محتاجه وقفتكم جبني أخواتي بمشكله صغيره

.
.


حبيبتي ، شوري عليج هونيها وبتهون ، لاتشيلين همهم ، بالعكس قولي هذي فرصه ابيض وجه زوجي قدام اهله . =)
واخذيها من ناحيه ايجابيه واسألي ربج الاجر ، وصدقيني اذا تفائلتي بجيتهم ، بتتسهل امورج ..
ويمكن انتي تستانسين بقعدتهم ..
وهم خلاص بيجوون ف لاتقعدين تزعلين وتتضايقين لانه مابيتغير شي =)
وصدقيني بتتسهل ، وبيكونون خفاف عليج ، ومهما كان دينا يحثنا على اكرام الضيف ، وماظنتي بتقصرين معاهم

الله يسهل امورج ويثبت قلبج

.
.

J A M M R A;9216032:
.
.


حبيبتي ، شوري عليج هونيها وبتهون ، لاتشيلين همهم ، بالعكس قولي هذي فرصه ابيض وجه زوجي قدام اهله . =)
واخذيها من ناحيه ايجابيه واسألي ربج الاجر ، وصدقيني اذا تفائلتي بجيتهم ، بتتسهل امورج ..
ويمكن انتي تستانسين بقعدتهم ..
وهم خلاص بيجوون ف لاتقعدين تزعلين وتتضايقين لانه مابيتغير شي =)
وصدقيني بتتسهل ، وبيكونون خفاف عليج ، ومهما كان دينا يحثنا على اكرام الضيف ، وماظنتي بتقصرين معاهم

الله يسهل امورج ويثبت قلبج

.
.

حبيبتي هدي بالك ولاتضايقين نفسك

اول مايجون حطوهم بغرفه وحده وحطي لهم فوط في الحمام وغيارات سرير ( يكفي واحد)

وبعد مايروحون ودي هالأغراض المغسله أو تصدقي بهم

واترسي الثلاجه من الاشياء اللي يحتاجونها للريوق وقولي لهم البيت بيتكم

ومب كل يوم تسوين لهم غدا / مره اخذوهم مجمع وتغدوا ومره اشتروا اكل من برع

ووسعي الصدر وأجرك على الله وانا عارفه ان هل الامارات حبوبين وبشوشين ومرحين

وكلها كم يوم أو اسبوع وبيروحون

واعتبري اللي جايين عندك امك وخواتك

وعلى فكره ابوي الله يرحمه كان يقول ان الضيف يشيل ذنوب هل البيت / بمعنى ان اللي يكرمهم الله يمحي ذنوبه

والله يعينك الغاليه

والله البنات ما قصرو

الله يجعلها أجرا لتج

ويعينتج يا الغاليه

حبيبتي الغاليه
هدي من روعك وصغريها بعينك راح تصغر كثير
خذي الامور بطبيعيه تامه ولا تخططي لاي شي
هم ضيوف الرحمن قبل لا يكونوا ضيوفك مهما كان اصلهم او فصلهم وهل يستحقون منك الكرم او لا
صدقيني لك الاجر كل الاجر من الله على ضيافتك لهم سواء شكروا او ذموا.
انتي سوي الي عليك امام الله وامام نفسك وزوجك وماعليك من الباقي.
اكرميهم على قد ما تقدري ولا تبخلي عليهم بأي شئ واقتدي بنساء الصحابه
فلقد كانوا يضحون بأكلهم واكل اولادهم لاجل اكرام الضيف.
فاكرام الضيف من شيم العرب ومن شيم المسلمين بالذات فترة الثلاث ايام الاولى.
افعليها لوجه الله وشوفي كيف ربك بيسهلها عليك وبييسر امورك
تحياتي

دلوعةحناني;9220956:
حبيبتي الغاليه
هدي من روعك وصغريها بعينك راح تصغر كثير
خذي الامور بطبيعيه تامه ولا تخططي لاي شي
هم ضيوف الرحمن قبل لا يكونوا ضيوفك مهما كان اصلهم او فصلهم وهل يستحقون منك الكرم او لا
صدقيني لك الاجر كل الاجر من الله على ضيافتك لهم سواء شكروا او ذموا.
انتي سوي الي عليك امام الله وامام نفسك وزوجك وماعليك من الباقي.
اكرميهم على قد ما تقدري ولا تبخلي عليهم بأي شئ واقتدي بنساء الصحابه
فلقد كانوا يضحون بأكلهم واكل اولادهم لاجل اكرام الضيف.
فاكرام الضيف من شيم العرب ومن شيم المسلمين بالذات فترة الثلاث ايام الاولى.
افعليها لوجه الله وشوفي كيف ربك بيسهلها عليك وبييسر امورك
تحياتي

الله يصبرك اختي ويصبرنا

ريم81;9215784:
السلام عليكم اخواتي

اول شي الحمد لله انه في منتدى الوحده تقدر تتكلم فيه بدون حرج

انا مشكلتي بسيطه

بعد اسبوع تقريبا في عرس لناس من اهل زوجي في بوظبي .... بتقولوا مبروك وين المشكله المشكله انه زوجي له أهل في عجمان و هم عايله صغيره و قرروا انهم يجوا يقعدوا عندي قبل العرس بشوي و الله اعلم لمتى ....


