زوجي والنت والبنات والسفر ...؟؟

السلام عليكم ورحمة الله وبركاتة ..
شلونكم خواتي شخباركم اليوم عندي لكم مشكلة وايد كبيرة ومتعقدة ومااظن لها حل ..

اهي المشكلة تخص خالتي المتزوجة عمرها 30 سنة وعندها 5 اطفال جميلة زوجها من بداية

حياتها ينفر منها يعني اسلوبه معاها كلمة ويرد غطاها حياته كله جادة وماعندة عواطف ولا

مشاعر واهي صبرت اول حياتها بعد خمس الاطفال تغير حيييييييل وصار شخص ثاني كله

يسافر ودووم يسهر برا ولايقعد بالبيت ثانية بس البيت حق النوم والاكل وفي الثلاث السنين

الاخيرة اكتشفت ان له علاقات مع بنات في الديرة وخارج الديرة ويوم تي على الاب توب

بتشوف شنو يسوي على طول يطفي الاب توب ويقول خير شتبين والموبايل نفس الشئ لما

يرن على طول يقلبه وحاط حق الاب توب والموبايل باسورد والاسلوب جااااااااف لاقصى حد

لما تقوله ليش كله طالع طلعنا ونسنا يقول ليش ماخذيني طلبة عندج السايق ولما تدق عليه

انت وين على طول يسده واهي واااااااايد تعبت منه ناوية على الطلاق. بس للامانة اهو مايقصر

معاها من ناحية المادة ولا على عياله يالله ياخواتي ابي كل

وحدة تقرا الموضوع تقول النصيحة والرد المناسب ... ناطرتكم حبايبي

تحياتي لكم اختكم reemkuwait