اخر دوره يتني 31 خمسه سويت تحليل حمل مافي حمل شهر ستة شهر سبعه سويت سونار ثلاث مرات وتحليل دم مافي اي شي شهر 7 رحت لدكتوره ابي حل ينزل الدوره عطتني حبوب تنزل الدوره خذيتهم وحطيتهم فوق الثلاجه وكل ما ابي اي اخذهم الهى لين مر اسبوع ويوم قررت اخذهم تخوفت انه تصير له اثار جانبيه على صحتي خاصه انه الصيدلي سئلني انتي عندج سكري.؟؟قلتله لا بس الدكتوره عطتني ياه لتنظيم الدوره اهو طالعني ونصدم وقال اهي ابخص انا من هالشي قلت لزم اتاكد
رحت لدكتوره ثانيه وريتها الدوه وقالت ممتاز هاذا الدوه هو الي ينظم الدوره اخذي وماعليج شر سلمت عليها وبطلع عند الباب ردتني وقالت بس دقيق اخذي هاي العلبه وردي علي انا خذيت العلبه لعمل تحليل بول وانتو بكرامه ورحت لتواليت ورديت منتو محلفيني ولافي بالي اي شي لاحمل ولاشي واصلا مانتبهت ولاشي اله هي تقولي .......................انتي حاااااااااااااااامل ....نصدمت وبس اطالع لها واطالع الدوه...؟؟ سبحان الله الحفظ من الرحمن ولي له نصيب بشي ياخذه الف حمد وشكر انه الله سبحانه وتعالى حفظني من امور انا بغنى عنهاااا
ويوم سويت تحليل طلعت حامل 7 اسابيع غريييييبه قالت دكتورتي شلون مابين بتحليل الدم ولا السونااار ثلاث مرات تحليل دم هرموني والتحليل هاذا يبين الحمل لو كان 4 ايام ويوم سو السونار توقعو انه الحمل تم يوم 25\6 وانا مسويه التحاليل بعد هالتاريخ باسبوع واسبوعين
امتحان من المولى مريت في :
وبشهر السادس رحت للمستشفى لاني احس بالم بسرتي بصراحه مااقدر اتحرك لوياني الام ولا اتنفس
قالت لي الدكتوره انه الرحم مفتوح ولزم ربط واحتمال ماتنجح العمليه وينفجر الماي ويموت الجنين وكل هالكلام قالته بربع ساعه يعني شي مايعقل يايه بشغله اطلع بشغله ثانيه
جابت الاوراق وتقنعني انياسوي العمليه وتكلمت تقريبا ساعه كامله تشرح وتقنع وهي تكرر علي ترى موشرط تنجح العمليه لان انتي بالسادس واحتمال ينفجر الماي ويموت الجنين او يعيش بس تعبان.... رديت عليها بكلمتين قلتها انا افظل ان يموت الجنين ويتوقف حملي بامر الله تعالى وليس بامرك وامر عمليتك الي نسبتها كل ثلاثه بالميه تفشل .
طلعت من من المستشفى على مسئوليتي دقو علي ثاني يوم انتي لزم تجين اليوم قلتلهم مابي اسوي ربط وتكلت على الله وطبعا دعيت ربي واكثرت من الشكر والحمد والاستغفار وانا بكل امانه بنات بداخلي رضى غريب وقناعه وايمان ماطول ان الشي بيجي من المولى مو من الانسان .
وشفت منام رتاح قلبي من وراه وسويت خيره ومضمونها الابتعاد عن العمليه احوط
رحت بعد ثلاث ايام لهم قلتلهم اسوي الربط بس ابي تسون سونار وانا مابنيتي اسوي اي شي بس ابي اسوي سوناار اتطمن خاصه انه سونار المستشفى بنفس اليوم عكس العيادات يطول
الدكتوره قعدت تتفلسف على راسي قلتلها بالحرف الواحد انا ما اثق باي انسان حتى لو كان بريفسور وانا ماني مسيره وبكيفج انا اطلب منج سونار واحملج المسئوليه لرفضج طلبي
ولان بصراحه انا من النوع الي اتجادل وايد بالطب خاصه يوم يتعلق الشي بصحتي وله احد من اهلي ودايم اطلع انا صح يمكن احساسي يكون قوي وتوقعاتي صحيحه
نطرت السونار ساعتين مدري ثلاث وهي كل شوي تقولي صدقيني السونار صحيح بنسبه عاليه انتي عنق الرحم مفتوح عندج 1.5 من ثلاث ايام اليوم كم بيكون اكيد اكثر واحتمال يصير عندج ولاده بعد اسبوع اذا مانسوي ربط
دخلت للغرفه انا ودعواتي وتسبيحاتي واستغفاري وقبلها في بالي المنام الي شفته من شخصيات دينيه عضيمه
الدكتوره تقلب يمين شمال مستحيل انتي مافيج شي حتى الماي لي شفته بالمره السابقه متسرب ماوموجود انتي ماتحتاجين عمليه ..........صفحتني الدكتوره يوم بغيت اطلع وقالتلي هاذا ما ارده الله .........................
