تسريحة لجعل الجبين اجمل واصغر

expresso 03-04-2009 18 رد 21,269 مشاهدة
e
السلام عليكم
مرحبا خواتي
انا عندي موضوع جدا حساس اتمنى اتساعدوني فيه الله يجزاكم كل خير
انا جبيني وااااايد عريض ، يعني منابت شعري راجعه لورى بطريقه غريبه، كاني بقرع وهالشي بدون مرض انا خلقتي كذيه مثل امي بس على اكثر ( من الامام ومن الجوانب ايضا) يعني بين حواجبي وبداية شعري 6 بنان!!!!! (يعني 6 اصابع بالعرض- تقريبا 5 انشات)
والله ان خطيبي من الحين يعيب على جبيني معأن ملامحي لا بأس بها(بدون ما امدح بس والله لما انزل غرتي ملامحي اتكون وايد ناعمه وكل البنات يمدحوني)
بس المشكله لما يطير شعر غرتي واي حد يشوف جبيني ينبهر ويستغرب
لدرجة ان في وحده سألتني انتي لج عرق افريقي؟!؟!؟؟!
معاني من بوظبي ولا لي اي عرق من غيرها (نحن من بدو بني ياس)
بس ما اعرف ليش هالشي الغريب الي فيني
ومشوهني ومخليني ما اقدر استمتع بحياتي
والله يا بنات حديقه ما اقدر اروح بسبب الهواء يطير غرتي
بحر ما اقدر اروح بسبب الماي يبلل غرتي
نادي ما اقدر اروح بسبب العرق يفرق غرتي
حتى تسريحات ما اقدر اسوي لان البنات يطالعون لي!!!!
والله حتى الكوافيرات يستغربن عليه ويسألوني عن هالشي
والله ما خليت دكتور جلديه مارحتله وكلهم نفس الكلام:
طبيعي ووراثي
يا ليت اي وحده عندها فكره اتساعدني فيها او اي شي اتقولي ياه فعلا متعقده من حياتي
وجزاكم الله الف خير حتى لو مشغولات وما قدرتن اتردن مسموحات حبيباتي اصلا مشكلتي مالها غير الصبر والحمدلله
e
عفوا للألحاح يا بنات بس بليز اي وحده عندها فكره تقولها حتى لو تسريحه او اي طريقه تساعدني فيها
ومشكورات
C
طيب انا اقول ليش ماتلبسين كابات اذا جيتي تطلعين في مكان فيه هوا عشان ماتطير غرتك ولو طارت راح تكون بحدود الكاب فيه كابات ( قبعات ) مره حلوه وكيوت ونعومه وتناسب اي موسم

راح احاول اجيب لك الصور
e
مشكوره اختي خبيرة لغة انجليزيه
وفعلا حلج حلو وراح يساعدني خصوصا في الانديه والاماكن السبور وبانتظار الصور الي متاكده راح يكونو ذوق نفس اسلوبج الرائع
لكن المشكله في الاعراس والمناسبات مقل لمات الاهل ما راح اقدر البس كابات
خصوصا ان الشعر مع العرق مرات يتفرق
وتعرفين اختي انا الحين افكر بالزواج والله مب عارفه كيف راح اسوي مع ريلي
لان انا الحين بس اذا شاف شي بسيط من جبيني يعييب ويتمصخر كيف اذا شافه كامل اكيد راح يشوفني خسفه وقبيحه!!
والله انا تعبانه نفسيا ابى اكون طبيعيه وبس
والحمدلله على اي حال ومشكوووووووووووووووره اختي على اهتمامج والله ما قصرتي الغاليه
وحتى الي ما ردو بعد مسموحات ادري ان كل واحد اللي فيه كافيه
ومشكورات
n
حبيبتي نفسي ليه مازمه نفسك كده انتي بس الي حساسه شويه واي كلام بياثر فيكي انتي فعلا لو نزلتي الغره حيكون شكلك جميل حاولي تعمليها بطريقه انك ممكن تثبتيها بدبوس او توكه اكيد انتي فاهمه قصدي بس انا ماعتقدش انه عيب فظيع فيكي يعني انتي بس الي مركزه اوي مع الموضوع ده انا متاكده انك زي القمر ومدام المشكله لها علاج خلاص وانتي طبيعي في بيتك حتكوني مهتمه بنفسك وفي اجمل صوره باذن الله كان نفسي اساعك اكتر من كده بس البنات هنا حيساعدوكي باذن الله
ع
طيب ليش ماتفكري تسوي زراعه شعر من الامام ياخذون من نفس شعرك ويزرعونه تراهاااا عمليه مره سهله وتتسوى بيوم واحد ومن غير ماتتنومين

