؟أحبه لكن يضربني ؟

ربنا ييسرك حالك ويهديكوا لبعض اللهم امين

حبيبه قلبي لاتطلعي سرك لااهلك خليها اسرار خاصه
وهو حلف امام الله وخلااص انتى اصفحى وعفي عنه
ومدام بينكم حب ومودة لاتخبري اهلك
وانتى انسي
بس الله يرضى عليك خلي بينك وبينه تحاور ونقاش هادى
واذا هو عصب عليك انتى سكتى
الى ان تهدء اعصابه
اما اذا كل واحد منكم يعصب ويسب في الثانى اكيد رح توصل لضرب

اصبري حبيبتى
لاانه ضربه لك بعد 7 سنوات يمكن لضغط نفسي عليه من المسوليات او اي مشكله يمر فيها
لاان الضرب لوكان من طبعه كان ضربك من بدايه الزواج
واكيد انتى سمعتى عن قصص كثيرة لاازواج يضربون زوجاتهم في السنه الاولى
زوجك باين عليه من كلاام انسان طيب وخلوق
فلاتكبري المسال
وباذن الله تكون حياتكم عسل في عسل
واذا تبقي الحياة تستمر باامان وسلاام
خليك الزوجه الودود لزوجك
وفقك الله وبارك لك في زوجك وابنائك وجعلهم قرة عين لك

حبيبتى لا تسمحين له مرة ثانية يمد يده عليج ووقفيه عند حده
وخبري ابوج عنه علشان ما يفكر ان ساكته لان محد لج وما عندج ظهر تنسندين عليها وعلشان ما يتمادى اكثر بسكوتك عنه

اشكركم خواتي على المرور والنصائح بس اختي شمعة غلا اي مسؤليات عليه يمكن انا ما ذكرت اني اشتغل وارجع من الدوام حدي تعبانه وعندي بيت واعيال ومسؤليات اكثر منه

أختي ترى الضرب اهانة للمرأة وحطي حدّ

للاهانة

ولو وصل انك تقولي لامك وابوك مااشوف فيها شئ

عشان يتأدب

وبعدين سبعة سنين المفروض يكون حب وتفاهم مو ضرب

أنصحك ماتسكتي عالسالفة

بس ترويّ

انا بالنسبة لي الاهانة اكبر ضربة ممكن يضربج اياها ريلج .. بسألج سؤال ..

هو ضربج اليوم .. وعقب 7 سنين مثل ما تقولين .. لكن متى بدت الاهانه؟ وقلة الاحترام من طرفه؟



ماقدر اعطيج رايي لأنه غريب انه شخص يضرب عقب هالفترة الطويله .. ماعرف شو كانت المشكله بينكم عشان يوصل الموضوع للاهانه والسب.. بصراحة في هالموقف الواحد لازم يعرف المشكله من الطرفين


قولي المشكله كامله اختي احسن.. عشان نعطيج راي محايد وما نظلمه أو نظلمج ..

بسألج سؤال ثاني بعد .. بصراحة بصراحة .. هل اهنتيه انتي بعد؟ او عايرتيه بشي معين؟

اشكر تفاعلكم معاي خواتي وخصوصا الاخت فتون انا باجاوبك على اسئلتك زوجي تغير عقب ما غير شغله صج صارت حياتي المالية ممتازة بس صار اهو مو موجود وصار تعب الشغل والعيال علي انا بس انا اعترف اني عصبية ولحظة الغضب انرفزة والحقيقة انا اعرف اشلون انرفزة وتبين الصج انا فعلا اعايره لان انا من عائلة عريقة ومعروفه وهو من عائلة عادية جدا وقبل زواجي به ابوي ما كان راضي علية بس انا اصريت علية وصدقيني ما كانت بينا علاقة كانت خطبة عادية بس لما استخرت وايد ارتاحيت والله علي ان خلال هالسبع اسنين ما قط جرحني وكانت تصير خلافات ما كان ينام قبل لا يراضيني بس احس هالمرة ان قوية انه يضربني انا احبه وايد وهو يدري واجزم بلا شك انه يحبني بس انا منكسره من تصرفة وعلى فكره حاول اليوم يراضيني بس انه صديت لأني ما قدرت اعديها له شاسوي شورو علي شالدبره وجزاكم الله خير

