الحمدلله كملت فرحتي وربي رزقني ثاني بهجتي

م

مناهل78

مشرفة سابقة

01-04-2009 | 08:06 PM

السلام عليكم أخواتي العزيزات رجعت لكم من جديد بأخبار سارة والحمدلله على النعمة....

الحمدلله ربي عوضني بكل خير ورزقني بإبنتي فجر... رزقني ثاني بهجتي بعد عبودي حبيب قلبي وروحي....

الكل يعرف كم عانيت بعد الإجهاضين اللي صاروا لي وكيف نفسيتي كانت تعبانة من كلام الناس (شفيك واقفة على هالولد).. غير العين اللي صابتني وخبرتكم عنها... كان علاجي الصبر وقراءة البقرة والإستغفار والصدقة والحجامة وتناول الفيتامينات لي ولزوجي....

الحمدلله ربي رزقني الحمل بالصيف ومن البداية الدكتورة كتبت لي مثبتات والصراحة ماحطيت خبر حملي بالمنتدى .. قلت كل مرة أفرح البنات وبعدين أجهض... كنت على أعصابي طوال الشهور اللي طافت.. أخاف على جنيني من كل شي.. أحاسب بالطلعة والروحة والردة.. احاسب بالأكل.. والله حتى زوجي منعني من أدخل البيت اللي صابتني العين منهم مع إن مو من عادتي أقطع صلة رحمي...

الحمدلله بعد معاناة تسع شهور دخلت شهري وبهالفترة صرت ثقيلة بالمرة من الأسبوع 36 عندي طلق يروح ويرد وكنت عارفة أنه طلق كاذب.. تصبرت وكنت أروح الممشى كل يوم... دخلت الأسبوع 38 و3 ايام ويومها كنت متغدية في بيت أهلي وحسيت روحي بالمرة تعبانة مو قادرة أتحمل الألم.. قالت أمي مالج رجعة نامي عندنا الليلة يكون لو جاك الطلق عبودي معانه بدل ماتشيلونه آخر الليل.. تحملت الألم للفجر وبس ماقدرت أتصلت بزوجي ورحنا المستشفى وآنه في بالي ماطلع منه الا والدة بالسلامة... حطوا الجهاز الا قي طلق قوي بس بارد يروح ويرد مو منتظم والرحم مو متوسع... قلت لها تعبانة حطي لي صناعي ولدوني تعبانة.. قالت لا روحي البيت وردي بالليل يكون زاد الطلق قلت لها مو طالعة .... المهم ماطول عليكم خلصت تحاميل المستشفى ومافي فايدة الرحم بس توسع 2 سم لليل والطلق كل ماله يزيد قالت بنعطيج مجال للصبح إذا ماولدتي بنعطيك سيلان .. صار الصبح تخيلوا 24 ساعة أطلق وبالأخير قالت نفس الشي بس 2 سم (مادري شقصة الرحم اللي مو راضي يفتح عكس ولادتي بعبودي)... اهني صادني أحباط وحسيت نفسي خلاص مو قادرة أصلا أطلق... الا تقول النبض يقل وبندخلك قيصرية البيبي قاعد يتعب....

ماصارت نص ساعة الا آته مجهزيني للعمليات كان فيلم رعب..وطلعوا بنتي الساعة 8 و24 دقيقة صباح يوم الجمعة 20 مارس 2009.....ماصدقت وأخيرا الله تمم لي على خير وشفت ضناي وصار لعبودي أخت تلعب معاه وتشاركه وحدته....

في فترة طلقي بالغرفة والألم يروح ويرد كنت أدعي وبنفس الوقت كنت كاتبة أسماء بنات ومانسيتهم بالدعاء ناس وصوني وناس من نفسي تذكرتهم (أم نيلا، ريحانة القدس، فوانيس، زوجة المهندس، موناليزا، نيو ممبر،أم مصبح عيون بوظي مستحيل أنساها لأنها دعت لي بولادتي، أم عمار، أكبر قلب،عروس جنان، أنوار الحب،أم خالد BH، دموع الكوثر ودريم ويبن نور السعودية وبعد وايد بنات) بس مادري الطلق قبل الولادة يكون مستجاب او لا او بس وقت طلوع البيبي.. لأن لما دخلوني العمليات ماخلوني آخذ معاي شي من روعي وخوفي ماتذكرت شي غير بس تطلع بنتي بالسلامة....

الصراحة العملية القيصرية متعبة.. الولادة الطبيعية أحسن بألف مرة.. الحمدلله على كل حال.. ومابي منكم يا بنات الا دعوة (ربي يحفظ لي عبدالله وفجر من كل شر ويبلغني فيهم معاريس )....

ر

ريحانة القدس

مشرفة سابقة

01-04-2009 | 08:19 PM

ما شاء الله تبارك الرحمن ..
الف مبروك يا قلبي والله يحمي ويحفظ لك فجر وعبود من كل شر ..
بارك الله فيكي والحمدلله على سلامتك ..

