Lady_bird18;9177316:
أنا بقولج على لستة مدارس لا تفكرين ادخلين عيالج فيهم ...لأنه انا تخصصي رياض اطفال ولفلفنا على وااايد مدارس فترة التدريب..
1- مدرسة دبي الحديثة: نظام التدريس عندهم ضعيف ومب متطور .. وصفوف الروضة صغييييييييييرة
2-أبتاون برايمري : العربي والدين عندهم مب شي.. بس فن في التعامل ويا اليهال وطريقة التدريس
3-المواكب: بعد نظام التدريس والصفوف مببببب شي.. وماشي اسلوب في التعامل ويا الطلبة..
4-دبي الوطنية اللي في البرشا: أبلواااتهن وحووووووووووووش ويخلون اليهال ييلسون على مدرج خشب لمدة نص ساعة وكل واحد ما عنده مكان.. معفووووصين..
5- كوين انترناشونال: وااااااااااااااااااااااااااااااااااااااايد يعطونهم واجبات.. ماشي اسلوب ويا اليهال
بس مدرسة دبي الوطنية اللي وين البستان.. صراحة يمدحونها.. وتركيزهم على الدين والعربي والانجليزي واايد اوكي .. وما يعطون واااايد واجبات.. وعندهم وقت يحلون فيه جزء من واجباتهم في المدرسة.. وتعاملهم ويا الاطفال أوكي والفاسيليتيز بعد اوكي ..بس ما اعرف رسومهم يمكن فوق ال15 الف مش متأكدة
... وعندج مركز رياض تطوير الاطفال اللي عند سوق الحمرية المركزي ... واااااااااااااااااااااااايد اوكي .. هو مركز حكومي .. بس شي تركيز عالدين والعربي ... وبدو يدرسون اليهال انجليزي.. وفنااااااااااانااات المدرسات ويا اليهال ماشي ظرب ولا صريخ أو تخويف.. وعندهم رحلات تعليمية واحيانا زيارة بيوت أهل الطلبة عشان الوحدة اللي هم فيها.. وعندهم غرفة تكون زجاج.. ممكن الامهات يراقبون عيالهم وقت الحصة "الاهل بس يشوفون والاطفال لا" عشان يقدرون يشوفون تفاعل الاطفال في الصف" يعني مرة كل فترة" بس للأسسسسسسسف صكو باب التسجيل
بقولج ترى الروضات الحكومية.. عندهم الامكانيات من ناحية الوسائل التعليمية والصفوف .. وطريقة التدريس.. وطبعا يركزون عالعربي والدين .. بس مب كل روضة فيها نظام انجليزي.. يعني الله يشهد انه دشينا روضات أحسن من الروضات الخاصة .. بس بعض المدرسات وللأسف ينقصهن الاسلوب في التعامل ويا الاطفال "شي منهن بس صرييييخ وتهديدات"
انا اشوف انج تتصلين لمدرسة دبي الوطنية .. وتقوليلهم انج تفكرين ادخلين ولدج المدرسة.. وخله ياخذونج في لفة.. وألحي عليهم انج تحضرين حصة أو عالاقل جزء من الحصة عشان تشوفين طريقة تدريسهم.. وأنا أنصحج انه في هالجولات تاخذين ولدج عشان تهيئينه ... واذا عندج اي سؤال انا حاظرة
تسلمين الغاليه على المعلومات الجميله....
ماشاء الله عليج إمبين إن لج درايه و خبره في المدارس ورياض الأطفال...والصراحة كانت إحدى خياراتي مدرسة Up town primary لأنها كانت قريبه عن البيت بس من الأمور المهمه عندي إن ولدي يكون ملم بكل الأمور بما فيه اللغه العربية و التربية الإسلامية....
وبخصوص مركز رياض تطوير الأطفال عجبني وايد من خلال شرحج...وأحلى مافيه الغرف الزجاجيه...حيث إن أولياء الأمور يكونون على دراية تامه بمستوى أطفالهم و مدى تفاعلهم مع المدرسة و من الناحية الأخرى و الأهم, ياخذون فكره عن طريقة التدريس و طريقة تعامل المدرسة مع الطلبه...
و إنشاء الله بحاول إني أتواصل و أزور مركز رياض تطوير الأطفال و مدرسة دبي الوطنية فرع البستان...عشان ولدي إنشاء الله بيدخل ال3 سنوات في شهر 8, يعني أحس إنه بيطلبون مني إني أدخله السنة الجاية....
مشكوووووورة الغاليه على طرحج الجميل لخبراتج و تفاعلج مع الموضوع...وإنشاءالله الكل يستفيد من معلوماتج القيمة....
لاتحريمنا من مشاركتاج القيمة
