السلام عليكم ورحمه الله وبركاته
مش عارفه ده المكان المناسب انى اقولكم الكلام ده ولا لا ,بس انا هقوله عشان يبقه عظه ليا وليكو ...
من 3 ايام اخويه اتصل بيا الصبح بيقولى مراتى بتموت مكنش فيه حد غيرى فى البيت لبست اى حاجه ونزلت جرى وكل اللى فى دماغى هيا اكيد تعبانه وهاروح اجيب لها فطار ونفطر سوا واشجعها على الاكل فى ظرف 5 دقايق وصلت روحت لقتها فى اوضتها ...
حطيت ايدى على رقبتها عشان اشوف النبض ..مفيش نبض......مفيش اى حاجه.......امسك ايدها القيها سااااااقعه..فى الوقت ده كانت الاسعاف جت وقالولنا انا واخويه البقاء لله.......ماتتتتتتتت!!!!!!!
ماتت وفى بطنها بيبى فى الشهر التامن ..ماتت وهيا لسه عروسه مبقلهاش 9 شهور .. ماتت فجأه مكنتش عيانه ولا حاجه
..صحيت الصبح وفطرت ودخلت خدت شاور وطلعت .فجأه وقعت اخويه جرى عليها مسكت فيه جاااامد ومسكت بطنها وقالت يارب يارب يارب وماتت... ماتت فى حضن جوزها... فى 3 دقايق ماتت ... يالله
إنا لله وإنا اليه راجعون
ده الموت قريب اووووووى ..خرجت من بيتها فى قماشه بيضا مخدتش معاها اى حاجه ,حسيت ساعتها اد ايه الدنيا ديه ولا حاجه.. هيا ماتت شهيده لانها حامل..ماتت بس سابت حب الناس ,كانت قمه فى الطيبه قمه فى الحنان مكنتش عايشه لنفسها ..كانت بتأجل جوازها عشان تخدم امها واختها المشلوله..كانت بتساعد كل الناس ...
بصيت لنفسى وقولتلها وانتى عملتى ايه ؟؟عملتى ايه لدينك؟؟ساعدتى اخواتك المسلمين بايه؟ازاى كان بييجى عليا وقت والاذان ياذن واقول هقوم بعد شويه ..ايه اللى ضمنى انى هعيش لبعد شويه؟؟؟
بالله عليكم كل من تدخل تدعى لها ان يرحمها الله ويجعل مسواها الجنه ..وتقف مع نفسها دقيقه تحاسب فيها نفسها
اللهم احسن خاتمتنا جمييعا يا رب العالمين