ابغي حل لمشكلتي ( حياتي على حافة الانهيار)

اسمحولي اذا بطول عليكم .. طولوا بالكم معاي لني في مشكله حقيقية وحياتي تنهار يوم بعد يوم ، ومحتايه حد يساعدني ...(( من فرج كربة فرج الله عليه كربة من كرب يوم القيامة )):(:confused:(w):16:

ابدا قصتي باسم الله والصلاة على رسول الله. انا متزوجة من ثمان سنين تقريبا تزوجة بعد قصة حب تقريبا بسى اللي انا متاكده منه اني حبيته اكثر من نفسي وإلى الان .كان انسان بسيط وعلى قد حاله عجبني فيه طيبة قلبه وإلتزامه وكان فيه تقريبا مواصفات إللي اتمناه كنا نشتغل في نفس المكان وانعجب فيني بس إللي مضايقني واكتشفته انه كان يكذب علي بس على الخفيف كيف عرفت؟قبل الارتباط رسميا ترى ما استمرت علاقتنا وايد كلها شهور 5_6 شهور بس وارتبطنا بسرعة بدعواتي لاني ما كنت ابغي علاقة تستمر بالحرام .في فترة الملجة اكتشفت انه يكلم البنت إللي كان بيخطبها بس ما استوى نصيب,كان هذا في اول او بعداسبوع من الملجة وانصدمت كنت ابى انهي وانفصل بس حبي له ونصايح من اهلي واهله خلاني اعطيه فرصه, وبدانا حياتنا ببساطة بس ما اكذب عليكم كنت اشك فيه بين فترة وفترة بس كنت ارد واقول هاذي وساوس واوهام لا غير, وبعد سنة او اكثر اكتشفت انه في على علاقة بس ادرى مدتها مع وحد من قريباته وهي متزوجة, وصله مسج منها, وواجته نكر وقال انها هي إللي اتحاولهوبس مرة او مرتين , حتى هي اتفشلت وكلمت اخته وبررت موقها .وبعد طوفتها وسامحته وساعدتهه ماديا حتى بعد ما استقلت البزتين إللي كانو عندي كنت اسلفه وساعات اعطيه لمشروع يحب يدخله ترى مخه تجاري ويحب المشاريع ,وبنيت وياه حياتنا وجبت منه ياهل واثنين .....وثلاث.....,وانتقلنا لبيت ثاني وبعد ساعدته ماديا بس رده لي بعدين ,وبدأيطمع في في الدخول لمشاريع اكبر ,حلو الانسان يطمع للثرى ومنو ما يحب الفلوس ,بس مب بهاي الطريقة إللي سواها زوجي. والله إللي سواه وايد جلب الدنيا فوق راسي وخرب كله إللي بنيته وياه,حطم كل احلامي حولها لكوابيس.دخل مشروع مع واحد لا يخاف الله ولا شيء بس استغل حب زوجي للفلوس وقاله هات بيزات بربحكم ملايين وبخلييك من اصحاب الملايين والمسكين قام يلملم الفلوس من الناس ما خل حد ودخلاه المشروع الوهم ملايين والله جدام عيوني قام ييب فلوس بلهبل حتى اهله ما صدقوا ,يوم شافو الارباح تهل عليهم كل شهر وربعه, اتخبلوا , وقالةله خذ, والله ياما نصحته ليل نهار والله قام يقول لي انتي ما تبين لي الخير انتي بنت فقر واهلي الوحيدين إللي ما طمعوا لانهم ما ينشرون بالفلوس ,حتى اهله استغربوا,ولين ها اليوم هو واهله يلومون نفسهم ويمدحون اهلى, والحبيب كان يخطط من وراي ولنفسه ,صح ما قصر علينا بس الفلوس مب كل شيء وكنت اساله يوميا من وين ويقولي ارباح , شو ها الارباح اسال نفسي واهلي يسالونه ويسمعون نفس الكلام , وتمرده يزيد يوم بعد يوم وكشخته ازدادت وخصوصا يوم يداوم,قمت اشك واساله يضحك ويقول ما تبيني اكشخ ولبس ماركات الحبيب. الحبيب ينحرف وقام يترك مسؤولية العيال علي ويوميا, نقاشات حادة لهذا الموضوع Lانا بستقيل وبنشغل وما اقدر على طلباتكم ,والعيال )وانا اعتبره كل شيئ في حياتي ,وهو رجلنا وهو كل ما نملك ,وخصوصا اني ساكنه بعيد عن اهلي واحتاج مساعدة ,واهله برغم