انتي قولي لأهلج بس مو تقوليلهم عشان يسوون مشكله ,, لا

بس عشان تورين ريلج ان وراج ظهر و اهل مو على كيفه يسوي اللي سواه

حبيبتي اذا انتي تحبينه ارجعي له وسامحيه بس لاترضين الا بشرط
خليه يدفع لك رضاااوه ,,

شمعه غلا;9172150:
حبيبه قلبي لاتطلعي سرك لااهلك خليها اسرار خاصه
وهو حلف امام الله وخلااص انتى اصفحى وعفي عنه
ومدام بينكم حب ومودة لاتخبري اهلك
وانتى انسي
بس الله يرضى عليك خلي بينك وبينه تحاور ونقاش هادى
واذا هو عصب عليك انتى سكتى
الى ان تهدء اعصابه
اما اذا كل واحد منكم يعصب ويسب في الثانى اكيد رح توصل لضرب

اصبري حبيبتى
لاانه ضربه لك بعد 7 سنوات يمكن لضغط نفسي عليه من المسوليات او اي مشكله يمر فيها
لاان الضرب لوكان من طبعه كان ضربك من بدايه الزواج
واكيد انتى سمعتى عن قصص كثيرة لاازواج يضربون زوجاتهم في السنه الاولى
زوجك باين عليه من كلاام انسان طيب وخلوق
فلاتكبري المسال
وباذن الله تكون حياتكم عسل في عسل
واذا تبقي الحياة تستمر باامان وسلاام
خليك الزوجه الودود لزوجك
وفقك الله وبارك لك في زوجك وابنائك وجعلهم قرة عين لك

هذا عين العقل

حبيبه قلبي لاتطلعي سرك لااهلك خليها اسرار خاصه
وهو حلف امام الله وخلااص انتى اصفحى وعفي عنه
ومدام بينكم حب ومودة لاتخبري اهلك
وانتى انسي
بس الله يرضى عليك خلي بينك وبينه تحاور ونقاش هادى
واذا هو عصب عليك انتى سكتى
الى ان تهدء اعصابه
اما اذا كل واحد منكم يعصب ويسب في الثانى اكيد رح توصل لضرب

اصبري حبيبتى
لاانه ضربه لك بعد 7 سنوات يمكن لضغط نفسي عليه من المسوليات او اي مشكله يمر فيها
لاان الضرب لوكان من طبعه كان ضربك من بدايه الزواج
واكيد انتى سمعتى عن قصص كثيرة لاازواج يضربون زوجاتهم في السنه الاولى
زوجك باين عليه من كلاام انسان طيب وخلوق
فلاتكبري المسال
وباذن الله تكون حياتكم عسل في عسل
واذا تبقي الحياة تستمر باامان وسلاام
خليك الزوجه الودود لزوجك
وفقك الله وبارك لك في زوجك وابنائك وجعلهم قرة عين لك

الصراحة هاي احسن حل
واتمنى ماتردين تقولين لة انج من عايلة واهوه لا
لان الصراحة هاي اكبر اهانة وشي طبيعي بحط بخاطرة وبعصب
عشان تحسسينه انج تحبينة لازم كلشش ماتبين طاري حق سالفة العوايل
الله يدوم المحبة بينج وبينه وااتمنى ترجعين تكلمينة لان هاي زوجج وابو عيالج مالج غنا عنه
الله يخليكم حق بعض ان شاءالله

لا حول و لا قوة إلا بالله

انا ويا الخوات لازم تخبرين اهلج عشان يحس انه وراج ظهر بس فهميهم انه ما تبينهم يسوون حشره بس يتفاهمون وياه ويهددونه انه لو عادها مره ثانيه ما بيحصل طيب ...عرفتي اختي وانتي يوم بتشوفينه معصب انتي اسكتي وحاولي تمسكين نفسج والله بيهدا عقب ساعه ولا ساعتين خلج انتي العاقل دايما الحرمه لازم اطول بالها وربي بهديه انشالله ولج الاجر على الصبر يا اختي ... والله يهديكم ويصلح شانكم يا رب

هلا اختيه الغاليه ..

الصراحه انا ضد بعض الخوات اللي قالن سيري خبري اهلج ..

لا بالعكس الصراحه لازم تسامحينه هالمره وتتفاهمين معاه ع اساس ابد مايعيد هالحركه ولا يمد ايده عليج.