ر

ريحانتي

عروس ماسية

01-04-2009 | 08:29 PM

الف الف الف مبرووووووووووك يا ام عبد الله والله فرحت لك من كل قلبي
الله يحفظهم لك ويبلغك فيهم يارب
والحمد لله على السلامه..

ح

حيوره

عروس رائعة

01-04-2009 | 08:52 PM

الف الف الحمد لله على سلامتك وسلامة البنوته
ربي يحفظها ويخليها لك ويخلي عبوودي ويحفظه

b

baby smiile

عروس ماسية

01-04-2009 | 08:52 PM

ألف حمد لله على السلامة عيني
الله يخلي أولادج ويتربون في عزكم يا رب

أ

أكبر قلب

عروس برونزية

01-04-2009 | 09:02 PM

الف الحمد لله على سلامتج الغالية والله فرحتي فيج ما توصف الله يبلغج فيهم ويتربون بعزكم ومشكورة حبيبتي على الدعاء الله يسمع منج يا رب.

a

angel eyes

مشرفة سابقة

01-04-2009 | 09:04 PM

الحمدلله على سلامتج حبيبتي..وتستاهلين كل خير
ربي يحفظ لج عبودي و فجر من كل شر و عين :)

بيني و بينج انا بعد كل اللي ياني من الالم ولاده و عقب مشاكل الخياطه و الحين الديسك من الولاده الطبيعيه قلت المره اليايه اذا حملت قيصري ابا :(

*

*ام ورد*

عروس رائعة

01-04-2009 | 09:11 PM

الحمد لله على سلامتج ويتربو بعزج الاولاد زينة دنياج ربي يحفظهم لج من كل شر

.

...( هنوده )...

عروس ماسية

01-04-2009 | 09:16 PM

ماشاء الله تبارك الرحمن

ألف مبروووووووووووووووووك يالغاليه والحمدلله على سلامتج

^_^

ا

العيون الكحيلهـ

عروس مبدعة

01-04-2009 | 09:38 PM

الف الف مبرووووك

و الحمد لله على سلااامتك و سلاامة فجوووره

الله يخليها لكم ان شاء الله هي و عبودي

ب

بنت البحرين 25

عروس مشاركة

01-04-2009 | 10:06 PM

الف الف الف مبروك اختي العزيزه

حمدالله على سلامتج يتربون بعزج يارب والله يحفظهم لج وتشوفينهم معاريس ان شاء الله

!

! أنــثــى !

عروس ماسية

01-04-2009 | 10:12 PM

الف الف مبروووك و الحمدلله ع سلامتك حبيبتي .. لما شفت خبر ولادتك طرت من الفرحة !

و تتربى فجورة بعزكم و عقبال ما تلبسيها فستان الزفاف .

N

N O U R

مشرفة سابقة

01-04-2009 | 10:14 PM

الحمدالله علي سلامتك حبيبتي

الله يبارك لك فيها ياارب

و

وردة2008

عروس مبدعة

01-04-2009 | 10:18 PM

الحمدلله على السلامه والف مبرزوك البنوته اللي يحفظها الك وتشوفيها عروسسس وعقبالنا يارب

ع

عيون بوظبي

مشرفة سابقة

01-04-2009 | 10:21 PM

حبيبتي والله الف الف مبروك وفرحت لج وايد والله

لما كان المنتدى مسكر كنت افكر فيج اقول اكيد ربت وانا مادري ..

تتربى فجر بعزكم ان شاء الله وتشوفينها عروس يارب ..

ومشكورة على الدعاء حبيبتي .. يكفي انج دعيتي سواء مستجاب وقت الطلق او لاء .. ولج بالمثل ان شاء الله

ا

ام عمـار

مشرفة سابقة

01-04-2009 | 10:57 PM

حبيبتي انتي شكرا على الدعاء يا عمري

الله يحفظ عبود و فجر من كل سوء و يخليك انتي و ابوهم على راسهم

و عقبال الثالث ههههههههه

إ

إنتظار الفرج

عروس متألقة

01-04-2009 | 11:28 PM

الحمد لله على سلامتك يا ام عبوودي وسلامة فجر وتتربى في عزكم ان شاء الله وتشوفينهم معااريس.

a

arabian night

عروس متألقة

01-04-2009 | 11:44 PM

الحمدلله على السلامة ,
وألف مبروك قدوم فجر !(f)

د

دلوعة سعود

عروس مبدعة

01-04-2009 | 11:52 PM

الله يخليلك فجر عبدلله ويتربون بعزك انشالله

ب

بحرينيه عز

عروس ماسية

02-04-2009 | 12:04 AM

الف الف الف الحمدلله على السلامه وزين سويتي سكتي وماتحجيتي تررى احسن
خصوصا اذا الواحد صابته عيين ومحسود
الله يخلي لج البنوتة وعبودي