من سكنهم قريب منا ما يرفعون سامعة الهاتف يسالون مب عني على الاقل عن عياله,واكبر عيالي اياميها خمس سنين وانا حامل ,اتصورا معاي وعيشوا إللي عشته ,هذا الكلام من سنه تقريبا ,لا اكثر قريب سنتين , واستقال ابونا (زوجي)وما قعد لاولا اشتغل قام يطلع ويرد مع ربعه إللي هجرهم من يوم تزوجني,لا مو بس ربعه وبس ووحدة بعد. وحدة من اياهم إللي يخطفون الرجاجيل ,لا ذمة ولا ظمير وانا حامل , وقامت تصرفاته تتغير ويبتعد الزوج حبة حبة حتى بعداني عن البيت لحجة.........صيانة,والله لا ليلي ليل ولا نهاري نهار واصيح ليل نهار واخبر امى واختي واشكو لربي , ما كان يقدر ظروفي الصحية, انها(انا) حامل لا,بالعكس كان يسب ويلعن يوم كنت اساله ليش تاخرت ؟ليش هاذي مب عادتك؟يقول لي اقوللك انا تغيرت لا تقولين قبل وقبل,لعنات وسب ويتحسب علي,وانا بعيدة عنه في بيت اهلي,بحجة..........صيانة ,وانتهت المدة وردييت البيت واشوفه يكلم........ وينكر ,وادخل اهله في الموضوع لانه قام يتمادى ,بس ما في فايدة ,قالوا لي مقصر عليكم ؟يوم بيقصر قولي لنا, لين اليوم إللي انفجرت القنبلة وكنت اتمنى والله اسمع خبر وفاته ولا اسمع ها الخبر (وخبرته على فكرة بهذا الشيء),طلع الحبيب مالج على وحدة وبيعرس بس الظروف المادية داون, ويمكن بدون عرس ياخذها قال لي. والله زين الله حماني واللي فى بطني والا كنت اجهظت ,وتركت له البيت لبيت اهلي إللي منهم صاح وإللي منهم قام يدعي عليه , تدرون اشترى سيارة وما كان يركبنى وعيالى ,ومخلنه لست الحسن والجمال,بس يركبها هي, ويريت فيها جمال ترى إللي ماخذنها خسفة وانا شخصيا اعرفها , وهي تعرفنى اني بنت ناس واحلى منها بوايد , وهو يعترف لى بهذا الشيء ويكررها ,بس ليش ماخذنها ما ادري ؟!, وتدري حسبي الله عليها انه تزوجني وهو معجب فيني وبغاني وكنت جدام عيونها اياميها ,تراها وحدة استغفر الله .......ما ابغي اعطيها حسناتي,واهله كل إللي سووه , انهم قالو لي الله محلل اربع ,وهو عنده فلوس ماعليه,وانا على ها الحال من شهور سايرة يايه على بيت اهلي ,وفي كل مرة يردني هو بكذبة اكبر من إللي قبله للبيت , بس ما اقدر اتحمل تصرفاته وياها كان يتعمد يتكلم جدامى وياها فى البيت ,حتى وهو ياي من عندها ,بحجة انه يبيني اتعود على انه عنده حرمة ثانية من الحين, وانا ما يرد على مكالماتي ابد,وهو معاها ,ولا على عياله , مب هذا ظلم ,؟ هذا اللي خلانى اشك فيه انه في شيء ,يوم قام ما يرد على مكالماتنا ويكذب ويقول مع الربع ,هذا قبل ما اعرف بزواجه, وفي إللي قالوا لي انه يداري عليك علشان ما يخسرك ,عشان كذا يكذب ,حتى هو قاللي نفس الشيء, والحين استاءت الامور , خسر فى المشروع واستقال ,وعليه ديون ملايين وعليه قضية شيكات بدون رصيد لا ومتزوج, لانه اول ما حصل على الفلوس تزوج وفرنى وعيالى,وفكر يسوي له عائله ثانيه, وانا عندى اكثر من ثلاثة عيال منه , وفي كل مرة ابى اوقف وياه في محنته ,عشان ما اطلع قليلة اصل وياه وفي نظر اهله ,مب لشيئ بس لانه حبيبي وابو عيالي ,وارحم ظروفه هو بس ما يبي يرحمنى, ويبى يسرح ويمرح وياها (المعرس),ونحن لازم علينا نعيش مشكلته إللي طيحنا فيه,وشايل يده من المسؤولية ,ليش؟