انا شفتهاااا مره على قناة هي روحي لدكتور تجميل واستشيريه

مع ان رولا سعد جبينها كبير بس وش زينها :)
e
اختي نونا جزاج الله كل خييييير يا عمري وكلامج وايد ريحني بس صدقيني الموضوع مش موضوع حساسيه صدقيني الموضوع جدا مشوهني وبس يبعد الشعر عن جبيني يكون شكل غريييب كأني ريال اقرع
والله حبيبتي حتى الاطفال الي عمرهم 6 سنسن اذا شافوني يسألوني ببرأه: انتي ليش قرعى؟؟؟
وحركة الغره تساعد بس مش دائما خصوصا مع الحركه والعرق لان رجوع الشعر عندي من الامام ومن الجوانب بشكل قووووي
بس مشكوووووووووره يا عمري
غاليتي ام وليد
تسلمين يا عمري وفعلا انا افكر بالتجميل بشكل جدي خصوصا اني سألت الافتاء وقالو لي اذا كان عيب خلقي مشووه فيجوز باذن الله بس المشكله انا ما اعرف وين اسير بالامارات ولا كم التكلفه وغير اني سمعت ان مفعولها جدا بسيط يعني يكون الشعر متباعد جدا بس ما اعرف بحاول اسأل اكثر
ورولا سعد فعلا جبينها كبير بس مقارنة فيني فهو تقريبا نص جبيني!!! بس عشان اتعرفين يا عمري ان وضعي ولله الحمد صعب بس الحمدلله غيرنا ما عندهم شعر بالمره
مشكووووره الغاليه وما تقصرين
واتمنى اي حد عنده حل يساعدني
وجزاكم الله كل خير
ع
بصراحه ما في مشكلة وما لها حل بس انتي روئي وريحي نفسك شوي شوفي يا ستي العزيزة مره عن بنحضر مسلسل سوري على قناة تلفزيون في ممثلة سورية والله مادري اسمها كان جبينها عريض وبصراحه اللي لفت نظري أخوي بحكيلي شوفي الممثلة هادي شو عامله بشعرها حكيتله ايش في بحكي عامله غره على شعرها تركيب أو زراعه ما بعرف وفعلا بعدين تذكرت كيف كانت وبعدين شلون بس بصراحه طالعه كتير حلوة وفيه بسوريا والأردن ولبنان بعملو متل هالشغلات وبتثبتيها بدبوس شعر على الجوانب حبيبتي ما في شي وما له حل
m
أختي ممكن تعملي زراعة للشعر عشان تتخلصي من المشكلة نهائيا واكيد بالامارات في عيادات كثير وكويسة انتي حاولي تسألي وان شاء الله يفيدوك بنات الامارات اكثر
e
هلا وغلا
حبيت اساعدج بموظوع الجبهه
انا عن نفسي جيهتي عوودة بس مو وايد وايد يعني عادي ...لي طرقي الخاصه عشان اغطيها يعني مثلا القذله انزلها واقصها مدرج بطريقه حلوة ومرتبه ..2شي اسوي بف خفيف للقذله بس وما تبين لا جبهه ولا شي

بالنسبه لج اختي عندج وايد حلول ان شالله اتفيدج

اول شي ممكن اتنزلين قذتلج ويفظل لو يكون لون شعرج حلوو وملفت للنظر يعني لونيه حسب لون بشرتج بس انا عن نفسي افظل الاسود اللماعي اللي اييه على مزرق رووووووووعه المهم قصيها قذتلج اشوي وخليها قصيرة شوي يعني الين عيونج او اطول شوي وبعدين استخدمي المكواة للشعر اتخليها حرير وناعمه ..

