شلونكم يابنات الله يرزقكم جميعا الحمل السليم المعافى وان شالله كلكم تنتقلون الى قسم الحوامل قريب ..
بقووولكم قصتي ...
انا تزوجت من 3 سنوات و8 شهور تقريبا ... بديت طريق العلاج للحمل بعد العرس ب 8 شهور .. عند دكتور رياض في مستشفى الولاده وقالوا لي ان فيني ضعف تبويض وتكيس خفيف .. مع ان دورتي منتظمه والحمدلله .. اول مابديت خذت كلوميد .. ومانفع بعدها نصحتني وحده اني اسوي عملية كي التكيس يالمنظار .. وسويتها عند نفس الدكتور وبعد ماحملت ... وعقبها جربت كذا مره تنشيط بالكلوميد وبعد مانفع .. وجربت التنشيط بالأبر عند دكتور عدنان وبعد مانفع .. والحمدلله بعد سنتين تقريبا من العرس قررت اسوي انابيب عند دكتور شحاته في مستشفى الولاده وسويت مره .. وماصار والمره الثانيه صار حمل كيميائي ونزل على طول في وقت الدوره . . وسويتها للمره الثالثه عند دكتور عمر بوزينب وبعد الله ماكتب لي .. قبل شهرين تقريباً اتفقت انا ووزوجي ان نداوم على قيام الليل والدعاء والإستغفار وقراءة صورة البقره .. لأني وايد كنت اقرا مواضيع عن انه هالشي يساعد ع الحمل بس كنت اتكاسل اطبق .. هالمره تشجعت وبديت انا وزوجي نداوم على قيام الليل وبدينا العلاج مره ثانيه عند دكتور عمر بو زينب . نصحتني وحده اني اخذ ابره تحضيريه وماسوي عملية الأنابيب اجرب طبيعي وبحمل ... رحت للدكتور بعد الدوره وحسب لي متى ارجع له كان المفروض 21 يوم من الدوره اخذ الأبره بس نزلت الدوره قبل واختربت السالفه طبعاً هذي اول دوره بعد ماداومنا على صلااة القيام .. رحت للدكتور ... قالي خلينا نجرب تنشيط بما انه الدوره نزلت ومانضيع وقت توكلت على الله وبديت ... بحبوب الكلوميد لمدة خمس ايام .. وبعدها رحت له قالي حجمهم اوكي بس انا افضل تاخذين ابر .. وبالفعل كتب لي على ابر لمدة 5 ايام وخذتها ورجعت له وقال بنفجرهم .. وعطاني دفستون لمدة 14 يوم بعد يومين رجعت له مره ثانيه والحمدلله كانت عندي بويضات كبيره بعد وفجرهم مره ثانيه وقالوا لي بعد ماتخلص حبوب الدفستون تعالي نسوي تحليل حمل .. طبعاً هو عطاني الايام اللي يصير فيها الجماع وكنت احط تحتي مخده بعد الجماع واتم لمدة ساعه المهم مرت ال 14 يوم .. ومانزلت الدوره وانا انتظرها مابي اعشم نفسي لأني مجربه العلاج مره ثانيه ومانفع وانا الصراحه بيني وبين تحاليل الحمل عداوه :tongue: من كثر ماسويتهم وكله مافي حمل .. قلت بنتظر اسبوع وبروح احلل .. مر الاسبوع جاتني اعراض الدوره ومانزلت طنشت ومارحت الأعراض الم في الصدر وبالتحديد الحلمه والم نفس الم الدوره تقريبا بس شوي غير ونقزات في مكان الرحم والمبايض اول مره احس فيها المهم طنشت مابي اتحطم ... مره الاسبوع الثاني وزوجي قام يحن مايصير تخلين نفسج جذي لازم نعرف اذا في حمل الحمدلله واذا مافي نشوف ليش ماجات الدوره يمكن في شي ولا شي بدا يشككني وقالي خلاص بكره الصبح بنروح حق الدكتور .. طبعاً انا اكتئبت لأني حاطه في بالي اني لين رحت وسويت تلفزيون بتقولي مافي حمل في دم وبينزل وعلى الساعه 4 الفجر ... نطت في راس زوجي الا يجيب تحليل بول وانتوا بكرامه .. وانا اقوله لا ارجوك مابي اتحطم خلاص بروح للدكتور وهو يقول انتي اشبيضرج ماتبين تعرفين شحالتج ... المهم راح الصيدليه يجيب التحليل وانا بديت اتوتر رحت فرشت سيادتي وصليت ركعتين وعقبها الشفع والوتر .. وقعدت ادعي من قلب خلصت الا هو جاي ... المهم قالي يلا روحي حللي .. عاد انا رايحه اسحب ريلي للحماام الله يعزكم وهو ينطجرني فالصاله رحت سويت التحليل وخليته على جنب لين يطلع وقفت اشوفه الا :eek: خطين والله خطين ... ماعرفت افكر رحت اركض لزوجي شووف خطين وهو يضحك مايعرف يعبر عاد انا يوم راح ايجيب التحليل قلت له جيب 2 على شان اتأكد يوم شفت الخطين قلت له عطني الثاني بروح اسويه ورحت وبعد طلع خطين ...
الحمدلله طارت النومه ,.. ووايد استانست الحمدلله وقمنا صلينا ركعتين شكر لرب العالمين ... وبعدها اذن الفجر .. قلت لازم اول وحده اعلمها امي .. اتصلت لها وخرعتها وعلمتها مسكينه وايد فرحت لي ودزيت مسجات لخواتي وخوات زوجي .. وكلهم استانسوو وقالوا احلى صباح فرحتينا ع الصبح ... وتميت مواصله لين الساعه 9 ابي اروح للدكتور الحين انا اللي ابي اروح مب هو هههههه المهم رحت له وسويت تلفزيون والحمدلله بين الكيس والجنين بس لحد الحين مابدا النبض لأني في خمس اسابيع .. وكتب لي على حبوب تثبيت لمدة عشر ايام وبعدها لي تلفزيون عشان اسمع النبض .....
الحمدلله رب العالمين على عطاياه والله ماخاب ظني جربت القيام وفعلا كل كلمه قالوها فالمواضيع صح يابنات ماكتبت لكم تجربتي الا والله اني ابيكم تجربون جربوا ورصوا على عمركم صدقوني الله بيستجيب لكم خلكم متاكدين ان الله معاكم وبيستجيب لدعائكم متى ماراد ....
اللهم ارزق اخواتي المتأخرات عن الحمل حملاً سليماً معافى ,,
طولت عليكم بسي هذره ..
اشوفكم على خير
