ما أعرف كيف اتصرف ويا خدامتي؟
c
07-04-2009 | 05:21 PM
بنات انا عايشه ويا اهل ريلي وبأذن الواحد الاحد قريب بفتك منهم وبطلع من هالبيت وبستقل بحياتي في بيتي اليديد....المهم من غير خدامتي السيلانيه, عندهم 3 خدامات اندونيسيات مناشبات خدامتي على كل شي المهم الحين خدامتي كل يوم طالعتلي بشي البارحه قتله غسلي زوالي الغرفة والصاله مالي يوم رجعت من الدوام قالتلي انا غسلتهم بس الخدامه الثانيه تقولي ليش انتي تغسلينهم خل يودونها المغسله:eek: المهم سكت عنها ,,,اليوم قتلها بدلي الفراش الي على السرير وغسليه يوم رجعت من الدوام يايه تقولي الاندونيسيه تقولي ليش مدام ما توديه المغسله ليش تعطيج انتي تغسلينه؟:eek: شوفي ماما كبير تودي كل شي المغسله ((بيني وبينكم مسرفه الى اخر درجه )) قتلها شوفي اذيتيني ماما يمكن وايد عندها فلوس تغسل كل صغيره وكبيره في المغسله انا ما عندي وسكت عنها .......... في رايكم كيف اتصرف وياها وارد عليها لما تسويلي جذي هل اسمع الكلام منها واسكت؟ هل اعصب عليها ؟ هل اعلق على الخدامات الثانيه ؟ انا مب فاهمه هي شو تبى توصله وليش تنقلي هالكلام؟ تتوقعون ليش؟ وكيف اتعامل معاها؟:mad:
.
07-04-2009 | 05:31 PM
انا من رأيي تسمعين من اذن وتطلعين من اذن ولا تقولين لخدامتك شيء ولا تعطين وجه اصلا الخدامات كلامهم كثير وكذا بتريحين راسك ..
D
07-04-2009 | 05:36 PM
كلميها مره وحده وبصرامه
قولي لها انا المدام واقول اذا ابي اودي الشي المغسله او اغسله بالبيت
وانتي هنا عندي وانا هذا الي اسويه وخلاص
قولي لها انا المدام واقول اذا ابي اودي الشي المغسله او اغسله بالبيت
وانتي هنا عندي وانا هذا الي اسويه وخلاص
م
07-04-2009 | 05:49 PM
قوليلها سوي اللي اقولج اياه بدون نقاش ولا كثره كلامه اللي اقوله سويه وبس
وبعدين بتطلعين بيت بروحج وتبعديها عن باقي الخدامات وذيك الساعه سنعيها على كيفج
وبعدين بتطلعين بيت بروحج وتبعديها عن باقي الخدامات وذيك الساعه سنعيها على كيفج
c
07-04-2009 | 05:54 PM
مشكورات خواتي على ردودكم ....وصح كلامج بطلع بيت بروحي وبعرف كيف اسنعها عشان بكون بس انا وريلي فالبيت وبيكون كل شي بشوري انشالله.
u
07-04-2009 | 06:25 PM
الغاليه ..
الخدم .. يحتاجون كلمه ورد غطاها ...
يعني لو قالت جذي .. ردي عليها قوليها اذا ما تبين الشغل ... باجر تروحين ديرتج ... واذا اقولج شي سويه بدون كلام ......لو ابي اوديه المغسله ..كان وديته من غير شورج ,, ووكلام وايد لا تسوين..
الخدم .. يحتاجون كلمه ورد غطاها ...
يعني لو قالت جذي .. ردي عليها قوليها اذا ما تبين الشغل ... باجر تروحين ديرتج ... واذا اقولج شي سويه بدون كلام ......لو ابي اوديه المغسله ..كان وديته من غير شورج ,, ووكلام وايد لا تسوين..