شو جابرني ,يستانس على حسابنا, الحبيب عنده مشكلة ارحميه :اهله يقولون لي, اتحملي قدريه, عليه قضية وممكن ينسجن في اي لحظة. المصرف يتصدقون علينا اهله لعياله والمسؤوليه علي بروحى طلبات العيال لوازمهم,كل شيء ,بس مجرد ما تدق عليه يركظ يروح لها , ياخي طلقها ما يبغى , انت بس مالج عليها:يقولون له , تبي مؤخر:يقول ........الخ,من هذي حججه ,وانا الحين بيت اهلي بعد 6_7 مرات سيرة وردة من الى بيتي لبيت اهلى , تدرون افكر في الانفصال من يوم ما عرفت انه متزوج علي, بغض النظر فى ظروفه المادية, والله اتحمل اي صعب وياه بس يطلقها ,عيالي كاسرين خاطرى يبون ابوهم يسالوني عنه,اول طفلين كبار يفهمون,كانوا يشوفون عصبية ابوهم علي , وضربه لي,نعم قام يضربنى في الفترة الاخيرة بسببها , بعد 8 سنين زواج يمد يده علي عشان وحدة من الشارع , ما قام يحترمني لا احترام عشرة ولا حتى احترام لاهلي ,ياما حاولوا اهلي يتفاهمون وياه بالهداوة من يوم ما عرفوا بزواجه, بس هو ما يبغي ,كان قليل الادب وياهم , بدا بالتهديد والسب حتى يوم بغى يردني البيت اول ما طلعت من عنده. والحين انصحوني _ما ابي انفصل على الاقل عشان خاطر العيال, ومن يوم ما ييت هاي المرة ما حاول يصالحني يدرى طلبى طلاقها ,يقول انتظروا, يكذب علينا, يقول في مشاكل مالية مرة,ومرة ابغيها تتنازل عن المؤخر,...........الخ مع العلم انها وحدة بتصرفاتها تدل انها تبيغي تخرب بيته ,واضح هذي مب تصرفات وحدة تبغي تكون زوجة ثانية ولا راضية تكون حتى,وهو بصرفاته ما ادري يداري علي ولا يبغي يقهرني وبس ,يرد عليها في اي وقت ومتى يكون لا ويذبح روحه ويكلمها, ويفضلها على عياله ويبديئ طلباتها على طلباتهم ,وكم من مرة قالها لي وفي وجهي في الفترة الاخيرة, يوم اساله انا مستانس وياها والله متحملنك للعيال بس ,ويوم يهدأ اذكره يقوللي كنت معصب ويقوللي انتي اتشكين فيني ,لي الحق المواقف إللي مرييت فيها اتخليني اعيش وياه على شك. اتمنى القى حل لمشكلتي شو اسوى والطريقة إللي اترد لي حياتي دخيلكم, مع العلم انى مب راضيه يكون عنده زوجة ثانية وهو يماطل , انزين انت في مشكلة مادية (ديون+بلا وظيفة+عليك مسؤولية عائلة +وعيال+ام لعيالك ظالمنها +قضية+محاكم+زوجة ثانية بعدك على البر ,مالج عليها ما بينكم عليال ) مصايب مثل الجبل . يقول لي من بداية اعترافه لي للزواج انى انا السبب في زواجه! يمكن كنت مهمله في بعض الاشياء ومقصرة , وبالمقابل هو بعد, والله حاولت اعدل من عمرى ,بس ما عطانى فرصة تدرون بدأ يطلب طلباته يوم خلاص اتعرف عليها وسوى شغله ,وقاللي اللهم اني بلغت , وانت شاهد طلبت وهي رفضت ,بين يوم ليلة ألبي طلبات ,ويحملني اشياء فوق طاقتي, منو مايبغى يعيش الرومانسية ,الرومانسية إللي معيش زوجته الثانيه, والله كنت احلم فيها ,واطلبه منها مباشرة , بس لا حياة لمن تنادي , واتحملت, ويوم بغاها(الرومانسية) حب وعطى حقوقي لغيرى ,الله يرضى .دلوني شو اسوي؟ ابغيه, بس بشرط: يطلقها, بس ما ادرى هو متسمك ويبغيني ؟,اسال نفسي مليون الف مرة ها السؤال, اتجه للمحاكم واشرط انا ولا هي؟, ولا اصبر على مصيبته وديونه ,ومصرف العيال ؟آآآآآآآآآآآآآآه , ولا اتحمل زواجه وحركاته ,ومعالمته لي كفة ومعاملته لها في كفه . ..............

(((((( دخيلكم دلوني وعطوني حل لمشكلتي)))))))))))))))))))).