استفسارات مهمه

الحمدلله على السلامه ومبروك ماجاك ...

* لفي بطنك متى مابديتي تتحملين وماتحسين الالم الدكتوره قالت لي من بعد اسبوع تقدرين تشدين بطنك بالمشد .. لكن كنت اتعب من اسفل البطن وماشديته الابعد 45 يووم .. بالمشد الاندنوسي ...

*دم النفاس عند الوالد قيصري يكون خفييييف لأن الدكتورات اغلبهم ممتازت وينظفون زين ..
لكن بتشوفين الدوره بعد النفاس غزاااااااره مب طبيعيه ..

* مااعتقد بتحط شي .. انا شيكت على جرح العمليه .. ووصفت لي المانع للحمل .. وسوت سونار عشان تتأكد من عودة الرحم لحجمه .. وبس ..(f)

مشكورة حبيبتي ع الرد ماقصرتي
بس الله يستر في الدورة...........................

اشدعوة مشاهدات كثيرة ما شاء الله
بس ولا وحده منكم دعت لي!!!!!!!!!!!!

الي تعرف ممكن بعد تنورني.....

ميروك ماجاج ويتربى في عزج وعز ابوه ويطلع قرت عين لكم وللحبيب المصطفى صلى الله عليه وسلم
انا ولدت برمضان بس الحمد لله ولادة طبيعية وربطت بطني من اول يوم لكن مارجعت نفس اول عادها طالعة شوي انا قول هذي اول ولادة فكيف الثانيه والثالثه الله يستر وما ادري الحين ايش اسوويلها
إذا احد عندها نفس اشي ومعها الحل تفيدني
الله يجزاها الخير آمين

بالبركة على البنوتة أختي وتتربى بعزكم.. مثل ماقلتي بموضوعي بينا 5 أيام بنتي أكبر منها بخمسة أيام بالضبط ماشاء الله بنفس الوقت...بس أختي أنت شنو سبب القيصرية؟؟ أنا كان عندي طلق والرحم ماتوسع غير 2 وبعدين قل النبض وولدوني....

أنا بعد خايفة من هالكرشة.. قالوا لي أخذي يانسون وايد بيفيد.. ياخوفي والله مارد مثل قبل.. إذا أنت من المحرق يقولون في صالون غصون جلسات حق شد البطن بس أنا ماسويتها في ولدي وناوية أستفسر عنها...وبخصوص المشد الأندنوسي وين أحصله؟؟؟
المسادة قالت لي تقدرين تتمسدين بعد 21 يوم بس آنه قلت أكمل الشهر وبعدين باتصل فيها...


بخصوص دم النفاس.. أنا بعتد عقب عشرة أيام قام ماينزل متواصل بس متقطع ولما رحت للدكتورة تشوف الخياط قالت عادي لأن أحنا أنظف الرحم...


بخصوص فحص مابعد الولادة... يفحصونك من تحت بواسطة البلاستيك اللي أحنا نسميه بوز البطة... هو مايعور وايد ويعتمد على شطارة وخفة يد الدكتورة.. الفحص ماياخذ ثواني يسحبون عينة من عنق الرحم وخلاص تقومين...

حبيبتي انا دكتورتي قالت لي بعد 20 يوم ممكن تربطين بطنك عادي بس ماتشدين عليه كثير عشان ماتصير عندك التصاقات بالرحم من بعد العمليه ..

والدم عادي مايطول مع القيصريه ..

وبالنسبة للموعد مثل ماقالوا الخوات تتطمن على الجرح وتعطيك مانع حمل..

مشكورين فديتكم وماقصرتوا
وجزاكم الله الف خيييييير

رانيا البحرينية;9170236:
بالبركة على البنوتة أختي وتتربى بعزكم.. مثل ماقلتي بموضوعي بينا 5 أيام بنتي أكبر منها بخمسة أيام بالضبط ماشاء الله بنفس الوقت...بس أختي أنت شنو سبب القيصرية؟؟ أنا كان عندي طلق والرحم ماتوسع غير 2 وبعدين قل النبض وولدوني....

