مشاكلي مع اهل زوجي

خواتي ابغى استشيركم في مشكلتي انا متزوجة من 6 سنوات تقريبا ومبسوطة مع زوجي بس لاتخلو الحياة من المشاكل ولكن هذي المشاكل تأثر كثير فيني اناوزوجي عايشين في مدينة واهلنا في مدينة ثانية لمن ننزل عنذ اهالينا انام في بيت اهله عالرغم اني مااكون مرتاحة واجلس بس عشان زوجي عالرغم ان بيتهم مافي الا ابوه وامه وهنا المشكلة هما مايحبو السهر والتأخير عن البيت والله انه مرة اتأخرت انا وعمتي وكنا في بيت بنتها الين الساعة 2 في الليل وشوفي التهزيئ من عمي ويقولنا انتو ماتستحو ومو متربين والله انا عصبت على زوجي وقلتله ليش يقول ذا الكلام ليا مو من حقه يغلط علياوزوجي لمن نخرج يطفشني يقولي بسرعة لانتأخروكل شوية يطالع في الوقت غير كذا يتأثر بكلامهم والله يابنات الله يسامحهم اهله يتكلمو على الناس ويسبو ويلعنو فيهم صرت اتضايق من الجلسة في بيتهم وغير انه عمتي وبنتها مافي شي يتخبأ عليهم مافي غير اتصال ورى اتصال وفي النهاية كله كلام فاضي وعمتي مستغلة طيبة زوجي وخوفه على زعلهم مرة كنا بنروح المدينة المنورة وهيا تبغى تروح معانا بس ماكنا نقذر ناخذها لان المدينة قريبة مننا وهيا عارفة انها ماحتروح معانا فقامت تقوله انته تسمع كلام زوجتك وانته طفل مالك كلمة وهيا شبعت من اهلها لأنهم كانو عنذي وانا والله قلتله لو ماجو اهلي ماكان نزلت لانه لمن ننزل عنذهم بس نتخاصم وبس مشاكل وانا قلتله امك حسودة وانانية لانها والله حتى اهلي تتكلم عليهم وانا والله اذا خرجو اهلي معايا والله اني مانقولها عشان ماتسوي مشاكل لزوجي وهو مو عارف يرضي مين يرضيني والا يرضي اهله انا مقهورة لأنه قالي نروح المذينةوابوه كان مسافر وجا امس واليوم يقولي ننزل عنذ اهلنا وانا ماابغى اروح لأني اطفش لمن انزل وتونا مالنا اسبوعين من يوم جينا اقوله خليها مرة ثانية بس مو راضي انا طفشت من هذا الوضع احس كأنهم ضرايري من كثر مأنهم مشاركيني فيه عالرغم انه عنده اخوان قولولي كيف اسوي انا احس انو هالمشاكل تأثر في علاقتنا