(للبحرينيات) وين اتابعين و وين ناوية اتولدين ان شاء الله

شكرا موضوع حلو

انا يوم ولدي كنت عند فرح ممتتااااازة و تاخذ كأن 20 دينار مع التلفزيون و لا اتنطرين وايد
و الولادة بعد كانت عندها في التخصصي..حتى رقمها عطتني حق اذا شي ضروري تتصلين لها عاد مب على اتفه شي تتصلين لأن في بنات سووها و كانت ما تشيل
الصراحة اتحسين كأنج أميرة ايدلعونج... بس كل شي له ثمن

انا اتابع في مركز المنطقة الحكومي

مشكورات اللي ردوا

بس انا مب عارفة ليش لين اكتب موضوع يرووووح وراااا و محد يرد !!

مب فاهمة يعني اللي دشوا مالهم علاقة بالموضوع و لا اشلون!

صج الواحد يتحسف لين يكتب موضوع

آنه بعد تابعت في التخصصي عند فرح وايد طيوبه وحبوبه صج كلشي عندها بسرعه بسرعه عشان هالسبب وايد بنات مايحبونها بس آنه الحمدلله تابعت عندها على حملي ببنتي وولدي وايد إرتحت

والولاده بعد كانت عندها فعلاً تحسين إنج أميره عندهم مب مذلوله في الحكومي الله لايقط أحد عندهم

والأسعار عندهم تسوه مو غاليه إذا ولدتي طبيعي يكون من 525 إلي 700 على حسب إذا الياهل إحتاج فحوصات زياده أو صاده بوصفار كلشي محسوب عليج حتى حبة البندول إلي يعطونج إياها محسوبه والله يعزج الفوط الصحيه بعد محسوبه بالحبه يعني بتعرفين إنتي دفعتي في شنو يعطونج تقرير

تبين الراحه والدلع روحي عندهم (y)

انا اتابع عند موزه راشد بس الفتره المسائيه بس مشكلتي الحين ابغي غرفه خاصه

وصاير صعب يعطون غرف خاصه ومتورطه ومو عارفه وين ارووح

انا اتابع عند دكتور نبيل رزق الله وللحين ما قررت ولادتي وين

السلام عليكم يا بنات

انا حملت مرتين وسقطت وما اتابع عند وحدة معينة

اروح لزينب الجفيري بس لانها ماتداوم على طول في العيادة فصعب اني اتواصل وياها

وفهيمة المطوع مثل ماسمعت ان هي اخصائية اشعة فاروح لها لبعض الحالات وآخر مرة قلت لازم بروح لدكتورة فرح في التخصصي بس يوم اتصل زوجي عليهم قالوا ليه فل ومافي مجال فرحت تابعت آخر شي عند منى الشرقي

المهم حبيت استفسر منكم

بما اني توني الحين مسقطة وللحين مانزل لي قلت امبي اروح اسوي تحاليل قبل لا احمل مرة ثالثة وامبي اتابع عند دكتورة فرح لان هي تقول كل شي للوحدة بخصوص الطلعة والراحة وركوب الدرج

فشلون اقدر اتابع عندها ؟؟؟

وهل يصللح اني آخذ موعد من الحين حتى لو كان بعد شهر وشي عشان اتابع وياها وسوري طولت عليكم

مراوي22;9178301:
تابعت عندها على حملي ببنتي وولدي وايد إرتحت

والولاده بعد كانت عندها فعلاً تحسين إنج أميره عندهم مب مذلوله في الحكومي الله لايقط أحد عندهم

انا ما احس اني مذلولة اختي

ولو حسيت ف معناه انه اني عايشة ب ذل بسبب الحكومة ؟

هذا كلامج ؟



والأسعار عندهم تسوه مو غاليه إذا ولدتي طبيعي يكون من 525 إلي 700 على حسب إذا الياهل إحتاج فحوصات زياده أو صاده بوصفار كلشي محسوب عليج حتى حبة البندول إلي يعطونج إياها محسوبه والله يعزج الفوط الصحيه بعد محسوبه بالحبه يعني بتعرفين إنتي دفعتي في شنو يعطونج تقرير

