ابرة الظهر ؟!

ماعندي خلفية كبيرة عنة
لكن سمعت انها ممكن تسبب شلل
والله اعلم اتمنى الى جربتة والى عندها معلومات عنها تفيدنا

يارب تولدين وتقومي بالسلامة
انا استخدمت نفس نوعية الأبرة في ولدتي لاكن ولادتي كانت قيصريه انا مثلك كنت خايفة لاكن الدكتور طمني وقال لي هي نفس الأبرة اللي في الظهر يعطوها المرة في الولادة الطبيعية لاكن هي اكثر تركيز بحيث يكون الجسم متخدر ولايحس في العمليه وكل الأبرتين الحمدلله نعمة وغير مضرات بلعكس هي رحمة من الله لللأمهات توكل على الله اذا كنتي في حاجتها

انا جربتها مرتين والحمدلله كل الامور طيبه

توكلي على الله

حبيبتي انا جربتها بولادتي الاولى ووايد فادتني

بس حاليا عندي الم بالظهر ما ادري اذا منها او لا

هذا موضوع انا كنت منزلته عن ابرة الظهر كل شي بالتفصيل
اتمنى يفيدك


http://forums.3roos.com/showthread.php?t=408495

بصراحة انا اخاف من الابرة اخاف تسبب شلل لا سمح الله
وبعدين عشان الاجر خليك طبيعية احسن وتحملي
ادري انة صعب الواحد يتحمل بس وش نسوي هذا الضنى وغلاه
يارب تقومين بالسلامة

انا كانوا حاطين لي طلق صناعي وطلبتها
بس تخدر الجز الايمن من جسمي الاسفل يعني كنت احس الالم بالجزء الايسر
وقد قريت عن وحده صار لها مثلي
الله يسهل لك والولاده الثانيه تجي اسهل ان شا الله مانحتاجها لا انا ولاانتِ

هلا اختي انا سويتها في ولادتي الاولى وانا كنت طالبتها بنفسي وانا حامل والحمد لله ولدت وما لها مضاعفات ابدا ولله الحمد بالعكس كانت نفسيتي تعبانه من الالم كنت اصيح وما كنت مستحمله لكن يوم اخذتها الحمد لله ارتحت وولدت بكل سهوله انا اللحين حامل بالشهر الثالث وطلبت من الدكتور يكتب في ملفي اني ابغاها في ولادتي الجايه الله يتمم علي وعلى الجميع يارب

تسلمون لي حبيباتي ..

الف شكر ..

توكلي على الله واطلبيها حلوه والحمدلله ..

تسلمون لي يارب ادعوا لي تكفووون :(

.

هلا أختي في ناس يعانون من هالابره انا صديقتي واختها الي الحين يعانون من آلام الظهر والسبب هالابره بس يمكن كل وحده وطبيعه جسمها وعلى شطاره دكتور التخدير ..
أنتي توكلي على الله وان شاء الله تقومين بالسلامه وما عليج شر ...

حبيبتي الغاليه

نصيحه اخت مجربه

انا اخذت الإبره والحمد لله فادتني كثير كثير وعلى فكره ترا الإبره ماتاخذينها من اول مايبتدى الطلق ،،، تاخذينها لما يتوسع الرحم 4 سم يعني بتحسين بالألم لين يتوسع 4 وبعدين الحمدلله لما اخدتها ارتحت كثير خاصه اني خوافه

والحمدلله ماصار لي ولا شي ولله الحمد

تدرين ليه لان من اول ماحملت مافكرت بمضار الإبره قلت باخذها ولا سمعت كلام ولا وحده خوفتني من الإبره

صحيح تصير لبعض الحريم اشياء بس ترا مو من الإبره يقولون ان دكتور التخدير له دور كبير يعني اسألي عن الدكتور وهل سوا قبل كذا التخدير لاحد وفاد معه

والله يوفقك

نصيحه اخذيها

انزين انا كنت ابي اطلبها بولادتي بس ريلي قالي لا كان خايف لان سمعنا عنها بس انا اريد اعرف هيه تؤلم يوم ايحطونها وين ايحطونها وتم فيج ولا كيف ياريت حد يشرح اكثر إذا ممكن؟

جوفي حبيبتي ربي يسهل عليج ولادتج ويقومج بالسلامه انه بولادتي الاولى خذيت الابره وااااايد ريحتني بس معا الوقت قمت اعاني من الم في اسفل ظهري بسبب الابره والحين كل حمله احملها يكون ظهري وااااااااااااااااااااااااااااايد تعبان ويعورني والله للحين معاي الالم احس ظهري بينقطع وهذا صار لي تقريبا 6 سنوات وللحين اعاني انه انصحج لا تاخذينها وربي بيسهل عليج

السلام عليكم ورحمة الله وبركاتة
أنا أخذتها وريحتني واااااااااااااااااااايد لأن الطلق كان كل نص دقيقة والرحم ماينفتح عندي .. كان 4 سم بس
في نوعين من إبرة الظهر... بس أول شي يعطيج إبرة يالعمود الفقري وتكون بنج موضعي وبعدين إبرة الظهر (التخدير)
يا يعطيج الإبرة مرة وحدة يعني يعطيج المخدر مرة وحدة ويشل الإبرة
أو يعمل لج قسطرة ... يعني تكون الإبرة في ظهرج طول الوقت ومايشلونها إلا بعد الولادة
يكون شكلها نفس إبرة الجلوكوز إللى تنحط باليد بس هذي ممدودة من الظهر.. يعني مثل الواير ممدود من ظهرج لين كيس البنج وماتحسين فيها وهي بظهرج
بس أهم شي يكون الدكتور شاطر وإلا لاتغامرين وتاخذينها
والله يقومج بالسلامة

محتاره مره اخذها ولا لأ

شسوي علمووني :(

انا الحمد لله اخدتها 3 مرات ولو هولد مليون مره هاخدها الم الطلق لا يطاق ومؤلم جدا وربنا اكرمنا انها موجوده ليها منخدهاش ولو مكتوبلنا شىء هنشوفه اى كان
اتوكلى على الله وخديها

انا جربتها بولادتي والحمدالله ارتحت عليها

مع انه الطبيب الي كان يدخلها فيني ماكان مرة شاطر 3 مرات حاول لين ضبطت الرابعة ..

وكان فيه الم شوي لكن مع الم الطلق ماتحسي بشي غيره خخخ

المهم هي تسبب الم في نفس مكان الابرة بعد الولادة لمدة ست شهور تقريبا واذا شلتي شي ثقيل بتحسي فيها بس بعدين يروح

لكن انا لاحظت انه كل الي اخذو ابرة الظهر تتاخر ولادتهم ممم مدري يمكن لانها تخدر المنطقة ويصير كل شي بارد وبطي والله اعلم

اما الشلل ماتوقع تسبب كثير الي ماخذينها ولا عمرنا سمعنا وحدة انشلت لاسمح الله


الله يهون عليكي


نسيت اقولك على فكرة اذا بدا مفعول المخدر ينزل في جسمك راح تحسي بصداع في راسك شوي وراح يعطونك حبتين اسبرين او بندول ويروح باذن الله بوقته

ايضا يركبون لك قسطرة للبول لكن مراح تحسي بش بتاتا البتة لانك مخدرة ..

واذا جا وقت الخياطة بعد مراح تحسي لانك مخدرة



موفقة