عبرات الفرح

العب بقلبي على كيفك وعذبني

تعذيبك أهون على قلبي من الفرقا

حيث أن فرقاك يالمجمول تتعبني

وتكثر همومي وأجاوب نايح الورق

وان قلت أنا افرح بشوفك لا تكذبني

هذي عيوني بعبرات الفرح غرقا

غلاك بيته بصندوق الحشا مبني

ومحبتك كل يوم بمهجتي ترقا

في جاذبية جمالك صرت تجذبني

جذب السواني لغرب الجمه الزرقاء

ياليتني خط برقيه ويكتبني

المرسل اللي على عنوانكم برقا

أخير الأيام يوم لك يقربني

واشر الأيام يوم العد والفرقا


،،،،،،،،،،،،،،،،،،،،،،،،،،،،،،،،،،،،،،،،،،،،،،،،

أتمنى أستحسان رضاكم للأبيات

وشكرا