اشراايكم بواحد يرفض انج تشتغلين ؟<<رايكم

اولا عليك بصلاه الاستخاره

ومادام انتي حطيتي وكتببتي الموضووع انتي مب مقتنعه بقصه الجلوس في البيت وعدم الشغل
شوفي اتبعي احساااسج وشوفي قلبج شنو يبي لا تسمعين الا كلام عقلج لا تخلين حد يأثر في قرارك ويقولك بكره هو بتتغير نظرته عن الشغل وبيخليج تشتغلييين شوفي انتي شنو تبين وسويه

انا من وجهة نظري ان الشغل من الاولويات ..

بس انتي في هالموقف مالج الا انج تصلين الاستخااااااااااااره ..

والاهم من هذا كله ( الرجال ) نفسه .. اذا هو زين ولا لا .. يعني دام انه فرض شرطه .. انا انصحج انج ماتتسرعين في اتخاذ قرارج .. وتسالون عنه بشكل كبير .. اذا صج الرجال يستاهل انج تضحين بالشغل عشانه .. بقول لج توكلي على الله ووافقي ..

والله يوفقج ان شاءالله

صليت كم مرة بس بعد محتاارة واايد ..

اخاااف اذا قعدت ارفض كل وااحد ايييني ينصك البااب فويهي وااايد رفضت فعشاان جذي هالمرة افكر بجدية غير عن كل مرة

اصلا انا صار لي سنه كاملة ادور على شغل و مو محصلة لا الواسطات نفعت ولا الشهادة ..

فحزات أقول عادي بقعد في البيت خله يصرف علي شيصير ما في داعي للشغل ..

ما زلت محتارة !!


مشكووورين حبايبي ع الرد ويعطيكم العافية ان شاءالله

والله أختي هذه راي رايج انتي شنو تبين سوي ترى أهي صج قعدت البيت تملل بس حق المره المتزوجه أحسن واذا أهو مقتدر ويقدر على مصاريف الحياة الزوجيه خلاص قعدي في البيت حرام يروح من يدج اذا أهو ريال زين ومدين ، يعني انه حابه أشتغل لانه تمللت من القعدة البيت في نفس الوقت لا أتردد والحين كل شي واسطات انه من اربع سنين أدور وللحين
وراي يرجعلج أختي :)

انا اقول اخذيه دامه زين بس اهم شي ما يكون متشدد كلش يعني كل شي يحرمه!! و اعطيج ضمان اذا اهم متفتح عقب اهو بيقولج اشتغلي لين شاف الصرف و الحياة الصعبة

الصراحة انا بالنسبة لي اذا الريال عنده الي يكفيه ويزيد برضى اني اتخلى عن الشغل مين يكره الراحة!! بس اذا معاشه مب ذاك الزود يعني يالله يكفيكم احين لااا مستحيل انتي فكري ان باجر اذا الله رزقكم عيال بتزيد مصاريفكم فهل اهو يقدر يتحملها بروحه؟ واذا على سالفة الملل شغلي روحج طلعات روحات ييات طبعا اذا ما منعاج بعد من هالأشياء!! وبعد تقدرين كل يوم تروحين صالون سبا جيم تعدلي حقه صدقيني بطوف الوقت بدون ماتحسين

صراحة هو شي زين شين في نفس الوقت

أولاً الشي اللي مو زين

حرام يعني دراسة وجامعة وغيرها من مصاريف للدراسة ولا تشتغلين يعني تبغين تثبتين وجودج وتحسين بقيمة نفسج ودراستج وتعبج طوال هذي لسنين فعل الأقل تحسين بكل هذا من خلال وظيفة محترمة ومريحة وتليق بدراستج وما تعارض مع زواجك ولا شئونج الأسرية . .
وتحسين بإستقلالية من ناحية الصرف وغيره وخاصة إذا كنت تحبين تساعدين اهلج اخوانج . . يعني ما بتحسين بالضيق من هذي الناحية ولا بتشعرين بفراغ وندم

