هي صديقتي .. بس كلامها عن زوجي ..!!! قهررررنييييي ..

في البدايه ’’ هي أخلاقها ماشالله زينه ... وأعرف طبعها عاديه ’’ وماأفكر تظرني بيوم من الأيام ...

لا ياقلبي ياما صديقات قدروا ياخذوا ازواج صديقاتهم

شوفي في نفس الصفحة مشكلة واحدة من العضوات كاتبة زوجي وصديقتي

بس انا عرفت إن عندها نقص ’’’ لأنها تفووووشر واااايد ...

هههههههههه

شكلك على نيانك

هي تفووووشرر وانت تقولين الصدق وكل شئ عن زوجك

حبيبتي أنا عندي صديقات بس ابدا ماتكلم عن زوجي ابببببببد تعرفي اش يعني ابد

مو لازم يعرفو انو كريم او طيب او بخيل او اي شئ يهمني

وبنات هاليومين ماصار فيهم خييير

عادي متزوجة وتكلم ومو متزوجة وتكلم والاولى مصيبة ومو كلهم حرام اظلم البنات

لكن شوفي المشاكل اللي هنيه

تقول لاااا الحيييييين قولي له ... وانا امشششي الموضوع عادي ’’ ولا كأني حاسه بشي ’’’

تبين حياتك وزوجك اقطعيها دام تتغزل في زوجك وتقوووووووووووووووووووول

تخيليييي تصير ’’ خاويني وأخاويج .. وآخذ ريلج وأخليج .... :eek::eek:

وبدل الصديقة عشر اهم شئ بيتك

وبس

لك حق تخافي منها

لأن كلامها مو كلام وحده أخلاقها عاليه مثل ما انتي تظني


اللي أخلاقها عاليه وتحب زوجها ما يجي فبالها تقول نص الكلام اللي ربيعتك تقوله


الله يهديها ويهدينا



من رأي ضروري تتحذري منها وتبتعدي عنها



الله يوفقك ويسعدك

خاويني وأخاويج .. وآخذ ريلج وأخليج :21_103:
انا ما بحط بذمتي بس الافضل انج ما اتمين تتكلمين عن ريلج عند الكل

انا مع راي الاخوات العضوات فيما كتبوه
واذا كنت باقيه على صداقتك ومو هاين عليك تنهيها
خليها زي ماهى ولكن طلعي زوجك من حواراتكم
واقتصري الصداقه عليكم فقط
واذا سالتك مرة عنه عومي الكلام قليلها الحمدلله
كله خير مافي كلام ينقالك ايش دخل زوجي في الكلام
الى احنا نحكيه ومن هذا الكلام وهى لوصديقتك صح
راح تفهم وتحترم هذه العلاقة
لكن لو ماهمها غير معرفة اخبار زوجك من هذه الاتصالات
فانا اتوقع انها ماعد تتصل فيك لو مامدتيها بالمعلومات الى تبي تعرفها
الله يحفظك انت وزوجك ويدوم عليكم المحبة

والله مو عارفة اش انصحك فيه.....هي متزوجة وعندها عيال يعني ما اعتقد بتترك زوجها و عيالها و تخطف زوجك....يمكن هي زوجها مو جميل فتحسدك على زوجك على الرغم مثل ما قلتي الجمال مو كل شي
خلك عادي معاها ولا تطري زوجك عندها كثير...و غير كذا افترضي حسن النية يمكن هي تحب الضحك والمزح كثير و تعتبرك مثل اختها

أختي أحسن انك تبعدي عنها
الله اعلم بنواياها لان طريقة كلامها تخلي الواحد يشك
وبعدين لو كانت مو متزوجة كنا نقول طيش وفراغ بس هي متزوجة المفروض ما تقول مثل هالكلام

ونصيحة ثانية لا تكوني تقوليلها تفاصيل حياتك اسلم لك عزيزتي وممكن انك تفضفضي لوحدة من اخواتك المقربات والاحسن من هذا كله تتقربين لربك وتشكيله هو ارحم بك من الناس :)

