لكل من تعانى من مرض حب الشباب

السلام عليكم يا بنات يا حلوين
ندخل فى الموضوع ...........
أنا و بلا فخر كنت أكتر بنت فى الدنيا عندها حب شباب فى كل مكان من جسمى و استمريت على هذه الحالة لمدة 7 سنين يعنى الحمد لله خبرة بقيت موسوعة فى المرض ده :D2
لكن بس السنادى ربنا شفانى و عشان كدة حبيت أعرض عليكم تجربتى عشان تستفيدوا منها و متغلطوش غلطاتى الى خلت المرض يعد معايا كل العمر ده
يا ريت يا بنات تسمعوا الكلام و تعملوا بيه هو كلام بسيط بس و الله عن تجربة
لكل أخت تعانى من حب الشباب :
1- لا تسمعى كلام حد أبدا عن الخلطات و الوصفات الطبيعية الى تقضى على حب الشباب كله كلام فاضى و من ناس تحب تألف و خلاص
أنا ياما جربت خلطات كانوا ينصحونى بها الناس و كلها طبيعية لكن مافدتنيش أبدا
أول ما كنت أستعملها كنت أحس بفرق و تحسن لكن بعد كدة كانت الحبوب تسوء أكثر و أكثر
اعرفى انه الوصفات دى حل مؤقت و ليس جذرى
2- لا تسمعى كلام صديقتك التى تعانى من حب الشباب عن العلاج الذى تستخدمه لأنه حالات الناس تختلف و الى ينفعها يمكن ما ينفعكيش
3- لا تتركى حب الشباب بدون علاج لأنه ما بيروحش لوحدة لازم يتعالج أنا شخصيا ماما كانت تقولى سيبيه و ما تشغليش بالك بيه و هو يخف لكن ما خفش و زاد أكتر بدلا ما كانوا حبتين بس بيطلعوا فى الأسبوع كله بقوا حبتين فى اليوم الواحد
4- اعرفى مرضك ودى أهم خطوة
كل البنات عندهم معلومات خطأ عن حب الشباب
لا تكونى منهم خليكى ذكية الانسان الذكى هو الى يعرف عدوه و حب الشباب هو العدو الأكبر لجمال و جهك و ثقتك فى نفسك
هتقولولى نعرف حب الشباب ازاى ؟
أقولكوا عشان انتوا أحبابى
دورى فى النت عن مواقع تتكلم عنه و خللى بالك لازم تكون المواقع دى طبية مش أى مواقع و السلام
و لو عاوزين أى معلومات أنا موجودة اسألونى و ممكن أدلكم على أكتر من موقع طبى عربى و أجنبى
5- روووحى لدكتور أمراض جلدية يكون مشهور و كويس و الخطوة دى مهمة جداااااااااا لازم تروحى لدكتور لازم لازم أنا مخفتش الا لما روحت لدكتور
و أنا فى الخدمة يا بنات عندى معلومات كتييييييير عن الأدوية الى بتعالج حب الشباب و كلها أنا جربتها
و لو لقيت تشجيع منكم هكتبلكم أكتر عن حب الشباب أسبابه و أفضل طريقة للتعامل معاه
ووو.........ربنا معاكم