بنات ساعدوني علشان أتجوز

والله يا حبيبتى انا معرفش حاجة عن موضوع التقسيط ده بس كنت اسمع من الاعلانات فى التلفزيون ان عبد الرحيم عمرو عندهم تقسيط و فى فرع فى الهرم ممكن تسالى فيه هو ده بس اللى اعرفة عن موضوع التقسيط و ربنا معاكى و تلاقى حاجة مناسبة

بصى يا عروسه
اهدى كده الاول وكل حاجه وليها حل ان شاءالله

انا والله متاخره جدا ومش عندى وقت بس مش قادره امشى من غير ما اقولك
بصى فى الزيتون كذا واحد بيعملو كده
منهم الجارحى
وعنده حاجات كويسه وبيعمل تقسيط
وعلى فكره ناس كتيره بتعمل تقسيط
واعتقد مفكو حلوان بيعمل تقسيط
بصى حتاكدلك من موضوع الجارحى ده انهارده ان شاءالله

وعلى فكره دول بقو كتييييييييييييير فمتقلقيش

pussy 22 , mashimaro16 شكرا أوي علي ردكم عليا وياريت يا حبيبتي تشوفي الموضوع بتاع الجارحي ده وتتأكدي منه واول ما تردي عليا انا بأذن الله هاروح اشوف ايه النظام وايه الضمانات والمقدمة في حدود كلم القسك بيكون كام وعلي كام شهر الفائدة أد ايه وربنا المستعان

يابنتى مش تقلقى كل حاجة و ليها خل عادى يعنى انا اعرف ان المناصرة الاوض فيها رخيصة مش غالية و فيها كل حاجة نوم و سفرة و انتريهات و كل خاجة و ممكن تعملى سيرش على النت شوفى هيطلعلك اية و عمر افندى ممكن تلاقى حجات رخيصة

و احسن تجيبى اوض رخيصة و تدفعى دلوقتى بدل مجيبى حاجة غالية و تدفعى تقسيط و فوايد و كل حاجة موجودة رخيص و غالى

بيجى مع وصل الغاز بتاع البيت ورقة فيها اعلانات فيها عروض لمحلات بالتقسيط كتير قوى يارب اكون افدك وربنا يتمملك على خير

rosy2;9129383:
بنات انا مشكلتي مشكله لكن ما علينا من المشكلة المهم الحل ؟؟؟؟؟؟؟؟؟؟؟؟؟؟؟؟

أنا من القاهرة ونفسي الاقي محل موبيليا بيبع بالتقسيط ؟؟؟؟؟؟؟؟؟؟؟؟؟؟؟؟؟؟؟؟؟؟؟

أرجوكم ردوا عليا وربنا يبارك لها وينولها اللي في بالها اللي تساعدني يا بنات

حبيبة قلبى انا رديت عليكى بس فى التجهيزات وحرد عليكى تاىن علشان يمكن متشوفيهوش
بصى والله العظيم روحت شوفتلك بجد والله

بصى الجارحى معرفتش اوصل بالظبط هوا بيقسط ولا لا
بس فى واحد تانى اسمه هدايه قدام الجارحى وقصرعرابى اللى فى ترعه الجبل ده بيقسط وكاتب كده
وف محل فى مكرم عبيدد بس مش فاكره اسمه حشوفهولك لو نزلت هناك بكره ان شاءالله

بصى اللى اعرفه كمان بيقسط مفكو حلوان فى مكرم عبيد

حسئلك تانى وان شاءالله تلاقى اللى نفسك فيه
وعلى فكره فى محلات كتيره كده
واعتقد الجارحى بيقسط علشان واحده صحبتى كانت بتدور على تقسيط وجابت منه بس اتكسفت اسئلها جبتى تقسيط ولا ايه

حشوفلك بكره كمان ان شاءالله ولو لاقيت حاجه حقولك على طول

بنات شكرا أوي ليكم كللكم وهانزل ترعة الجبل اشوف بتوع التقسيط وكمان هاروح المناصرة ام شاء الله

وربنا ييسر ليكم وليا الامور ويهدي بالنا جميعا ويحقق لكل وحدة اللي نفسها فيه ما دام في الخير

روزى اولا ان شاء الله تلاقى كل اللى انتى عايزة و ربنا يفرجها قريب
بصى بقى كان فى بنت فى التجهيزات قالت على جهاز القوات المسلحه اللى فى مصر الجديده حاجته حلوة و بيقسطوا لو فى عندك حد ظابط و لو معندكيش ممكن تسئلى ممكن يكون فى نظام للمدنين المهم فى كمان منطقه عند المؤسسه كانت برضه بنت قالت عليها اسمها طنان الاسعار فيها رخيصه و هى بتقول ان الموبيليا فيها كويسه روحى و شوفيها و ربنا معاكى ان شاء الله بس ابقى طمنينا عملتى ايه

بصى ياقمر طب ماتشوفى اوض تكون سعرها معقول بدل التقسيط فكرى فى الناحية دى برضه
وربنا يسهلك وتلاقى اللى عاوزة

بصى انا مش من القاهرة أصلاً ، بس لمحت فى جريدة المساء إمبارح من وراء كده فى أخر صفحة تقريباً محلات بتبيع العفش بالتقسيط ، شوفيها يمكن تناسبك