ثانياً الشي الزين فيه

لا هم مسؤلية شغل ولا مصاريف ولا وجع راس خاصة ان الحين الوظائف صعبة واغلبها ما تلبي طموح المتخرجين وهم انج بديرين بالج على زوجك وعيالج أكثر


وانتي ورايج في الأول و الأخير إنتي ادرى بنفسج وما تتمنين
استخيري واكثري من قول إذا في خير قربه مني وإذا فيه شر اصرفه عني
وإذا كنتي واثقة بعد ان هذا الشي ما بيأثر عليج بالسلب توكلي على اللي بالشي إلي يصلح لج ويرضيج

والله يبارك لج في حياتج ان شاء الله ويوفقج

والله اختي الحال من بعضه اني بعد خطيبي ما يبيني اشتغل معظمهم جدي فانا اقول مدام الرجال زين وافقي احسن

محد ياخذ الا نصيبه
انتي شوفي اذا مرتاحة له ومافيه عييب توكلي على الله
والشغل ماتدرين عقب يغير رايه ويخليش تشتغلين
ترى تصير في اخس الحالات

والله يوفقش

اختي الصراحة مثل ما هو اشترط انج ما تشتغلين من حقج ان تضمنين بأن يحط لج معاش خاص فيج شهريا عاد بالحد المعقول يعني مو شي زيادة و اذا عن الشهاده انتي ضامنتها على الأقل تخرجتي, و ان شاء الله يوم من الأيام اذا اقتنع ان يخليج تشتغلين اوكي اذا لا بعد بتكونين مشغولة فالبيت و العيال ما بيكون عندج وقت اساسا ,, لكن ارجع و اقول لج ضمني حقج لأن هذي طول العمر موب يوم و يومين,, الله يوفقج

عليك بصلاه الاستخاره

شوشو87 >> صج قعدة البيت تملل من قلب انا بس سنه قااعدة في البيت وطقت جبدي .. فأنا اقول جذي وجذي قااعدة في البيت فعادي..

reddish >> عليج نور هذي اللي ابي اعرف منه اذا رااح يحرم علي كل شي مثلا دراسة وسواقة وهالشغلاات فمستحيل اواافق ..

nooroo >> صج الرااحة نعمة :) و اكيد اذا ابي اشغل رووحي عن الملل في الف شغلة وشغلة اسويها وحلوة فكرة الجيم عجبتني ما حطيتها فبالي

شفاء الروح >> عشاان جذي انا محتااارة اهو زين وشين في نفس الوقت .. وعلى سالفة الوظايف صج صاايرة كريهة هالأيام مع هالتخصصات الغريبة مثل تخصصي الباايخ .. صعب احصل من وراه شغل مريح ..

احلام ا >>> عندي وعندج خير خخخ ... الله يسر لج امورج ان شاءالله

زمن الطفولة >> انا اتوقع ان راح يغير راايه مع الوقت ..


اما عن رايي فليحين محتارة بس اقل من قبل .. اللي ابي اعرفه عشان اتخذ قراري اذا اهو بخيل او لا لأن اذا بخيل وما يرضى اني اشتغل بوو اشبسو فعمري بعدين :rolleyes:

ولازم اعرف راتبه بالضبط كم عشاان اشوف اذا راح اقدر اعيش على راتبه بدون ما اشتغل !!

