ممكن اتفيدوني

الدكتورة ممكن تغلط في تحديد جنس الجنين
اذا كنتي خايفة يكون غلط خذي للبيبي الالوان اللي تمشي مع الجنسين
لين ما تتأكدي من جنس البيبي
و ان شاء الله تقومي بالسلامة و البيبي بصحة و عافية

اختي وايد ناس غلط وياهم السونار .. بس الاغلبية العظمى ما غلط وياهم ..

انتي فالخامس احسن لج ابدي فالاشياء اللي تصلح للجنسين و والشهر الياي ردي تأكدي .. وكل شهر بيأكدونلج جنس الجنين ..

لو دكتورتج شاطرة والجهاز واضح ان شالله ما يكون فيه غلط .. بس ما تدرين رب العالمين يمكن يكتب لج شي غير .. انتي لا توسوسين توكلي على الله وجهزي بدون مبالغه :)

كل شي بيد الله بس ما اعتقد انه ممكن يخطأ السونار بالشهر الخامس .
ممكن تستني لموعك المره الجاي عشان تكوني متأكده ..
الله يتمم لك على خير ..

حبيبتي أنا كمان سويت السونار بالشهر الخامس
وقالت لي الدكتورة إن جنس البيبي مش واضح وقالت لي بما إنه مش واضح فاحتمال كبير يكون البيبي بنت
وأنا حالياً بالشهر الثامن ولليوم ما عاودت سويت السونار لإن قريت مرة مقال عن احتمال وجود مخاطر نتيجة استعمال السونار بكثرة
وصارلي مثلك بالضبط يعني رحت للسوق عشان أجهز ملابس واغراض البيبي
بس فضلت حايرة آخذ فساتين أو لا
آخذ زهري أو سماوي وأزرق
وسويت مثل ما قالوا الإخوات خذيت الألوان المحايدة للأغراض اللي تنفع للبنات والأولاد

بس في موعدي الجاي مع الدكتورة أكيد راح أعمل الجهاز وأتأكد من جنس البيبي واستريح من حيرتي

وأكمل أغراض البيبي قبل ما يدخل شهري

غالباً الخطأ في جنس البنت نادر لأنه الولد يبان عضوه بوضوح طبعاً إذا كانت الدكتوره شاطره فماراح تغلط بإذن الله وإنتي ماشاء الله في الخامس يعني المفروض يكون واضح

إذا كنتي متشككه أو مو متطمنه خلي ملابس الياهل للشهر الياي وجهزي لنفسج أول إخذي ثياب النفاس وأغراض الياهل خليها ألوان محايده وإذا تأكدتي الشهر الياي بعدين طيحي في الوردي أو الأزرق

الله يرزقج بالذريه الصالحه إن شاء الله