للي ولدت بعملية قيصرية...

الحمدلله على سلامتك

والله ماعندي خبره عن العمليه القيصريه

بس اللي اعرفه ان لازم تهتمين بالجرح وتخلينه ناشف على طول علشان يلتأم بسرعه ..

وماتشيلين اشياء ثقيله ابدا ابدا

وبس ^_^

هاي اللي اعرفه

ان شاء الله باقي البنات يفيدونك اكثر

الحمد لله ع سلامتج

وان شاءالله الي مرو بنفس تجربتك يساعدونتج

انا شراتج في منطقه مبنجه عندي ابا حد يجاوب عليج...انا مسويه من خمس شهور تقريبا
بكمل 6 .
انا الكرشه عندي ظاهره شوي بس مافي شي مستحيل ... بصراحه اول ماربيت كان عندي ترهل وجلد طايح جنى واحد متين سوى عمليه شفط دهون وبقى جلد طايح ...يوم اقعد حسه تحت صدري متجمع ..
بس اللحين الحمدالله بروحه اختفى ماادري كيف .. بقت كرشت وحده متينه ...
اتوقع مع الرياضه والرجيم الصحى بتختفى ..

سالفه الربط .. ماقص عليج تري انا ربطت مرتين وماتحملت ولا رتحت وخفت على العمليه مع ان الدكتوره قالت عادي ...

طريقه منع الحمل .. انا استعمل لولب طبعا ممنوع تحطين لولب بعد القيصيريه بثلاث شهور .. وحبوب منع الحمل بتسويلج نزيف .. هذا كله كلام دكتورتى .. عقب سويت لولب طبيعى .. اللى يتم 5 سنوات ..

اممممممممممممم شو حابه تعرفين بعد ؟؟؟

هذا كل اللى عندي لو عندج اي شى ثانى .. انا موجوده في اي وقت حتى لو عندج اسئله خاصه ...

والله يحفظج ويسهل عليج :)

انا ولدت بعمليه وصار لي 3 شهور ..

وتوني من الاسبوع الي فات مسجله في نادي

وانا لبست المشد من بعد شهر وسبوع .. بس ما داومت عليه..

وللحين لين المس المنطقه احسها مبنجه


اهم شي يا اختي ما تشيلين الثقيل
وعودي نفسج انج دايما تشفطين كرشج على داخل


واانا من الدوره اليايه بستخدم حبوب كمانع انا كنت ما اعرف اي مانع افضل بس سألت الدكتوره وقالت لي حبوب .. بس اهم شي اشوف الي يناسبني ..

لان في حبوب تمتن وفي حبوب تسبب عصبيه ..

وبس ..


اي شي ثاني انا حاضره

مشكورين خواتي ع الردود ... :-)

صح أختي أنا الحين من ولدت لي شهر وخمسة أيام وللحين أحسن منظقة الخياط مبنحة وماحس فيها وللحين الجرح يبان...

وعن المشد والرياضة ماعندي فكرة لأني باروح لفحص مابعد الولادة بعد 3 أيام وباسألها,,,


وعن المانع للحين مافكرت فيه... ناس يقولون اللولب له مساوئه يغزر الدورة وناس يقولون الحبوب تمتن وناس تسبب لهم صداع ....


عن الكرشة حالي من حالج أختي مأساة والجلد لما تلمينه يصير مكرمش وع يلوع الجبد... بس صديقتي قالت جربي كريم روك ٌRoc تقول وايد يشد البطن هي مجربته بس قلت أنا باتأكد من الدكتورة إن مايضر بالقيصرية.. اليوم خذيت كريم بالمرز زبدة الكاكاو مكتوب عليه غسول للتمدد الجلدي وحطيته الصبح والحين بعد باحطه وبنشوف أييب نتيجة أو لا...


بالمرة باسألكم .. أنا بس أسبوعين كان الدم تكرمون ينزل بغزارة وبعدين خف يوم اي ويوم لا.. وعلى هالمنوال لليوم.. عادي يعني؟؟ تعبت ابي أغسل وأصلي ومب عارفة شنو وضعي.. وخلاص بنخلص النفاس وبنرد بيوتنا شلون يعني؟؟؟

هلا اختي
انا توني والده من شهر ويومين.. واحس بالمنطقه متبنجه. قالولي عادي وبتم فترة طويله..بس ماتوقعت 6 شهور نفس ماقالت الاخت اميرة بوظبي.......!!
وانا احين البس المشد.. هو شورت ضااااغط جنه كورسيه بس لين شوي هههه
وبالنسبه عن المانع.. للحين مادري عنه بسال دكتورتي في يوم فحصي..

اختي رانيا.... الله يعينج انا كان ينزل علي خفيف لمده اسبوعين وبعدين يتقطع وينزل بني.. ليما اختفى البني.وامس اغتسلت... شوفي دكتورتج في موعدج.. ودام ينزل دم اكيد مابتقدرين تغتسلين

أي أختي أم قصايد ينزل متقطع والحين آشوف لونه فتح مادري عاد بس تمللت حتى آحس أني محتاجة آصلي واقرا قرآن.... وعن المشد من وين ماخذته أختي وعادي مايألم المكان؟؟؟

والله انا ولدت قيصري والحمد والشكر لله هيا صحيح منطقة العملية تحسين كانها جلد ميت بس عادي وبالنسبة للرباط لا انصحك لانهم يقولون الي تولد بعملية لا تسويه لان خطر على الجرح وبالنسبة للمانع انا استعمل حبوب وكويسة معاي الحمد لله عاد كل واحد وش يحب يستعمل وانتي اسالي طبيبتك