طريقة عمل الشموع .. :) حياكم ..

مرحبتين كباااااار .. :)


أحب اقدم لكم عمل حبيته وايد .. وكنت من قبل أدور عن طريقه اتعلم فيها
كيفية عمل تلك الشموع .. لحبي لها وباقتناءها .. والصدفه البحته هي التي خلتني اعرف شلون أسوي هالشموع .. وهي طريقة سهله بامكانكم انتوا تسوونها .. طبعاً اللي عنده هوايه او حب بتلك الشموع .. واجواءها ..

وراح اطرح لكم المجموعه الكامله واعرفكم عليها ...








في هذه الصوره جميع مستلزمات عمل الشمعه ..

1- الشمع البتيك .. الي هو بالعلبه البيضاء ..

2- الالوان الي ممكن نغير فيها لون الشمع حسب رغبتنا ولا يتوفر منه الكثير .. احمر , كحلي , اصفر , اخضر ,

3- عطر فواحه لجعل الشمعه ذات رائحه حسب رغبتك بالعطر ..

4- فتيل الشمعه ..

5- جزوه تستخدم للقهوه التركيه أكيد تعرفونها .. :) ( ركوه ) ..


هذي هي الاساسيات ..

وممكن تستخدمون اي شمعه قديمه بالبيت مره ثانيه وتعملون منها جديده بالشكل الي ترغبون .. وايضا تستخدمون اكسسورات تستغنون عنها مثل الخرز او الورد المجفف .. او اعواد القرنفل واشياء كثيره ممكن تبتكرونها وهناك ايضا بعض الاشياء لتزيين الشمعه ممكن تشترونها اذا اعجبكم

شكلها مثل هذي الصوره





والحين انيي للشرح بخطوات ...

فيه نوعين من الشمع بتيك الي هو على شكل حبيبان .. ونوع اخر مثل الجل شمع جل ..

1- نضع ماء في اناء على النار ونتركه يغلي
2- أنييب جزوة القهوه ونضع فيها الشمع حسب الرغبه جل او بتيك .. وانا حبيت الجل .. المهم نضع قليل من الجل في الركوه ونضعه فوق الماء في الاناء يعني بخار فقط ونحرك الجل حتى يذوب وايد ثم نضع على الجل العطر الذي نفضله
لاحظي انه ممكن تحسبين انه ذاب بس هو يكون بعده للحين ما ذاب لانه مايوضح الا بالتحريك المستمر المهم مايدخل الجزوه ماء .. وبعدين نجيب مثلا قلاص قديم ماتبين تقطينه وشكله حلو ..

2- نضع قليل من الشمع داخل القلاص شوي بس علشان نقدر نثبت
الفتيله ونمسك بالفتيله حتى تاخذ مكانها ومن ثم نسكب الباقي من الشمع في القلاص وبشكل دائري ..

3- لو اردنا تزيين الشمعه الجل بشي من الورد المجفف نرصها بشكل جميل داخل القلاص قبل ان تنشف الشمعه بعد السكب على طول ..

4- نستمر بالعمل ناخذ جل ونضعه في الركوه ونضعها على الماء وعند الانتها نسكبها مرة اخرى في الكاس ولكن لابد من ان تكون الاولى نشفت .. ونستمر هكذا حتى تنتهي من عمل الشمعه ولكن يجب ان تمسكي بالفتيله بعد كل مره تسكبي فيها حتى لا تميل من مكانها ..

احس انكم تقولون وايد سهله وهي اكيد سهله ..

النوع الثاني من الشمع وهو البتيك الحبيبات نفس الطريق ونفس التحريك

ولكن لو نرغب في وضعها بقالب ومن ثم نرفعها من ذلك القالب لابد من دهن ذلك القالب بالكامل بفازلين كلنا يعرفه ويستخدمه لانه يكون عازل بين جدار الشمعه والقالب ونستطيع خلع الشمعه من القالب دون ان تتعرض الشمعه للتلف ..


ولكم جزيل الشكر .. :)






هذي الشمعه بتيك استخدم فيها قالب كرتون على شكل قلب .. والطبقه الي فوق شمع جل ومزين بالورد المجفف






هذي الشمعه جل وزينت علبة الكرستال من تحت باحجار صغيره من لونين الابيض والاحمر ... ووضع فيها دبين صغار وايد حلوه



وهذي الاخيره استخدم فيها ايضا الورد المجفف .. والطبقه الي تحت حبيبات عندما تضعين عليها قليل من الماء تنتفش وتكبر طبقتها بس قبل مانسكب الشمعه ونسكب عليها قليل من الشمع ونثبت الفتيله ...والباقي مثل الاخريات ..



أتمنى يعجبكم .. :)