أنا بعد خايفة من هالكرشة.. قالوا لي أخذي يانسون وايد بيفيد.. ياخوفي والله مارد مثل قبل.. إذا أنت من المحرق يقولون في صالون غصون جلسات حق شد البطن بس أنا ماسويتها في ولدي وناوية أستفسر عنها...وبخصوص المشد الأندنوسي وين أحصله؟؟؟
المسادة قالت لي تقدرين تتمسدين بعد 21 يوم بس آنه قلت أكمل الشهر وبعدين باتصل فيها...


بخصوص دم النفاس.. أنا بعتد عقب عشرة أيام قام ماينزل متواصل بس متقطع ولما رحت للدكتورة تشوف الخياط قالت عادي لأن أحنا أنظف الرحم...


بخصوص فحص مابعد الولادة... يفحصونك من تحت بواسطة البلاستيك اللي أحنا نسميه بوز البطة... هو مايعور وايد ويعتمد على شطارة وخفة يد الدكتورة.. الفحص ماياخذ ثواني يسحبون عينة من عنق الرحم وخلاص تقومين...

هلا الشيخة.. مشكورة حبيبتي ع الرد...اناسبب القيصرية كان عندي الله يعزكم زلال في البول..ورقدوني عشان اسوي تحليل 24 ساعة.. وفحصتني الدكتورة من تحت وقالت اذا عندج علامات ولاده ومتوسعة بنعطيج طلق صناعي. واذا لاء بننتظر نتيجة التحليل..عاد فحصت ومافي شي. ولما طلعت النتيجة كان يوم الثلاثاء قال لي لانه بعد للحين مافيج توسع فروحي البيت وتعالي يوم الاحد عشان طلق صناعي.. او تبين باجر نسويلج قيصرية.. عاد انا اخترت القيصرية لانه ادري الطلق بيتعبني ولا بتوسع لانه في الاساس كنت كلوس.وانا كنت في بدايه الاسبوع 38.. وثاني شي انا مااقدر ادفع وااايد ظهري يألمني لانه من قبل كان مكسور... وبس:)
وبخصوص اليانسون.. يعني عادي افوحه واشربه نفس الشاي؟؟؟ وكم مرة باليوم او عادي اي وقت؟؟
والمساده شنو فايدتها بالضبط؟؟؟ هي تهوس على منطقة الجرح؟؟؟؟
والمشد ويييييين اقدر احصله؟؟؟ انا بعد ادوره.

على فكرة انا دكتورتي الدكتورة موزة في العسكري.. يعني الي راحت لها للفحص بعد الولاده تقولي اسوت لها... ومشكورييين

المسادة الله يسلمج تمسد الجسم كله والرحم أنا جربتها في ولادتي بولدي وبعدين مرة ثانية لما أجهضت يعني تريحك وترجع الرحم مكانه... عاد بالقيصرية مادري بس ماظن راح تضغط على الجرح آنه قلت لين كملت الشهر باخليها تسوي لي...

وعن اليانسون فوحيه في شوية ماي وشربيه او نقعيه في ماي دافي وبعدين زليه وشربيه.. أمس وحدة كويتية من أهلي يايه البحرين جان تقول شربي طبيخة قلت له شنو يطلع ذي قالت ماي مثل اللقاح والمرقدوش ينباع معاهم حطي نص كاس طبيخةوالنص الثاني ماي دافي وشربيه زين يطلع الغازات ويروح الكرشة...

والله شربت هالطبيخة وسبحان الله ماتتوقعون شكثر غازات طلعت من بطني حتى خواتي يسمعون صوت بطني ويضحكون.. جربوه يابنات وإن شاء الله ينفعنا من عقب هالقيصرية وتطلع الغازات وتخف الكرشة...

شكرا ميعا
ماقصرتوا..

والي بعد عندها كلام تنورنا