تبين الراحه والدلع روحي عندهم (y)

واعتقد اني دفعت مثلج او ما دفعت

الحمدلله انه الله يرزقني مثلج

ويصير عندي عيال مثلج

يعني بالنهاية انتي بيصير عندج طفل

وانا بيصير عندي طفل

وتحياتي

اي هلون نبي تفاااعل

حنين الروح الله يعوضج و يقر عينج جريب اعتقد عادي تاخذين موعد

ملوكه11;9178401:
انا اتابع عند موزه راشد بس الفتره المسائيه بس مشكلتي الحين ابغي غرفه خاصه

وصاير صعب يعطون غرف خاصه ومتورطه ومو عارفه وين ارووح

اختي انتي قصدج في العسكري؟؟ يعني حتى العسكري بعد صار امذابح على الغرف ؟ عيل اذا الواحد ماحصل وين ايودونه؟

عندي استفسار ؟؟من تابع عند خالدة أظن اسمها في العسكري و اي فترة؟

زهرة في القلب;9178653:
واعتقد اني دفعت مثلج او ما دفعت

الحمدلله انه الله يرزقني مثلج

ويصير عندي عيال مثلج

يعني بالنهاية انتي بيصير عندج طفل

وانا بيصير عندي طفل

وتحياتي

كلامي موجه لصاحبة لموضوع مو لج (n)

ضيْ;9179528:

هلا بنات الله يسهل علينا وعليكم ان شاءالله

أنا قاعدة أراجع عند بانو في الأمريكي

صراحة لفيت وايد مستشفيات وجربت كل الدكتورات المشهورات وارتحت في النهاية حق بانو

يمكن لأني مرعوبة من الولادة وهي قالت لي بأخليج تتخلصين من هالفوبيا وتدخلين الولادة وانتي تضحكين :D

لكن للحين مادري شلون الولادة عند الأمريكي .. وهل بأولد عندهم والا لا ....

محتارة بينهم وبين عوالي .. أحس الأجانب مريحين نفسياً بصراحة .. وأحب نيرسات عوالي
بس دكتورتهم البولندية (آنا) مايمدحونها وايد .. يقولون تحب القيصرية .. :ss:

بنات تكفون اذا فيكم وحدة جربت ولادة الأمريكي تفيدني

آنه بجرية ومرعوبة والله

هلا اختي

أنا رفيجتي اولدت في الامريكي اتقول زينين بس الغرف قديمة

و عندي ناس من الاهل اولدوا في عوالي بس غالي و اولدوا قيصرية ثنتينهم

:):)

الحمدلله رب العالمين

اللهم يسر ولا تعسر

انا باقولكم بحكم خبرتي انا عندي ثلاث عيال اول بنتين ولدتهم في السلمانية في غرفه خاصة بس جدا ما عجبتني تعامل الممرضات والدكاتره عندهم وعشان جذيه اصريت اني اولد بالعسكري في المره الثالثة وصدقوني جربتهم والله تحسفت اني ما ولدت عندهم من البداية ولا تنزلت حق الدكاتره في السلمانية خوش معاملة واحترامم وناس دائما تذكرج بالله الصراحة اقدر تعبهم واحييهم على هالروح الطيبة في التعامل مع الوالدات

