انا و ابويا

السلام عليكم انا يا بنات جدا متنكده

لازم احكيكم القصه بالتفصيل شويه عشان ابغا حل ...

المشكله بيني انا و بابا اول شي بابا منفصل عن ماما و انا طوووووووووول عمري

عايشه عندها و ما عشت عند بابا الا سنه وحده و بعدها اتزوجت و في السنه دي اكلت المر

منو لانو حرمني من الجامعه و بس يضربني بالحديده مو بي عصا :confused:

و كان يعامل اخواتي اللي من زوجتو التانيه زي العسل و يجبلهم كل شي انا حرمني من ماما

ولا يشتريلي شي و لمن انخطبت بهدلني و بهدل زوجي بعد ما ملكنا يقول لزوجي ترا دي امها

تمشي في البطال ولا توديها لامها و اذا سوتلك اي شي جيبها انا اضربها

و بعد الملكه كمان حرقلي فستان الملكه و بهدلني و يوم زواجي ما جا زواجي و لا اتصل ولا سال

و بعد كده قعدت 9 شهور و هو ما اتصل و بعد كده اتصل على زوجي و قللو كيفك وكيف بنتنا ولا كانو سار شي

و انا طبعا عارفه ابويا مستحيل يتصل الا ازا عندو مصيبه

و وبعدها بشهر اتصلت زوجت ابويا اللي هو امس طبعا و قالتلي

ابوكي نقل عندكم لاني انا في مدينه تانيه عن اهلي و قالت انو حيجي يسكن عندك

و حيقعد سنتين وهو قال على الاقل ارجع البيت الاقي شي اكلو وانا بصراحه ما ابغا

يجي عندي لانو ما بيني و بينو شي حلو كلو ضرب و مضروب و حرمان من كل شي

فمني عارفه اش اسوي لمن كلمتني ما رديت عليها ولا شي وقفلت و دمي انحرق

يعني انا ما صدقت اشرد منو يجيني ابغا حل سريييييييييييييييييييع لانو يقول اسبوعين

او 3 و يجي