بعد ماخلصنا ملجه اختي و اللي جهزنا لها بزمن قياسي خلال اسبوعين يمكن صممت لها سفره عجم حق ملجتها و توزيعاتها بعد انا اللي صممتهم و نفذتهم لها و ان شاء الله كل شي بوريكم اياه بالصور
هذي صوره عامه للسفره عباره عن طابقين بشكل معين و مفرغ من النص فيه مثل حامل لحمل صينيتين توزيعات بالاضافه الى التعليق على الاغصان مالته الصوره شوي مو واضحه لان حزتها كان البخور شغال و طلع في التصوير :)
صوره للسفره من زاويه ثانيه
و هذي
صوره للحامل اللي بالنص و هو معلق عليه نوعين من التوزيعات وحده فيها ريش و وحده تعليقه ملح
و هذي صوره لوحده من التوزيعات اللي على الحامل عباره عن العين الزرقا على قاعده من الاغصان الخشبيه كنت انا مسويتها
صوره للمسرح بعد انا صممته لها عباره عن حديد مطاوع و مزين مثل ماتشوفون بالورد الصناعي و التور
هذا الجانب الايمن من المسرح عباره عن حامل معدني لحمل نوعين من التوزيعات
و هذي صوره للجانب الاخر من المسرح عباره عن مدرج خشبي ابوي سواه حطينا عليه باقي الشوكليت اللي زاد عندنا حق الاطفال المتطفلين اللي يبون ياخذون من السفره كنت اعطيهم من هذي عشان يكنون شوي :)
و هذي صوره لنوع من التوزيعات اللي هي عباره عن بقشه ملح و شب انا سويتها لها
و هذي توزيعات الحلوى البحرينيه :)
و هذي توزيعات عباره عن شموع صغيره
و هذي توزيعات العطور سويت لها عطر ايفوريا بس البطاقات خطيبها سواهم لها قبل الملجه بليله بسرعه بسرعه صايرين كبار
و هذي توزيعات عباره عن كاس صغير داخله قطع حلاوه
هذي صينيه من الصواني اللي على الحامل اللي بالنص طبعا بعد ماخلصت التوزيعات مالحقت اصور الا ذلين :)
اتمنى السفره تكون عجبتكم اتمنى تدعون لي و تقيموني و اي وحده تبي تنقل الموضوع تنقله مع ذكر المصدر و صاحبه الموضوع .. اللي هي انا :)