وسهله

وهذي طريقتها








تبدين من تحت بالوردود الصغيره وكل ما تطلعين فوق يكبر حجمها


ان شاء الله يكون الدرس اليوم سهل؟

:smile:

بسم الله الرحمن الرحيم

الدرس الـ 12

بنات تذكرون الورده الي تعلمانها في الدرس الثاني؟ اشرايكم نطبقها اليوم على يدنا؟



تكون صغيره وعلى الاصابع وبعدين ننزل منها أفرع لتحت... وفي نهايتها ورقه.. بهالطريقه




ان شاءالله تكون سهله وتضبطونها وتطلع حللللوه

أشوفكم ان شاءالله في الدرس القادم على خييييير
:smile:

راح اجرب ارفق صوره وحده وإن شاء الله تطلع...

واخيرا وهذي غيره بس على فكره باقي الصور والاحلا ما ظهرت ما ادري ليش: