بحرينية توج متزوجة؟ تعالي ساعديني

ت

تو الناس

عروس نشيطة

12-04-2009 | 01:09 PM

السلام عليكم (f)

شخباركم يا احلى عرايس البحرين ؟

يمكن الموضوع متكرر لكنه جدا مهم وخصوصا ان هالفترة الأسعار تغيرت ونحتاج نصائح وآراء
جديدة نستفيد منها (r)..

انا وخطيبي قاعدين شوي شوي ندور على شقة :winner_second_h4h_a .. ويعني من الحين قاعدين نخطط شنسوي فيها وشمانسوي فيها .. بس المشكلة ! مب عارفين من وين نبتدي:sm215: !!!
شنو اول شي ينحط في الشقة؟؟ مثلا انه حاطة في بالي شقة مب مفروشة بدون مكيفات ولا فرن مطبخ .. بليز بنات لاتضحكون علي:sm229: بس حدي مضيعة والوضع الإقتصادي خلانا مانعرف شنسوي .. وحبيت اعرف شنو الميزانية اللي احتاجها للأساسيات اللي بحطها في الشقة ..

ياريت تساعدوني خصوصا اللي توها متزوجة ومجهزة .. دشو في التفاصيل وكل شي:shy: ابي اعرف شسالفة ومن وين تنصحوني اروح اشتري بعد:21_195: ..

شكرا:21_164:

ب

براء الروح

عروس جديدة

12-04-2009 | 01:59 PM

خلف جبدي اول شي ينحط في الشقة هو حجرة النوم و المكيف طبعا
المطبخ يا انش تفصلين لش او تروحين السوق الشعبي وتاخذين لش من الجاهزين الكبت والمغسلة وساعات الشقق فيهم جم كبت بالمغسله ويبي لش ثلاجة شوفي انتينه اي حجم تحسين انه يناسب وبعد ماننسى الفرن
ويبي لش غساله
اما عن المجلس والصالة اذا انتين حابة تاخذين كنبات حددي الميزانيه اللي تقدرين عليها وروحي الاماكن اللي فيها تخفيضات على قولتهم رخيص وقوي او روحي السعودية وفكي عمرش حجرة اختي بمكتبة التلفزيون بالجلسة من هناك وما وصلو لالف دينار اغراضهم حليوة ورخيصة لعرسي باخذ من هناك
وعفر اني نسيت اشياءات لاني اكتب بسرعه لان بروح اجيب الغدى بس بعد بشوف خواتي اللي عرسو وبجي اخبرش

بالتوفيق والله ييسر امرش حبوبه

•

••

عروس مبدعة

12-04-2009 | 02:12 PM

حبيبتي يعتمد على الشقه كم غرفه فيها

أول شي طبعاً غرفة النوم أنا خذيتها من مفروشات سيتي تحتارين هناك لأنه عندهم أشكال وايد وكلهم حلوين وأغلبهم ب 700 و800

والمكيف والثلاجة والفرن والغساله أنا خذيتهم كل واحد من مكان بس أسمع البنات يقولون غاز السلام أسعاره أنسب من السوق

وطقم الكراسي عندج ستي وفدك وماجستيك والسوق الشعبي بعد فيه كراسي حلوين وفيه أماكن تودين له الصوره ويسوي لج مثلها يعني تطلعين لج صورة من النت وتودينها وبيطلع عليج أرخص من المحلات

والمطبخ في شقق فيهم مطابخ وإذا مافيها روحي الشعبي وأخذي لج مطبخ أرخص لج لأنه مايسوى تفصلين لج مطبخ غالي وفي الأخير الشقه مب لج

وإن شاء الله أكون أفدتج

ت

تو الناس

عروس نشيطة

12-04-2009 | 02:13 PM

براء الروح;9199776:
خلف جبدي اول شي ينحط في الشقة هو حجرة النوم و المكيف طبعا
المطبخ يا انش تفصلين لش او تروحين السوق الشعبي وتاخذين لش من الجاهزين الكبت والمغسلة وساعات الشقق فيهم جم كبت بالمغسله ويبي لش ثلاجة شوفي انتينه اي حجم تحسين انه يناسب وبعد ماننسى الفرن
ويبي لش غساله
اما عن المجلس والصالة اذا انتين حابة تاخذين كنبات حددي الميزانيه اللي تقدرين عليها وروحي الاماكن اللي فيها تخفيضات على قولتهم رخيص وقوي او روحي السعودية وفكي عمرش حجرة اختي بمكتبة التلفزيون بالجلسة من هناك وما وصلو لالف دينار اغراضهم حليوة ورخيصة لعرسي باخذ من هناك
وعفر اني نسيت اشياءات لاني اكتب بسرعه لان بروح اجيب الغدى بس بعد بشوف خواتي اللي عرسو وبجي اخبرش

بالتوفيق والله ييسر امرش حبوبه

مشكورة حبيبتي والله احتاج تفاصيل اكثر بعد ( طماعة :o ) والله تسوين خير اذا سئلتي خواتج سلمي عليهم مني بعد.. على فكرة مافي ميزانية محددة لحد الحين .. يعني مانبي كل شي غالي او كل شي رخيص .. يعني متوسط

:gum:is waiting

ت

تو الناس

عروس نشيطة

12-04-2009 | 02:19 PM

m!ss rose;9199846:
حبيبتي يعتمد على الشقه كم غرفه فيها

أول شي طبعاً غرفة النوم أنا خذيتها من مفروشات سيتي تحتارين هناك لأنه عندهم أشكال وايد وكلهم حلوين وأغلبهم ب 700 و800

والمكيف والثلاجة والفرن والغساله أنا خذيتهم كل واحد من مكان بس أسمع البنات يقولون غاز السلام أسعاره أنسب من السوق

وطقم الكراسي عندج ستي وفدك وماجستيك والسوق الشعبي بعد فيه كراسي حلوين وفيه أماكن تودين له الصوره ويسوي لج مثلها يعني تطلعين لج صورة من النت وتودينها وبيطلع عليج أرخص من المحلات

والمطبخ في شقق فيهم مطابخ وإذا مافيها روحي الشعبي وأخذي لج مطبخ أرخص لج لأنه مايسوى تفصلين لج مطبخ غالي وفي الأخير الشقه مب لج

وإن شاء الله أكون أفدتج

فديتج حبيبتي اكيد فدتيني ..( غاز السلام ) بحطه في بالي 100% .. لأني سمعت عنه بعد من قبل .. بس ان شاءالله اجوف آراء اكثر لأن مابي استعجل في الموضوع احتاج اقارن وجذي .. مشكورة والله.. افكر حجرة نومي وصالتي اشتري من IKEA .. لكني مترددة .. مادري homecentre وايد بنات شرو وتحسفو لأن اثاثهم مايتم وايد .. و ماعرف من وين اروح احسن لي يعني السعودية ؟ .. طبعا الشقة بتكون صغيرة يعني مابشتري كل التفاصيل من هناك وعلى قولتكم مب بيتي ليش اصرف وايد عليها

S

Sweetie Sarah

عروس نشيطة

12-04-2009 | 02:31 PM

اقدر حوستش لأني مريت بهالشئ بس الحمدلله توفقنا
اول شئ انتين وخطيبش حطي جم ميزانيتكم وحطي ليست بالأشياء اللي محتاجينها

تبدأين بالأساسيات مثل المكيفات ... الفرن ... الثلاجة ... الميكرويف ... وطبعا قبل كل شئ تختارون غرفة النوم ان كانت نجارة لازم اول شئ تسوون الطلبية حقها

وبعدين الصالة حطي تصور معين شنو الديزاين اللي في بالش وشنو الألوان اللي تحبونها

والستائر يعتمد على لون الأثاث عشان جدي لا تخلين الستائر اول

خلصتين من هالأشياء روحي حق التناتيش مثل:
اكسسوارات الحمام الله يعزش
اكسسورارت المطبخ
بعض الديكورات الناعمة البسيطة

مو شرط كلها مرة وحدة

اني صار لي احين فترة متزوجة و حامل وللحين كل شهر اشتري شئ اضافة واخليه
تونا الشهر اللي طاف سوينا غرفة الضيوف
أحنا بيت صغنون ثلاث غرف
غرفتنا ... غرفة خليناه للضيوف (مجلس) .. غرفة حق البيبي ... ثلاث حمامات وصالة

عشان جدي أثثنا الغرف والصالة وغرفة الضيوف تونا ذاك الشهر
وهالشهر اخذت كراسي للحديقة

وكلما اشوف شئ حليو سواء اكسسوار او ديكور احين اشتريه ويصير شئ جديد في الشقة وتغيير

طبعا عندش مفروشات آدم
هو سنتر
Ikea في السعودية
مفروشات بيت العاصمة روووعة
مفروشات سيتي
وبالنسبة للغاز فعلا غاز السلام واجد تمام

للألكترونيا روحي كارفور
الأسود
جيانت

أما بالنسبة للتناتيش مثل المنظفات والمخمات و الزيلات و المواعين اووووووووه مكانات واجد
السوق الشعبية اشياء روعة عندهم واسعار حليوة
الأنوار
رامز
ومواعين كشخات للضيوف روحي هوم سنتر او فخر البحرين او منازل

و بس

هذي تجربتي واتمنى افدتش خيتو

والله يوفقش خيوتي

ت

تو الناس

عروس نشيطة

12-04-2009 | 03:09 PM

Sweetie Sarah
مشكووووورة حبيبتي

على فكرة بنات انه بسجل نوتات كل مكان تقولونه وراح اجيك كل شي يعني ما بطوف مكان خصوصا ان عندي
وقت كافي اني اسوي هالشي

ب

براء الروح

عروس جديدة

12-04-2009 | 05:29 PM

خلف جبدتي خيه قلت ليهم يقولون ما يذكرون عدل بس عطوني اسماء محلات يقولون انها واجد زينه

** غرفة النوم وغرفة الضيوف او الصالة**
محل فاريا للالكترونيات(عندهم الكترونيات وحجر نوم...الخ) في الهملة مجمع الضلع
مفروشات الاطلس في عراد
مفروشات اسماء مادري كانه في النويدرات
معرض فيصل للاثاث في الرفاع الشرقي
مفروشات امان في سند
الاسود عندهم بعد جلسات حليوة
مفروشات الكوهجي في النويدرات

**الالكترونيات**
البيدر للالكترونيات في الرفاع الشرقي
الاسود في شارع البديع وفي سند((انصحش به تحصلين كل اللي تبينه من الكترونيات فيه بدل الغربال والدوارة من محل لمحل)
فاريا في الهملة مجمع الضلع
عبداللطيف العوضي للالكترونيات مجمع الضلع
السعدية في سترة
هوم الكترونيك في السوق الشعبي

**السجاد**
اذا بتحطين لش كاربت او سجاد ماليش الا السوق الشعبي

**المواعين**
الانوار
فخر البحرين
السوق الشعبي
المفاجات

**اكسسوارات الحمام(اعزكم الله)
السوق الشعبي
واذا بعد ذكرت شي بخبرش عيوني

ه

هـذيـان

عروس ماسية

12-04-2009 | 08:19 PM

عن جد اثاث هوم ستور وهوم سنتر مايدوم؟
لان غرف نومهم صغيرة وناعمة
ومفكرة آخذ من هناك لان غرفة نومتي صغيرة شوي =(

م

مراوي

عروس ماسية

12-04-2009 | 09:11 PM

اول شي اشتغلو عالاساسيات

يعني غرفه النوم و المطبخ

غرف نوم تبين شي يدوم و راااقي صج مالك غير ماجيستك

موديلاته سمبل و راقيه انا غرفه نومي خذتها من عنده قبل 4 سنوات لكن موديلها للحين ماتغير

و قطعه خشب محفوره يعني مش شرايح تلصيق يتفكك مع الوقت

اسعاره غاليه صحيح بس شغل عدل

بعدين المطبخ اساسيات المطبخ اللي هي الثلاجه و الفرن و تحتاجين غساله

تأكدي بعد من الاهل لان في ناس يمكن يجيبون لك هديه شي من هالشغلات

بعدين المجلس او الصاله تقدرين تشوفين هوم سنتر أو هوم ستور انا شريت بعد حق زواجي طقم الصاله لان صالتي صغيره فشريت لها بامبو 3 قطع و فصلت كرسيين زياده بلون ساده احمر عشان يكمل العدد :)

و للحين ماتغير ولا اخترب

ه

هـذيـان

عروس ماسية

12-04-2009 | 10:43 PM

تقدرين تستفيدين من هالموضوع

http://forums.3roos.com/showthread.php?t=360745&page=39

و

http://forums.3roos.com/showthread.php?t=360745&page=39

ت

تو الناس

عروس نشيطة

12-04-2009 | 10:45 PM

براء الروح

مراوي

ماقصرتو فديتكم اقتراحاتكم حطيتها مع النوتات (f)

هذيان والله ماعرف حبيبتي وايد ناس قالولي هالشي عن هوم سنتر .. انه عن نفسي
ماجربته .. احنه مجربين مفروشات العدلية في بيت ابوي والصراحة روعة انصحكم فيه(y) مادري شلون راح عن بالي بعد

وشلون عن الميزانية؟؟ يعني اذا شقتي بو حجرتين وصالة، جم يكفيني تقريبا
حق الأساسيات؟؟

ت

تو الناس

عروس نشيطة

12-04-2009 | 10:48 PM

شكراااا هذيان(f):D

ه

هـذيـان

عروس ماسية

12-04-2009 | 10:59 PM

تو الناس

اذا مقررين تسكنون في شقة ايجار ، كم الفترة الي بتقعدون فيها؟
اذا سنتين ثلاث لاتحطين مطابخ بحرينية حطي سعودية ارخص
صح مايدوم بس اولردي انتين كم سنة وطالعة

حجرة النوم المهمة حطي لها ميزانية من 500 الى 800 دينار
والمطبخ اذا سعودي حتى 300 دينار تحصلين
الجلسة مثل الشي من 500 الى 800 تحصلين
ولاتنسين الصبغ والسجاد شوفي كم يكلفش
ويظل عليش الالكترونيات
اخذي فرة على اماكن الالكترونيات وشوفي شنو ناقص لش

في بالي بحط لي ميزانية للشقة عالاقل 4000 دينار:ss:او 3000 :ss:

م

ماء الكافور

عروس مشرقة

12-04-2009 | 11:38 PM

راح اكتب لج عن تجربتي لأنه توني مكملة من شقتي وقريب اتزوج

غرفة النوم اذا تبغين جاهزة راح تحصلين بين 600 و 700 دينار أم تفصيل راح توصل 1000 دينار

اهم شي اخذي غرفة النوم والأجهزة الالكترونية وعندش غاز السلام اسعاره زينة اني اخذت اجهزتي كلهم من عنده ما عدا الفرن أخذته من متجر روبين

الكنب عندش هوم ستور وهوم سنتر والعدلية والمؤيد وعيد آدم أما السوق الشعبي ما انصحش فيهم

الستائر عندش موديل الستائر شغلهم حليو واسعارهم معقولة وعندش الستائر الجاهزة اللي بهوم سنتر ولايف ستايل حليوة واسعاره رمزية