انا من رأيي إنك تبتعدين عنها و تقاطعينها

وأنصحك لاتتكلمين عن زوجك أبببد عند الكل


الله يهديها ويهدينا

وش أقولكِ صبري عليها حتى تأخذه منكِ !؟

أنتي عندكِ الجواب بس قلبكِ مايبغى يصدقه
بسبة العشرة إلي بينكم ..
لو كنت بدالكِ ما أعطيها وجه
أو ع الأقل أقولها في وجهها أنه مايعجبني تتكلم عن زوجي
وبصراحة قلت حياء منها .. حشى ومتزوجة وأم عيال
انا حتى خواتي خواتي إذا شفت واحد بالتلفزيون ملامحة حلوة ما أنطق بحرف
وهذي شوي إلا تكتب قصيدة

وجع...

والله ماادري شنو اقول لج

كل اللي اقدر اقوله لج لاتأمنين لحد بهذا الوقت وماابي اقول عنها كلام اخاف اظلمها بس انتي راح تعرفين اللي بداخلها من طريقه كلامها


شوفي اختي اعرف وحده كانت تعرف وحده وصديقتها ويدشون ويطلعون على بعض ويروحون عزايم وجذي
الين ماجات الطامه الكبرى زوجها تزوج صديقتها بس الفرق ان صديقتها كانت متزوجه ومطلقه الرجال مالهم آمان واذا كان الرجال غافل فيه بعض البنات اهم اللي يحرضون ويووعن الرجال على الزواج منها

والله يكون بالعون

اسمحيلي أختي أقولج أن هذي أبدا موو صديقه ...

بصراحه قلة أدب على مستوى !!!

يعني متزوجه و عندها عيال و الحمد لله .. و بعد حاطه عينها على زوجج ..

أنا من رايي أنج تقطعين علاقتج فيها دامها قالت >>> تخيليييي تصير ’’ خاويني وأخاويج .. وآخذ ريلج وأخليج .... :eek::eek:


بصراحه جملتها هاااي تدل أن وراها شي ..

لا تصيرين مثلي _ آخذ الأمور بكل سهوله و ف الأخير أطيح على راسي مشاكل الدنيا أنا في غنى عنها


الله يحفظج أنتي و زوجج من كل شر

تسلمين أختي لأنج شاركتيينا مشكلتج و اتمنالج التوفيق

انا مثلكم يا بنات متزوجة و لكن امي ربي يخليها لي نصحتني

المتزوجة لا تحكي لا على زوجها و لا عن اسرار بيتها الى اي احد لان البيوت اسرار

و انا ايضا عندي صديقاتي ما شاء الله و لكن منذ تزوجن عندما نجتمع نتحدث حديث يومي عادي ماذا طبخت

ماذا اشتريت ملابس ..... و حتى عندما يتحدثن عن ازواجهم انا اسمع و لا اذكر زوجي ابدا اااا لان

و كما تعلمون يوجد الحسد و القلوب المريضة ......
و انا انصحك اولا ترك الهاتف و التركيز ببيتك و زوجك ... لان كثر الكلام يادي الى خراب البيوت....
و ختى عندما تكلمك و تتحدث قولي لها انا لم اعد اريد الحديث عن انسان ليس موجود لانها تعتبر نميمة

و ان لم تتعظ فعندما تكلمك قولي لها عندي شغل بيت و تنظيف .....
و ارجو ان يكون اعجبك كلامي و نصيحتي و السلام

بصي انا من راى تبعدى عنها خالص وهو ده الحل
اليه هيريحك اقطعى معاها بلتدريج ياساتر شكلها
عينها وحشه وبصه لجوزك هتحسدهولك

السلام عليكم

اختي شوفي اقولك شيء والله لو كانت صديقتي 50 سنة ما اثق فيها ابدا

شكلها ماعندها اي اخلاق للاسف حبيبتي وانتي قلتي ان اخلاقها عالية جدا الخ

انا اقول ليك الاخلاق هو الاحترام يعني تحترم الصداقة للي بينكم وما تدخل كتير بحياتك ولا انتي تعطيها اي فرصة تدخل وانا رايي وبصراحة تقللي اتصالك بيها

ويارب يبعد عنك ولاد الحرام

لا تتكلمين عن زوجك .. عندها ولا عند اي احد ..