*
07-04-2009 | 06:32 PM
حبيبتي وقفيها عند حدها وقولي لها سوالف الخدم لا تنقلينها لي
وانتي جايه تشتغلين عندي واي شئ اطلبه نفذيه بدون ما تراددين
واذا مب عاجبج بسفرج
هاي مشكله اللي قاعده مع اهل ريلها الخدامه ما تخترب الا من اللي حولهاااا
وانتي جايه تشتغلين عندي واي شئ اطلبه نفذيه بدون ما تراددين
واذا مب عاجبج بسفرج
هاي مشكله اللي قاعده مع اهل ريلها الخدامه ما تخترب الا من اللي حولهاااا
c
07-04-2009 | 06:32 PM
Noor1979 كلامج عين العقل والصراحه ببدأ اغير اسلوبي وياها وبجربها في البيت اليديد ان حسيت انها بتم على اطباعهم هذيل شكلي بسفرها وبييب وحده بدالها حسبي الله عليها .......المشكله انها تعرف تطبخ وتنظف عدل بس احسبها شلالت كلام :(
ر
07-04-2009 | 06:40 PM
اختي يمكن بعد تكذب عليش على شان هي ماتبي تسوي الي تقوليها عليها
ترى هم ملاقيف درجه اول
مايفيد وياهم الا العين حمره
ترى اذا عطتينهم وجه يتمدوان اكثر والله ويركبون راسنا بعد
ترى هم ملاقيف درجه اول
مايفيد وياهم الا العين حمره
ترى اذا عطتينهم وجه يتمدوان اكثر والله ويركبون راسنا بعد
C
07-04-2009 | 11:53 PM
يؤ يؤ تدخلينها غرفه نومك!! وتغسل مفرش السرير
بعذرها لو رفعت صوتها عليك حقرتك الشغالة
وقفيها عند حدها يا حبوبة
بعذرها لو رفعت صوتها عليك حقرتك الشغالة
وقفيها عند حدها يا حبوبة
ع
08-04-2009 | 03:12 AM
قولي لها انا ليش جايبتك وادفع لك راتب عشان ماودي شي للمغسله كله انتي سوي
ا
08-04-2009 | 04:09 PM
قوليلها تبين مااعطيك حق شهر واوديهم للمغسله؟!
هههههههههههههههههه
امزح حبوبه تراهم يتعدوون باللي يتعرض راتبهم لو بالكلام
انا كانت شغالتي كذا
قلت شوفي انت كبيره انت لازم تتكلمين معاهم وتخلينهم يسكتون
انت هذي مشكلتك وانا عندي كثير مشاكل مو لازم اقولها
ابي اريح راسي
طبعا بعين حمرا نوعا ما والحمدلله بعدها وقفت وريحت راسي
هههههههههههههههههه
امزح حبوبه تراهم يتعدوون باللي يتعرض راتبهم لو بالكلام
انا كانت شغالتي كذا
قلت شوفي انت كبيره انت لازم تتكلمين معاهم وتخلينهم يسكتون
انت هذي مشكلتك وانا عندي كثير مشاكل مو لازم اقولها
ابي اريح راسي
طبعا بعين حمرا نوعا ما والحمدلله بعدها وقفت وريحت راسي
م
09-04-2009 | 02:54 AM
انا رايي تسيرين تيبين الخدامات الثلاث و تدخلين المطبخ وتيبين خدامتج وياهم ..
وتعطينهم كمن كلمة فالعظم تفهمينهم انج ما تسمحين لهم يتدخلون واللي بتتدخل ريلج اللي بيتفاهم وياها .. عاد بيزيغون هم وبيصخون عنج .. وقولي حق خدامتج في حضورهم انه لو مره ثانية قالت لج فلانه قالت وعلانه قالت ريلج بيتصرف وياها هي بعد..
شدي عليهم اختي .. هاذيل تعودوا عالكسل
وتعطينهم كمن كلمة فالعظم تفهمينهم انج ما تسمحين لهم يتدخلون واللي بتتدخل ريلج اللي بيتفاهم وياها .. عاد بيزيغون هم وبيصخون عنج .. وقولي حق خدامتج في حضورهم انه لو مره ثانية قالت لج فلانه قالت وعلانه قالت ريلج بيتصرف وياها هي بعد..
شدي عليهم اختي .. هاذيل تعودوا عالكسل
S
09-04-2009 | 02:59 AM
اختتي قولي لها ادا كلشي في مغسسلة ا عيل انا ليش يايبتنج اطاللعج لو تغسليين لي