اتمنى تقروون تجربتي مع التلقيح الصناعي

السلام عليكم يابنات شخباركم ..
انا متزوجه من سنتين و3 شهور حملت مره وسقطت .. جربت تعالجت 3 مرات بدون فايده زوجي سليم وانا فييني ضعف بالمبايض ..سويت اشعة الصبغه وتبين انه عندي انسداد وانفتح الحمدلله ..الدكتوره اقترحت علي اتعالج بالابر .. اخذت ابر لمدة خمس ايام بعدين رحت وسويت سونار وكل شي اوكي ..بعدين عطتني ابره تفجيريه ..وقالتلي بعد يومين اييها الصبح اسوي تلقيح صناعي .. قلت لزوجي واقتنع ورحنا الصبح عشان نسوي تلقيح .. عطاهم زوجي العينه وقالولي اسوي سونار ولقوا في كم بويضه منفجره وباقي بويضتين داخل ما انفجروا وعطوني ابره حقهم عشان ينفجرون عشان بعد التلقيح يصير جماع بالبيت ..طبعا اخذوا عينة زوجي للمختبر وقالولي انتظر ساعه ونص وانتظرت بعدين عطوني ابره لتخفيف الالم بعدين قالولي يالله الحين بنسويلج التلقيح ..انا هني خفت وااايد وقلت ابا ريلي يدخل معاي ضحكوا علي النيرسات قالولي اوكي .. بس انا خليته عدالي قاعد يعني مايشوفهم شو يسووون وهم اصلن حاطين الشرشف علي ومايبين شي .. بعدين حطتلي الحدييده ماعرف شو اسمها الي تفتح الرحم انا هني خفت وتميت ارتجف واااايد واصيح ماكان يعور بس انا كنت خايفه من الانبوب الي بيدخلونه ..بس النيرس رواتني ايام وكان واااايد ضعيييييييييييف وصغير .. المهم انا خااايفه وهيه بعدها يالسه ادور عنق الرحم ولا لقته وقالتلي انه مسكررر بقوو ومنعوي يعني انا قلت في خاطري اذا بالصناعي يالله يالله لقوا عنق الرحم كيف بالطبيعي يصير حمل .. المهم هيه دخلت الانبوب وخلصت وانا يالسه اسالها ها متى بتدخلين الانبوب..؟؟ قالتلي دخلته وخلصت والحين احطلج العينه ؟؟انا هني انصدمت كييف ما حسييت بالم ؟؟ مع اني خوااافه وااايد وكنت اصييح اخاف انه يعورني.. بس ولله يابنات ان ماعورني . ولله ولا حسييييت بس يوم حطت العينه وخلصت حسيت بشي خفيف نفس الم الدوره بس خفففييييف جدا.. بعدها قالتلي ارتاحي ربع ساعه قلت اوكي ارتحت عشرين دقيقه بعدين دخلت عالدكتوره .. وقالتلتي الحمدلله كل شي اوكي بس ان عندي عنق الرحم كان مسكر وقاسي وبدلولي الانبوب الصغير بواحد قوي ؟.بس كييييف وانا مااحسييييت بشي ابدا ..العمليه ماخذت عشر دقايق اقل .. وبس عطتني الدكتوره وصفه اخذ دفستون واسبرين وقالتلي ارتااح وما اتحرك ..بس المشكله انا اشتغل وكل يوم اطلع قالتلي حاولي انج ماتتحركين واايد ..وبس انا اليوم ثالث يوم من التلقيح واتمنى منكم دعوه حلوه انها تنجح واحمل ..وقالتلي الدكتوره حللي 12 يوم من التلقيح ؟؟بس احسه واايد بدري عليه .. شرايكم بناات ..
بنااات اتمنى انكم تعطوني امل اذا في حد نجح معاه التلقيح الصناعي .. واسفه طولت عليكم ..ويالييييت انكم تدعوووووولي من قلبكم اني احمل بتوأأم