نصيحه لك شوفي وحدة بحرينية توها كاتبة موضوع ان صديقتها تكلم زوجها وصارت بينهم علاقة

انا مابي اخوفج انتي صاحبتج متزوجة وام عيال بس الشيطان شاطر <== حطيها بعقلك

بقول لك شئ في وااايد اشياء من اللي تنقال كذا على الطاير تصير واقع احذري والله يسخر لك زوجك ويبعد عنكم عين كل حاسد يارب ...

تصدقون ... اي و الله ,, الدنيا مافيها أماااااااان ,,,


ونصايحكم كلها على عيني وراسي ’’


انا بقطع عنها السوالف مع زوجي ,,,, أصلا اول ماتسولف وياي ’’ تقول لي هاااا شخبارج مع زوجج .... !!

ممم مادري الصراحه إنصدمت فيها ...

وانا يوم قريت قصة المسكينه البحرينيه ... كتبت لكم إلي صار وياي .. عشان أشووف التفسير ’’’


تسلموووووووون ياخواتي عالكلام الحلوو .. وعلى وقفتكم وياي ...


وكنت واثقه إنكم ماراح تخيبوون ظني ...




نورتواااااا الموضوووع ...

رايي من رأي الاخوات والاخت نور العرب كفت و وفت ,,

لازم تواجهيها بالصدق وتكلميها بصراحة وتقولي لها انك لا تريديها ان تتكلم وتسال عن زوجك , والناس لها خصوصياتها والبيوت اسرار ,,

صدق ربما انك اخذتي راحتك في الكلام عن زوجك معها لانك مطمئنة لها , لكن لازم توقفيها عند حدها , حتى لو انها تمزح او تريدك تنفسي عن خاطرك , قولي لها خلاص لا تعاود لنفس الشئ, لان الامر زاد عن حده ,

قوليها لها بلطف , لا اريد منك التكلم عن زوجي او السؤال عنه , ولا احب احد التدخل في اموري الخاصة ,

ان نفع كان بها والا فعليها ان تلزم حدها وانهي معها هذه الصداقة ولا تعطيها وجه حتى تلزم حدها ,

الله يوفقك اختي

غلطانه تكلمين عن ريلج جدامها

ومن كلامج شكلها تحب تعرف عن ريلج واسلوبه وياج

وغلطانه انج تدخلين زوجج القاعه ف العرس

مايجوز اصلا دخول المعرس ف قاعة بها نساء شو هالعادة الغريبه

اللي تخلي الحريم هدفهم الأول المعرس قبل العروس

الله المستعان

حااولي تقطعينها مالج مصلحه وياها غير النكد والغيره والوساوس

اذا انتي حريصه على انه صداقتكم اتم ابعديها كل البعد عن خصوصياتج مع زوجج ولا اديرون حوار يكون هوه فيه محور ولا تسمحيلها تفتح موضوع وادخل زوجج فيه تعذري انج بتسكرين او عندج اي شغله اللين تحس بروحها ..

والله شكلها البنت على نياتها و اللي بقلبها على لسانها
بس بعد الحذر واجب
في ناس لما خذو على بعض يقطون الميانه و إلا اهيه متزوجة وعندها عيال بس ساعات الطيبة الزايدة تقط الواحد في داهية
صفي النية يا اختي ولا تفقدين الناس من حولج عشان وساوس شيطانية
والله يوفقج دوم يا رب وحاسبي لا يدري ريلج عن هلموضوع لأن بتلفتين إنتباهه وفي رياييل يصيرون مغارير زياده هم مغرورين بالفطرة بعد