باقي ايام واطلع من الاربعين وماعندي ثقة بنفسي

الحمد لله على سلامتج أولاً
وثانياً : خذي وقتج عشان يلتئم الجرح وراجعي الطبيبة لأن يمكن الألم سببه عقدة خياطة بمجرد قصها يختفي الألم نهائياً

وثالثا: ليش تعتقدين بإن المنطقة مشوهة ومتوسعة؟ في المستشفى اذا كانوا ذوي خبرة وأكيد بأنهم كذلك ، فالخياطة على قد الشق فقط لا توسع ولا نقصان.

وخلي ثقتج بنفسج كبيرة ومو شرط زوجج يشوف............. وما بيحس باختلاف بسبب التوسع لأن المفروض تفهمينه بأن هذا يصير مع كل اللي يولدن مب بس وياج انتي ، وهذا مؤقت وبيزول لما ترجع عضلات المهبل قوية من التمارين (كيجل)

اتمنى ان علاقتكم تتحسن مع مجيء الطفل ،، يعني لجل عين تكرم مدينة مثل مايقول المثل

حسسيه بحبج واهتمامج اللي كان واضح في كلامج عن الزعل بينج وبينه

وغيري نفسج داخلياً مب بس خارجياً.. خليج حنونة ، صبورة ، والصبر بيعلمج اياه ولدج او بنتج

والله يتمم عليك بخير ويسعدكم

حبيبتي عادي لا تخافي اصلا المنطقه حساسه ويش تتوقعي منها يعني يبغى ليها وقت ترجع مثل قبل يعني تقريبا 6 اسابيع غير كذا اذا كنتي تحسين بشي مكان الخياط مافيها شي روحي الى دكتوره تفحصش وتتاكدين وانتي لا تحاتي ان شاء الله ترجعين الى زوجش عروسه وينسى الخلاف الا كان بينكم غير كذا لا تنسي تتنقعين في ماء وملح يريح لش مكان الالم ..

تقبلي مروري ..

حبيبتي ...اذا نزل الخياط وانتي متاكدة انه نزل حاولي تعملين دش مهبلي ((ماء معقم ويكون فاتر موساخن وتكوني دوبتي فيه شوية مرة مع ملح)) وتقعدين فيه لانه يعقم ويضيق وايد حلو انا جربته والحمد لله ودايمن خلي المنطقة ناشفة مافيها رطوبة علشان الجرح والله يوفقج...((بس اتاكدي ان الخيط نزل ماتسوين الدش المهبلي والخيط موجود مب زين))

وعدم الثقة ها ي حاله نفسية تكون بعد الولادة ...انا بعد طفلي الاول كانت حالتي النفسة وااااايد صعبة وعصبية لان عمري كان صغير بس بعدفترة راحت وتقبلت الوضع الجديد...لا تحاتي هدا شى طبيعي بيروح مع الوقت

حبيبتي واضبي على تمارين كيجل مافي احسن منها تقوي عضلات المهبل وتضوق المنطقه

وان شاء الله زوجك ماراح يحس بفرق وانتي بعد حاولي ماتحسسينه ان المنطقه تغيرت

قولي له ان كل شي تمام والحمدلله رجع مثل قبل واحسن

وحتى الخياطه بيني له ان شي بسيط لا يذكر ( اذا سئل)

وخليج واثقه من نفسك ..

ترى كل الحريم يولدون ويربون

واذا هو يتمنى الاطفال لازم يتحمل

ولا شلون الوحده بتربي

وانتي لاتفكرين كثير ترى كل شي يرجع مثل قبل بس يبغى له وقت

والحمدلله على سلامتك ..

متى الوحده تبدا بتمارين كيجل؟؟؟ وهل يصلح تسويها وهي حامل؟؟

اختي اعذريني بس شلي بيخليه يطل تحت و يشوف ما تحسين انج اتبالغين !!

المشكلة ماادري عن نوع الخياط هل هو يذوب في الجلد ولا خيوط عادية تطيح لاني ماشفت شئ يطيح ولما شفت المنطقة ماشفت خيوط على الجلد

حبيبتي
اتشطفي بمره منقوعه في ماي وماعليك اللى العافيه يارب