عادات الملجة في البحرين

للاسف ماعندي خلفية الاعن السعودية وهو كتب الكتاب يسمى عندنا الملكة وفيه يتم تسليم المهر للعروس وتقديم عربية الشبكة والهدايا للعروس واهل العروس تقبلي مروري

انا بحرينية
وعاداتنا في الملجة ما تختلف الا في بعض التفاصيل البسيطة فقط بس المتعارف عليه يكون ان العروس تلبس فستان ملجة يكون لونة اخضر او احمر او ذهبي واحين الالوان تعددت وصارت لكل حفلة ملجة فكرة ولون فستان مثل الستايل الهندي ويكون الساري هو لبس العروس وستايل القاعة والمسرح هندي والاكل لازم يتضمن شي هندي او الستايل الخليجي او البحريني القديم ويكون المسرح بعد ستايل قديم والفستان يكون ثوب نشل والذهب وهذا كله حسب العروس وفكرتها ... طبعا في الملجة عندنا شي اساسي هو سفرة العجم وفي المنتدى بتلاقين افكار وصور وايد حق السفرة
الملجة تختلف عن حفلة الخطوبة ما راح يكون فيها تلبيس دبل ولا ذهب ولا شبكة .. بس ان الشيخ راح يكتب كتابش وبعدين يروح المعرس لمكان حفل الرجال والعروس في مكان حفل النساء وبالنهاية راح يجيها المعرس وهات يا تصوير بعد شرب العصير والعسل وفي بعضهم يلبس عروسته طقم هدية سواء من عنده او من عند امه او هدية خواته ... وبس بعدين يروحون يتعشون ............. كاني قاعدة اقول قصة

المهم يعني في الحفلة بكون مكياج وفستان حلو وفخم حق العروس وفيه اكل ( اهم شي ) وفي توزيعات للمعازيم للذكرى وفيه ردحة وتصفيق.........
واذا تذكرت شي برد اكتبه لش بعدين
واذا انتي عندش اي سؤال بعد انا حاضرة وممنونة بعد

ما شاء الله عليها الاخت سوسني كفت ووفت

قالت كل شي تقريبا

ماخلت لنا شي نضيفه ههههههههههه