وخلي سرج في بير خويتي

ودام هو خاطره يراضيج يعني اكيد خلاص هو ندمان..

ف تعوذي من أبليس وتراضي مع ريلج مهما كان هذا ريلج وبو عيالج .. اكيد شفتي منه الحلو اكثر من المر ..
وهذي الحياه خويتي

وانتي حاولي ابد ماتعايرينه بسالفة العوايل والفوارق الإجتماعيه لان هذا اكبر إهانه بالنسبه له..

وجوفي هو بعمله اليديد يحاول يعيشج انتي وعيالج احسن عيشه شرات ماكنتي معززه ومكرمه في بيت اهلج..

ألعني الشيطان وتراضو

وان شاء الله تعيشون احلى عيشه مع بعض وتتوفقون ^_^

اما انج تروحين تخبرين اهلج هذا اكبر غلط .. لان الموضوع مب بهالدقيقه صاير وانتي على طول خبرتيهم .. صار له فتره حتى لو يوم يومين ..

حاولي تتفاهمين معاه ^_^ وإذا حاول يراضيج لاتردينه ^_^

المسامح كريم

الله يوفقكم ويفرج كربتك يارب البنات افادوك

بس ماحبيت ادخل ومااشارك لو بدعوه طيبه

دمتي بحفظ الرحمن

شوفى يا حبيبتى ... مره كنت بتفرج على برنامج وكانت فيه دكتوره علم نفس تتكلم عن العلاقات الزوجيه وكان من ضمن كلامها ان الزوجه لما تنرفز زوجها و تعايره ده بيبقه تاثيره على الراجل صعب جدا بيبقه زى التاثير النفسى على الزوجه لما زوجها يمد ايده عليها ..وانتى يا حبيبتى لما تزوجتيه كنتى عارفه ان عيلته اقل من مستوى عيلتك فمالهاش لزمه الاهانات ديه لانها بتبقه صعبه جدا عليه ...انا مش ببرر ضربه ليكى ولا بقول انه صح بس انا شايفه ان الخطا متبادل ... ويارب يسعدكم ويهدى سركم

اختي اشكرج لأنج جاوبتيني بصراحة ..

بس حبيت اقولج شي واحد .. يمكن هو ضربج بايده .. بس انتي ضربتيه بشي اقوى .. انتي عايرتيه :)



انا في عيوني انتوا الاثنين مسودين ويوهكم بصراحة .. معرسين من سنين ولازلتو تختلفون وتتضاربون ضرايب يهال ...

سيري له انتي .. و قوليله انا اعتذر عن الكلام اللي قلته لك .. و اوعدك ما أكرره .. انا ندمانه انه عقب كل تعبك عشان تخلينا عايشين احسن عيشه .. ييت انا وغلطت عليك .. اسفه ومالك مني الا كل احترام

بس في نفس الوقت انا مصدومه منك انك ضربتني .. انته زوجي وسندي واللي ابغيك تدافع عني كيف تمد ايدك عليه؟ ..

بمعنى اخر .. اول شي ابدي بالاعتذار ,, و عقبها حسسيه انه اسلوبه كان غلط

بس هالشي درس حقج انتي عشان تعرفين انه عقلية الحرمه غير عن الريال .. اللي يهين الريال غير عن اللي يهينج اختي .. وانتي ضروري تعتذرين و توعدينه انج ما تعيدينها .. صدقيني بيشوفها كبيره من طرفج وبيحطج على راسه ..


لو كنتي مب غلطانه جان قلتلج لا تعتذرين و خلي حد من اهلج يتفاهم وياه .. بس مدام انج بروحج اعترفتي بغلطتج فهاي بداية الحل :) وماعليج كل المتزوجين يغلطون و يتعلمون لو عقب سنين .. ها ملح الحياه ..

بس طولتوها ترا الحين كم يوم مر عليكم .. مب زين :) لا تخلين باجر يمر وانتوا متزاعلين ..

والله اشكركم حبيباتي جزيل الشكر على ردودكم و أبشركم تراه جه وراضاني وما رديته بس تفاهمت معاه انه ما يعيدها ولو عادها بيكون خلاص هذي بداية النهاية لكنه وعدني انه ما يعيدها ودعى ربه ان الله ما يفرقنا وصدقوني تأثرت يوم قال هالكلمة وحسيت فية انه فعلا يحبني والله العالم بمحبته في قلبي