2 شي ممكن اتسوين زراعه للشعر بس ترا بيكلفج وايد بس اهي طريقه مفيده وبتريحج

3شي ركزي على اشياء 2 في ويهج يعني المكياج مثلا لا تثقلينه بس حطي شي يلفت النظر بس طبعا جدام اهلج وريلج يعني حطي مسكرا وكثفيها رموشج وعقب حطي روج احمر او فوشي او اي لون بارز شوي حسب لون بشرتج

لا تتعبين وايد بخصوص جبهتج وريلج ترا مرده بتعود ولا اتفكرين وايد يعني باشياء سطحيه اهو بيطنز اليوم وباجر بس مو للابد ما بيحبج ولا بيكرهج عشان جبهه وشي 2
e
اختي عايشه صلاح
مشكوووووووووره وايد ع كلامج وردج العسل ما تقصرين الغاليه
بس حبيبتي انا ابى حل جذري لأني تعبت من التثبيت والترتيب ابى اعيش حياة طبيعيه عرفتي كيف
لكن فعلا انا افكر بسوريا لاني سمعت ان زراعة الشعر عندهم ارخص وافضل عن الخليج ، ولا انتي شرايج
وتسلميييين لي
اختي موون فايس
تسلمييين لي فديت روحج وصح عندنا بالامارات بس اخاف ما اتكون النتايج 100% يعني التجميل عندنا مب مررره مرره لا بصراحه وسط وما تقصرييين الغاليه

اختي اماراتيا
يزااااااااج الله كل خير والله يجعله في ميزان حسناتج والله حلووولج وايد روووعه ومتعوب عليها
فديييت روحج
وهي فعلا هالحلول الي انا ماشيه عليها تقريبا بس اللهم اني بعد ابى اعيش حياتي بشكل طبيعي يعني ابى اروح النادي والمسبح واتحرك ع راحتي بدون ما الكل يسألني انتي شو فيج
والله احرااااج احس كاني قبيحه او مشوهه
وفعلا حبيبتي كلامج حكم الزوج ما راح يحب زجته او يكرها من جبينها او شكلها او او
ولكن انا بنت ونفسي اكون حلوه وريلي معجب فيني ، يعني نفسي اشوف نظرات اعجاب منه مب تعجب!! خصوصا ان شعره كثيف وجبينه وايد زغير!!! شفتو الحظ!!
اما بالنسبه للزراعه فاذا لقيت مكان يسوي بشكل طبيعي ويغطي المنطقه بصراحه ما راح استخسر الفلوس والله لو ابيع ثيابي بس المهم اكون انسانه طبيعيه
فاذا انتي او اي حد يعرف مكان زين امانه يخبرني، وكم تعتقدو التكلفه التقريبيه؟
ومشكووووره فديييت روحج الله لا يحرمني منج
ماتقصرو يا بنات
M
شوفي القصات دي بتدارى الجبين حلو اوى



أ
الله يوفقك عزيزتي وتلاقي الحل النهائي.. أنا حاسة بمشكلتك لأنو أنا كمان جبيني عرييييييييييض 5أصابع من الحواجب لمنابت شعر الرأس.. و أنا صغيرة دايم مشكل لي عقدة، اشي غرة واشي كبات وتغيير دايم لحد ال 25 لما ارتديت الحجاب، لكن بالبيت اتعودت على الأمر وكمان زوجي . المهم، حاولي تقتنعي بحالك وغطي بالإشيا الحلوة اللي فيك ..أنا ساعات بيناديني أم جبين وما بزعل وكمان بجاوبو عيوني يا زوج أم جبين، الثقة بالنفس هي أهم شي. نحنا كمان الموضوع عندنا وراثي وبنت عمتي مسوية زراعة في اسبانيا، بس تبين الصراحة النتيجة ما عجبتني..
e
حبيبتي مس توكي
مشكوووووووووووره ويزاج الله كل خير ع الصور الروعه مثل ذوقج
والله ياليت اقدر اسوي مثل هالتسريحات ،، لأنهن ينفعن للي جبينهم كبير شويتين مش مثلي
يعني انا لو سويتهن الفرق بيطلع لين وسط راسي وبيبين كل جبيني اتمنى تكوني فهمتيني يا عمري، بس والله ما قصرتي الله يجعله في ميزان حسناتج