الف حمد وشكر الله مايتخلى عن عباده والحمدالله الله معطيني على قد نياتي
الحين بقولكم قصة ولادتي
الصبح بنتي تبجي شفيج قاعده من النوم وشايفه انها مع ابوها راحو بسياره وخلوني وتبجي من صجها وكل محد يسئلها شنو شفتي بالحلم تقوله وتبجي هههه
بهاااااذا اليوم شاء الله انه يكون يوم ولادتي ويصدق حلم بنتي
رحت اتسوق واتمشى بنفس الوقت
وانا راده قلت بيب جبده مشتهيه اكل جبده اليوم رجعت للبيت بدلت ابي اطبخ الجبده حسيت بالم تحت بطني خفيف مثل ثقل نزل بعدها حسيت انه في ماي ينزل ماتوقعت انه ماي الولاده ولكن بعدها بخمس دقايق تاكدت بس اختكم ماهمهااا لزم تاكل جبده اليوم .
زوجي يقولي يله اوديج ولاده ومنخبص وانا لا ابد اليوم ما اولد اله اكل جبده طبخت الجبده وطول هالفتره ابوي وزوجي كانه هم الي يتولدون يله وامشي خلاص لاتولدين ههههههههههههه كسرو خاطري اتصلت على المستشفى قالت لي حطي فوطه صحيه وبعد ساعه كلميني اذا امتلت او انه ما امتلت
بعد ساعه كلمتها وقالتلي تعالي الحين
المهم تغديت ولبسة وخذيت قشي وطلعنا
على مارحنا مع ابوي لبيته علشان نخلي بنتي عندهم ومسافة الطريق
واحنا رايحين للمستشفى شغلت سيدي قران وسبحان الله طلعت لي سورة الرحمن وقلت بس اولد بسلامه اسمي بنتي الاء مع اني كنت ناويه اسميها غدير.بس سبحان الله كل انسان يجي واسمه معاه لو انه مختار له الاسم من زمان سبحان الله ...
شافتني الدكتوره قالت لزم نتاكد من الماي واذا ماياج طلق اليوم باجر الساعه 6 الصبح نعطيج طلق صناعي ومظاد حيويى بصراحه انا خفت ودعيت ربي اني اولد بنفس اليوم ولا اتعذب لي ثاني يوم وبصراحه ماحب طاري المضادات الحيويه ولا الابر
طبعا سو الاجرائات الازمه من تخطيط وقياس الظغط واكمال بيانات ....
الحمد الله نفس اليوم بدا الطلق عندي
بس بنات صج اني احاول اخفف على نفسي الام بالكلام وتهدية الاعصاب بس والله طلعت روحي يعني شي ماينوصف خاصه لما الطلقات تتقارب ولكن رحمة الله بكل شي حتى بالالم يوم تحسين بالام بعد تحسين انه في شي بيريحج بعدها الي هي شوفت البيبي بصحه وعافيه
بنص الشهر الثامن بديت بتمارين خاصه بالحوامل منها المشي القعده الي تساعد المره بالولاده حطتها لنا وحده من الاخوات هني الي كانك متربعه وتفتحين ريلك شوي شوي ما اذكر منو حطتها بس فعلا كانت تمارين زينه ومفيده جزاها الله الف خير
يوم قربت الطلقات كل ماتي الطلقه اسوي طريقة التنفس الي مخصص للطلقات صحيح اني احتاج اصرخ بس لقيت انه التنفس بهالطريقه واايد انفع من الصراخ بكبت النفس يعني اصرخ بس مع التنفس خخخخ مع بعض 2 في 1 لان الصراخ يخسرك اكسجين وبتالي عظلاتج تتصلب وتحسين بالم اكثر
تقاربت الطلقات وزادت وعلى الصوت وانا اشوف الممرضه كل ماعلاصوتي تجهز شي اول صرخه عاليه طلعت العده...... الفوط.......بعدها ... شغلت الدفايه الي فوق سرير الطفل تجهز المناخ لمناسب له
هاذي الصوره خذيتها قبل لا اولد والسرير فاضي
واخر صرخه سكرت اليتات وفتحت ليتات اتذكرهم اربعه صفر , يمكن لان الطقل موزين عليه اليت العالي .... بعد الطلقات المتقاربه لبسة القفازات وقالتلي يله الحين تقدرين تسوين بوووش
قالتلي اذا جاج الام سوي بوش لاتصرخين انا خلاص استوووويت ابي اولد شديت حيلي بس الام كل ماله ويزيد وكل ماله ويعلى الصوت والصراخ الى ان وصلت لاخر بوش وشوفها سحبت البيبي وقالت لي يو ميد ات قووود
وانا احس ردت روحي بعد ماكانت شوي وتطلع الف حمد وشكر لك يااارب حطت البيب على صدري وهي تبجي تبجي سبحان الله الي علم هالجنين برحم امه شلون يعرف ويدل حلجه سبحان الله سيده حركة راسها على صدري ورظعت حليب وسكتت ويارب يارب كلكم تولدون بالف سلامه يارب
وهاذي صورت السرير بعد ماجت الاء ربي يحفظها لي هي وزهراء
ويااارب انه كل وحده فيكم تتسهل ولادتها وتشوف ظناها
بصحه وعافيه يااارب
هاذي قصة ولادتي بختصار طبعا في اشياء وايد واحداث وكلام بس طبعا ما اقدر اكتب كل شي الاء مومخليتني اكتب