ا

ام حمود

عروس مشاركة

13-04-2009 | 12:02 AM

تعب تجهيز الشقق ولبيوت لكن بنفس الوقت متعه
شوفي انا انصحش أول شي تحددين الشقة وتخلصون حجزها
وبعدين تبتدين في التجهيزات لأنه على مساحتها بتحددين كلشي
وصي على غرفة النوم لو تبينها صناعه محلية
ولين تبينها جاهزة انصحش تروحين البيت الخليجي انا غرفة نومي من هناك
ما شاء الله لها ست سنين والحمد لله قوية وتتحمل نقلتها يمكن مرتين
وفك وتركيب ولا تأثرت وأسعارهم لغرف النوم من 500 لين 800 دينار
انا خذيتها في التخفيض .. أختاري الستارة لغرفة النوم
والكارفت ومفرش السرير بعدين أبتدي في المطبخ 90 في % بكون فيه مطبخ بالشقة
أشتري لش فرن ماركة غلم قز هذي الماركه تدوم سنين وكيلها المؤيد
والثلاجة شارب أحسن ماركه وترى شهر مايو جيان تسوي تخفيضات حلوة كل يوم على شي
انا شريت الثلاجة منهم في فترة تخفيضات مايو كان يوم خاص لتخفيض الثلاجات وعطوني معاها كابون بقيمة 55 دينار
ومايكرويف شارب وسعرها كان جدا ً مخفض والأهم حددي حجمها خصوصا لو كان المطبخ صغير حاسبي ينفتح بابها لا يطق
لش في كبت ولا شي هههههههه ومنها للغسالة مافي احسن من التوشيبا حوض واحد
وفي احجام بتحصلين في الأسود وجيان ارخص أسعارها والمكيفات أحسن ماركات بيرل أو توشيبا
أو سامسونج وايد سمعه ألحين واشتري لغرفة النوم
ولصالة اهم شي ولو بقت عندش فلوس اخذي للباقي الغرف
وأختاري كنبات من هوم سنتر في التخفيض تحصلين عندهم اشياء حلوة
ومعاها طاولاتها وعلى 350 أو 280 أو روحي الشعبية يسون اكثر شغلهم بالسعودية
ويطرشونه لهم ويسون حسب ميزانيتش بعض المحلات بعدين ابتدي
بالاكسسريز من كارفت وستاير لين تبين تفصيل في كذا محل حلو بس بكون شووي غالي سعره
بس المنتجات الصينية عندهم ستاير حلوة ورخيضة ومكتبة وتلفزيون شوفي الأنسب لش
ولزوجش وصحون وقدور ومقالي كلها في جيان وأكبري الي في السلمانية أو في هوم سنتر
وبس :D

ت

تو الناس

عروس نشيطة

13-04-2009 | 02:02 AM

هذيان

ماء الكافور

ام حمود

ماقصرتوووووووووووووووووووووووووووووووووووو

الله يعطيكم اللي في بالكم ان شاء الله

:87457:

is still waiting
ابي دفتر نوتاتي ينترس هههههه
شجعتوني بنات :D_smil1:

•

••

عروس مبدعة

13-04-2009 | 12:15 PM

حبيبتي نسيت اقولج لاتكثرين أطقم صحون أكتفي بواحد يكون فيه قطع وايد

لآنه بيونج أشكثر هدايا

ب

براء الروح

عروس جديدة

13-04-2009 | 01:19 PM

سالت ناس اعرفهم بعد قالو لي ان الدعيسي مسوي تخفيضات في قسم الالكترونيات عفر اذا شريتين ثلاجة تحصلين مكنسة مجان واذا فريزر اخصلين مكنسة مجان واذا غسالة تحصلين توستر وشواية مجان

وبعد سمعت عند united electric في المنامة عفر صوب باب البحرين واسعارهم زينه

وحتى شركة الاوذني للالكترونيات في رامز اللي بالرفاع
واذا حق تنانشي الشقة عندش مركز تايلوس اللي في المحرق صوب محطة البترول عنده اشياء زينه تقولين انه تقريبا نفس فخر البحرين عنده اشياء تسوى

د

دهـن العـود

عروس فضية

14-04-2009 | 02:34 AM

حبيبتي ليش ما تاخذين
أثاث من السعودية

أرخص لج

طبعا اذا تبين ستايل كلاسيك

راح تحصلين هناك وااااايد

بس اذا حاطة ببالج مودرن في بس مو لي هناك

يمكن بعد تغير الوضع اللحين
مادري

بحط لج صور مصورتهم من سنه

شفت الغرف كنت مستعجلة بس سألته عن الأسعار