انا متضايقه بصراحه لأنه انا ساكنه بشقه و صغيره و ما عندي شغاله و لا عندي حد يساعدني و هم بيقعدوا عندي و اعتقد و هم مو حريم بس ادعو انه الله يهديهم و يكونوا حريم ( هم طبعا من محارم زوجي)

و المشكله الأكبر انه هم فيهم شيء من البخل و ما بكمل أكثر يعني بيعفسوني ماديا و نفسيا

انا ما حابه اشتكي لزوجي و ماني حابه اقوله ما احب انهم يجونا لأنه مافي فايده من الشكوى هم جايين جايين ..

الل اطلبه منكم هو انه تصبروني

هل لي ثوب إذا صبرت و احسنت لهم ؟؟؟

و ادعولي الله يهديني و ما يبين علي المضايقه

و عليكم السسلام غلآي ,,

الله يعينج ,, و خآصه انج بشقه على قدكم ,,
و فوق هذآ اللي بييون يمكن يكونون مب حريم بس ,,!!

حبيبتي ,, الاخوآآت ماقصروا ’’ عطوج نصآيح حلوه ,,
و فوق هذآآ ,,بنصحج ,,
و فعلا ً ,, هالشي لصآآلحج ان شاء الله ,,
اولا ً ,, بتآآخذين اجرهم اكيد اكيد ,,و ثانيآ ً ,, بتكبرين بعين ريلج ^___^


عشآآن ما تعتفسين اكثر ,,
لا تستحين من اهل ريلج ,,
و اذا حسيتي الشغل وآآيد عليج , و تبين احد يسآآعدج ,,
كلميهم ,( اذا في بنآت بعمرج و لا اصغر منج و لا اكبر بشوي )
قولي لهم سآآعدوني شوي ,, مآآتوقع فيهآآ شي ,

ادري بتستحين و بتقولين لآ عيب كيف ,, بيقولون مب قادره تهتم ببيتهآ ^__^
اهم بنفسهم بيشوفون حآآل البيت قبل و بعد جيتهم ,,




دامج تقولين ياايين يايين ,, ارضى بالامر الوآقع ,, و استعيني بالله ^___^


و ألف مبروك على فرحتكم ,, و عسآآكم تفرحون بعيآآآلكم

الله يعينك اختي اصبري وان شاء الله لك اجر
تحمليهم واذ جو رحبي بهم حتى لوكنتي متضايقه
جامليهم علشان تكبرين بعين زوجك وتكون صورتك
عندهم حلوه والف مبروك الزواج

يا هلا بك أم ميرنا...

شوفي...مرّات كتير الواحد ينحط بمثل هذه المواقف...بس خلّي في بالك هذه النقاط اللي بقول لك عليها :

1. هم قاعدين فترة و راح يمشوا...يعني مش قاعدين للأبد...و الأيام تمر بسرعه...و الفرح بييجي و يخلص...

2. كل خطوة محسوبه عليكي...و أي ضيق أو تأفّف منك راح يظل طول العمر ملازمك و ما راح ينسوها لك...و بكره عيالك لما يكبروا راح يقولوا مش هذه أمهم اللي جينا عندها و عاملتنا أسوأ معامله !

3. إنتي ما شاء الله كبيره و عاقله...و تقدري تدبري أمورك كويس...و في بنات أصغر منك و عايشين في بيوت أهل زوجهم و شايفين المرّ منهم...و مع ذلك قادرين يدبروا أمورهم...لذلك طول الوقت قولي لنفسك...ما في حد أحسن مني.

4. تخيلي لو إنتي مثلا تولدي في مستشفى...و قاعده معاكي واحدة في الغرفه...مضطره تستحمليها طول فترة إقامتك في المستشفى علشان الموضوع يمر و تخرجي على خير...هذا نفس الموقف...

5. لو تعبتي و حاسة نفسك مش قادره في أي وقت...أدخلي الحمام أو المطبخ...حطي شوية ماء على وجهك و صلّي على النبي...و قولي مش مهم...هانت و قرّبوا يمشوا.

6. أهم شيء أهم شيء ما تخلّي أي أحد ياخذ عليكي غلطه...أو يتكلم عليكي نص كلمه....أو يقول مالها هذه معصبه...أو مالها هذه شايفه حالها...أو مالها هذه مش عاجبها أحد...

7. عاملي بنتك و زوجك أحسن معامله...حتى لو نفسك تخنقيهم من غيظك...علشان ما يروحوا يقولوا عاد هذه أم قاسية على بنتها...و كيف زوجها متحملها.

8. خليكي دايما مبتسمه...و ذكري نفسك إنها فتره و راح تمر يعني راح تمر...و حاولي تمر بأقل الخسائر...و ما تعملي شيء تندمي عليه بعدين...