انا بتكلم بحكم ادوارتي في المستشفيات خخخخخخخخخخخخخخخخخخ
في ولدي من البديه كنت عند فرح وكانت ممتااااااااااااااااااااااااازه تقعدين معاها ساعه ولاتخالف والولاده مريحه وكل شي ممتاز في حملي الثاني وايد تغيرت وصارت ماتعطيج مجال تسألين لان الاوادم زحمه بشكل غير طبيعي والله ماكتب على حملي ان اتم وطرحت وابد ماحسيت فيها اهتمام
في حملي الحين راجعت اول ابن النفيس عند دكتوره ديلوال وايد زينه بس مشكلتها الحين ماتولد بس تراجعين معاها والمستشفى ماعجبني جنه سوق كل واحد حط له طوفه خشب وسوه عياده
طلعت ورحت اشوف الدولي وايد انهيبه الولاده الطبيعي 700 والقيصريه 2000 وايد فرق طلعت ورحت عوالي والله ماتخيلت شكله جذي جنه براده حالته حاله مادري لي طق المطر عليهم اخر والا شسالفته عدلو المدخل وخلو المستشفى جذي
والامريكي ماقط فكرت اروح له لان وايد مغلقص وما اعرف دكاترته والختام انا اراجع في العسكري واتصلت في التخصصي قتلهم اصير اي حق الولاده بس قالو اي فبس ادخل التاسع بأذن الله باروح لهم والصج مافي الا فرح واهو المستشفى الوحيد الي ترتاحين فيه جنج في فندق

اما على كلام اختي ان الحكومه مذله يمكن انتو فهمتوها غلط اهو دايما الشي الي تدفعين فيه اكون غير واحساسج غير يعني مثلا العسكري الصبح الوعون جبدج لكن روحي لهم العصر لان تدفعين 20 احيون وارحبون والصج كلهم ولادات سوى ولدي في البيت والا مستشفى في امريكا والا في الشارع اهم شي صحتج وصحه البيبي

وكل وحده وظروف حملها وولادتها في ناس من ادخلونهم من الباب ماشاء الله ساعه بالكثير ووالده وفي ناس توصل 10 س وادخلونها قيصريه وتتبهدل والتيسر من رب العالمين
وانشاء الله كلامي خفيف عليكم
جمعه مباركه

حلو تفاعلكم يا بنات بس ياليت اللي يشارك يرد يرجع للموضوع لأأن يمكن وحده تبي تسألهم

عندي اسفسار للي يروحون العسكري و التخصصي حاليا

جم اسعار المراجعة عند فرح؟ هل مازالت مثل قبل 20 دينار شامل الكشف و التلفزيون؟ و جم تكلف الولادة الطبيعية و القيصرية عندهم؟

للي في العسكري سؤالي الخاص بس العصر و جم ياخذون للكشف زائد التلفزيزن؟ و من عندهم من الدكاترة؟و جم تكلف الولادة الطبيعية و القيصرية؟

الريح الباردة;9184977:
حلو تفاعلكم يا بنات بس ياليت اللي يشارك يرد يرجع للموضوع لأأن يمكن وحده تبي تسألهم

عندي اسفسار للي يروحون العسكري و التخصصي حاليا

جم اسعار المراجعة عند فرح؟ هل مازالت مثل قبل 20 دينار شامل الكشف و التلفزيون؟ و جم تكلف الولادة الطبيعية و القيصرية عندهم؟

للي في العسكري سؤالي الخاص بس العصر و جم ياخذون للكشف زائد التلفزيزن؟ و من عندهم من الدكاترة؟و جم تكلف الولادة الطبيعية و القيصرية؟

مراجعات التخصصي عمري مادفعت سعر معين يعني كل مره يزيد تحليل أو ينقص تحليل فالأسعار متفاوته وكلما جرب موعد ولادتج تزيد المواعيد وتقل الفلوس يعني يوم دخلت الثامن كانت زيارتي لها كل إسبوعين وأدفع 15 دينار إلا إذا كانت تبي تحليل معين فالسعر يزيد ويوم دخلت التاسع كنت أروح كل إسبوع ونفس الشي أدفع

أما المراجعات العاديه من بداية الحمل جنه من 25 إلى 30 في هالحدود إنتي عاد التحاليل إلي تطلبها عليج سويها في عيادات خارجيه أو في الحكومه إذا تبين لأنها أرخص آنه كنت أروح معامل الخليج أرخص منهم

أما عن سعر الولاده طبيعي مثل ماقلت 525 حق ليلتين و 700 ثلاث ليالي هاي الولاده الطبيعيه أما القيصريه 1200 ينكم يزيد شوي على حسب حالتج وحالة الياهل

ربي يسهل عليكم إن شاء الله