الغاليه استاذه
مشكووووره يا عمري وماتقصري ونصايحج وتجربتج فعلا افادوني
بس بصراحه انا مب قادره اتعايش مع الوضع
يمكن تسمونه ضعف شخصيه بس أنا اسميه طمع وطموح بأني أكون طبيعيه!
طبيعيه وليس أكثر ما ابى حد يطالع لجبيني بس ابى شكلي يكون مثل الناس والعالم
وطبعا أنا محجبه بس في جمعات الحريم والاعراس ما البس الحجاب وعاد هنيه المشكله
بس بسألج بنت عمتج الي سوت بأسبانيا ليش ما عيبتج نتايجها؟
الله يخليج تشرحيين لي ، ارجوج حبيبتي
يعني مثلا هل الشعر متباعد؟
هل شكله مش طبيعي؟
كم المسافه الي غطوها لها
كم كلفها
شو الاعراض الجانبيه
يعني الي تعرفينه قوليه لي دخييييلج
اختي اتريى ردج
ومشكوووووووووووورين حبيباتي
p
انا مع اقتراح زراعه الشعر كمان عندى حل تانى ممكن ترفعى حواجبك على فوق تاتو مثلا او غيرو وبالنسبه لخطيبه قوليله انا كده وعرفيه من الاول عشان بعد كده متتعبيش ودى خلقه ربنا وبعدين على رايك احمدى ربنا والله انا اعرف ان فيه ناس مش بيطلعلهم ولا شعره واحده في جسمهم يعنى من غير حتى حواجب وررموش مشكلتك بسيطه والحمد لله الذى لا يحمد على مكروة سواه تعيشى مع الامر وسيبها على ربنا
ص
في طريقه المكياج تصغير الجبها
-اوتحطين القذله على جزء من الجبها تطلع جناااااااااان
ع
طول الوقت وانتي تقولي ابغى اكون طبيعيه
انتي طبيعيه وحلوه كمان لا تشيلي هم هالامور وبعدين بطلب منك طلب تجيبي متر وتقيسي بالسنتيمتر طول وجهك من منابت الشعر الى نهاية الذقن واقسمي الناتج ع 3
وبعدين قيسي من حدود منابت الشعر لحد بين الحواجب وقيسي كمان من بين الحواجب لحد بداية الشفه العليا واخيرا قيسي من حدود الشفه العليا الى نهاية الذقن واذا طلعت الاطوال متساويه يعني كل قسم ثلث وجهك فكذا مقاييسك سليمه ومعليش اذا زاد 2او 3 سم
يعني لا تعتمدي ع المرايه في الحكم
وبخصوص خطيبك لو كان جبينك بالنسبه له عيب مو مريحه كان انسحب من زمان لكن اتوقع انه مزحه ثقيل شويه
والاطفال لو تاخذي على كلامهم ماتطلعي من البيت
اولادي اسمع منهم كلام يحطم لكنهم اطفال يربطوا الشخصيات بالواقع مره قالي ولدي وانا رايحه مناسبه وبكامل زينتي ((ماما شكلك زي الاسد)) واحقق معاه ليش تقول ماعرف يرد مجرد كلمه او تشبيه
تفائلي الحياه فيها هموم اكبر من كذا وحاولي تستغلي شعرك لتغطية الجبين
e
مشكووووووووووورات خواتي وفعلا حلولكم وايد ساعدتني
ماتقصرن والله
واتمنى اذا اي وحده عندها اي فكره عن زراعة الشعر تعطيني التفاصيل
خصوصا اذا وحده اتعرف حد مسوي زراعة شعر
لاني ابى اعرف النتائج
علو وعسى
والله ييزاكم خل خير
ف
مشكووووووووووووره
X