الله يوفقك و يتمّم على خير يا رب

حبيبتي هونيها وتهون وبعدين ماعتقد لو كانوا هلج ولا خواتج هم اللي بيقعدون معاج كنتي بتقولين هالكلام؟؟ كنتي بتشيلينهم بعيونج .لالا يالطيبة لاتخلين هالشي من طباعج تقولين هم فيهم نوع من البخل عيل اللي بتسوينه شنو؟؟
وبعدين تبين ضيوفج يصرفون يعني احتسبي الاجر من رب العالمين ومثل مابتونسينهم وتعاملينهم بحب وبصدر رحب بيرجع لج وبتشوفين زوجج اشلون بيقدرج خلج اكبر من جذي والله بيعطيج قد نيتج

jammra and channel الله يجزاكم الخير و ما قصرتي اختي الجمره معاكي كل الحق

اختي الجوهره رحم الله والدك ووالدي و الله ما قصرتي فعلا كلمة والدك حلوة و شجعتي الله يرحمه

ما قصرتي شانيل

دلوعة حناني شجعتيني اختي و كلامك درر

بكاء الدهر شكرا على المرور و مادلين شكرا أيضا

غاليه بنت عبدالله ما قصرتي و كلامك شجعني و شكرا على دعوتك و تفرحي بعيالك يا رب

اقبال الفرح شكرا عزيزتي

ام مريم نورتي موضوعي

اختي انا طبعا بعاملهم بشكل جيد و انا أصلا مش وارده اني أسيء المعامله لكن ما بنكر انه بيكون فيه ضغط على أعصابي و كان ممكن اعصب على بنتي مثلا بس ابدا ما بسيء معاملتهم و اكيد ما حد كان بيقول علي و انا فعلا بعامل اهل وزجي و اهلي نفس المعامله لكن انا اصل تحرجي منهم انه بيكون فيه رجال غير محارم لي و هاذا اللي مضايقني يعني إذا جت على النساء عادي اهون كلمه

احب ريلي شكرا على مرورك انتي معاكي حق بس انا فعلا بعامل اهل وزجي و اهلي نفس المعامله لكن انا اصل تحرجي منهم انه بيكون فيه رجال غير محارم لي و هاذا اللي مضايقني يعني إذا جت على النساء عادي اهون

اكيييييييييييد الاجر لك ياغاليه وانتي عاد اخذيهم بالاسلوب بس لاتمادين وتعطينهم جرين لايت يعني حاولي بطريقه او بأخرى انك تحسسيهم انك فاتحه لهم بيتك وهم صدقيني بيستحون وبيعقلون

وهذول مهما يكون غاليتي اهل زوجك يعني المفروض تحطينهم بعيونك لاجل تكسبينه اكثر وصدقيني اصبري وربي بيعطيك ع نيتك يالغاليه

اتمنى اكون افدتك بشي

تحياتي ..

انان يا بنات نسيت اقول انهم مو من المقرببين يعني مو ام اخت بس من ابناء العمومه و طبعا معهم رجل و شاب غرباء عني

الله يصبرك اختي ويطول بالك

اختتتي اتحمليييهم ولج كل الاجر والثواااب رب العاللمين في يوم الحساااب ما بيساالج اي قد مساحة بيتج بيساللل كم زائر استقبللتي خلي صدرررج رحب او اتفائلي بالخير

شوفي حبيبتي...بصراحه مشكلتج ثجيييله..يعني انا بعد ما احب الضيوف اللي ييلسون فتره..احس مااعرف اتصرف وياهم..يمكن لاننا بعدنا ما كملنا سنين طويله من الزواج و يبالنا بعد خبره...

اول شي...شقتج كم حجره؟؟؟؟
اتوقع ضيجه وايد لانه شقه...ولا انتي ولا هم بتاخذون راحتكم..فليش ما تقترحين على ريلج من منطلق انهم يمكن ما ياخذون راحتهم انه ياجرلهم شقه مفروشه كم يوم...صدق يمكن تكون غاليه شوي بس بالتالي بيحسون وما بيطولون..يعني من يخلص العرس يروحون :)

هم ضيوف والضيف واجب إكرامه غاليتي وهذا من عاداتنا وتقاليدنا نحن العرب .. وان شاء الله مابينقص من الميزانية ... ربي بيبارك لج فيها ..

وان شاء الله ربي يعينج على خدمتهم ويعطيج الصحة والعافية .. ويعطيج الخير والرزق الكثير
حتى لو هم فعلاً مثل ماتقولي فيهم بخل انتي أكرميهم وسوي الشي الواجب عليك تقومين به تجاه أي ضيف راح يجي بيتك
وحاولي تكونين بشوشة ومرحة جدامهم وماتحسسينهم بإستياءج لوجودهم لأن هالشيء في وجه زوجك وخصوصا هم من أهله

الله راح يبارك لك ان شاء الله في المبلغ اللي راح تضيفينهم فيه ... لأنه مثل مايقووولون الضيف يجي برزقه بس الإنسان يصفي النية

ربي يوفقج