امم وبس


مشكووورين كلكم ع الردووود اللي تبرد ع القلب ويعطييكم العافية ان شاءالله:D

aquarius >> اهو اكييد راح اخليه يحط لي رااتب سواءا قبلت بالشخص ذي او غيره ولو كنت اشتغل بعد راح اخليه يعطيني مصرووف .. اي وانا اعرف روحي ما اقدر انظم وقتي على شيئيين يعني اذا ياني عيال ماراح اقدر اشتغل تعب لي انا

nanosa311 >> ان شاءالله لازم اهيه الشي الوحيد اللي مريحة قلبي للحين

ما اتقصروون ع الرد و الله يوفقكم ان شاءالله

العصافير;9183720:

اعتقد البنات فادوج

تري بقولج شغله المره المتزوجه احسن لها البيت واستر اذا اهو قادر يعيشها ويفتح بيت بروحه

بس اذا صعبه عليه تقدرين تشتغلين كمساعده حق عيالج

لانه بروحه تربية العيال هذي شغل لج وبلهيج وبروحه الريال شغل ثاني والبيت مسئولية

يعني فكري عدل قبل لا تخطين إي خطوة لانه هذي التزام ومسئولية مب صغيرة ترها عودة
لازم تفكرين في كل شئ

وساعات الشغل يسبب مشاكل بين الزوجين من الغيره او ان المره تهمل بيتها وعيالها وزوجها
فكري اذا تقدرين على الاثنين لانه احتمال تفقدينها بسبب هالشغل او العكس ههههههه اذا حصلتي شغل زين فكري فكري اختي وصلي استخارة وادعي ربج يسهل لج الامور

إن شاء الله

الله يوفقج (f)(f)(f)

وانا بعد احس استر حق المرة البيت .. لأنها بتكسب زوجها وعيالها اكثر من اللي تشتغل ..


والحين بديت اقارن اجوف بنات العيلة وصديقاتي فاللي تشتغل واللي ما تشتغل ..
الصراااحة اللي ماتشتغل مرتااحة اكثر وتحصل كل اللي تبيه حالها حال اللي تشتغل .. واللي تشتغل عيالها ملتهين يا فبيت امها او ام زوجها مايسوى الصرااحة ...



امم فقررت معليش اني ما اشتغل بشرط ما انحرم من الدرااسة والطلعة...:wink:

عروسة مشتاقة للجنة;9184003:
وانا بعد احس استر حق المرة البيت .. لأنها بتكسب زوجها وعيالها اكثر من اللي تشتغل ..


والحين بديت اقارن اجوف بنات العيلة وصديقاتي فاللي تشتغل واللي ما تشتغل ..
الصراااحة اللي ماتشتغل مرتااحة اكثر وتحصل كل اللي تبيه حالها حال اللي تشتغل .. واللي تشتغل عيالها ملتهين يا فبيت امها او ام زوجها مايسوى الصرااحة ...



امم فقررت معليش اني ما اشتغل بشرط ما انحرم من الدرااسة والطلعة...:wink:

الله يوفقج حبيبتي ويسهل عليج وان شاء الله يكون الزوج الصالح الي يسعدج طول عمرج

nooroo;9184115:
الله يوفقج حبيبتي ويسهل عليج وان شاء الله يكون الزوج الصالح الي يسعدج طول عمرج

الله يسلمج يالغلا ويسمع منج ان شاءالله ويوفقج انتي بعد :)..

انتي سوي معاه مقابلة و جوفي شلون
كل شي راح يبين من المقابلة يعني من طريقة حجيه بتجوفينه اذا متشدد لو لا و راح تجوفين اذا انتي مرتاحة له لو لا
و ناقشي معاه سوالف السواقة و التعليم و انه يلتزم بالصرف عليج اذا ما يبيج تشتغلين

فسوي مقابلة و توكلي على الله

كلمة اخيرة: البنت ما تضمن ان كل يوم يتقدم لها واحد و انتي جايف حال البنات هالايام و مو كل صبي راح يتقدم لج راح يكون زين لو وافق انج تشتغلين و الشغل هالايام الواحد يذبح عمره و واسطات و ما يحصل حتى لو عنده اعلى الشهادات و اذا حصل شغل يكون الراتب ما يسوى التعب اللي بيتعبه في الشغل

لا تفوتين الريال اذا كان زين

نفس الكلام كنت موظفه وقعدت اتوقع اغلبهم جذي