ولادتي ذكريات ولا احلى

السلام عليكم
انا حبيت اشاركم بولادتي بولدي عشان البنات اللي على ولادة يتشجعون ولا يخافون من شي.
قبل موعدي ب12 يوم تقريبا نزل مني ماي بس مو الكامل هذا الصبح ظليت الين الليل انتظر يجيني وجع ابد ولا كانه، قامت الوالدة واخذتني وياها عشان تمشيني لانه يساعد على الولادة بعد ما كان عندي اي نوع من الالم.
المهم انا ياست قلت يمكن اني غلطانة بس قلت اروح المستشفى اتاكد رحت طبعا كان مر علي 12 ساعة تقريبا على حادثة الصبح، لما رحت قالوا لي ان عندي توسع واحد سانتي بس والماي اللي نزل كان من الكيس فعلا ودخلوني حق ولادة.. بس الغريب ان ما كان يجيني اي نوع من الالم وظليت بجناج الولادة الى ان قررت الدكتورة تخلي ليي طلق صناعي عشان الولد ما يظل اكثر معلق
انا طبعا مو من النوع اللي يعارض اي شي فقلت لها اذا هذا احسن اوكي
وفعلا خلت لي الطلق الصناعي اللي اصلا ما اثر فيني...:eek: المهم قررت تلعني عشان اهلي يشوفني واريح عشان بتعيد الكرة المغرب يوم ثاني.
طلعت وجوني هللي كلهم اذكر الوقت كان رمضان وكل من جاني يجيب لي شي آكله المهم الغرفة امتلت وكانت الدتورة خلت لي الطلق الثاني الى الحين ما في نتيجه كل اهللي مستغربين بس الولد مقرر له وقت محد يتصورة:tongue:
تم وياي زوجي الى 10 بالليل لماطلبوا منه انه يطلع عشان المكان ما يناسب انه يظل الى وقت متاخر. لماطلع زارتني عمتي وزوجة عمي كان معاهم ماي مقري عليه سورة مريم الحين احنا دخلنا على ليله القدرقالوا لي اشرب شوي وامسح على بطني.
اهم العوا من هني ويشتغل الطلق من هني اذكر كنت اتكلم مع حامل تنتظر موعدها طاف المهم نزجع لموضوعنا جان احس كان في شي انفجر في بطني (كيس الماء) وقفت لا شعوريا وظل الماي ينزل لما كمل بهبل رحت على الكونتر تبع الممرضات بدل لا اطق جرس لما قلت لهم على ول قالوا لي ليش انتي قمتي اصلا من مكانك فرجعت بسرعة لما فحصوني كنت 3 سانتي وكانوا خلاص رح يدخلوني انا بغيت اكلم احد اقول له قلت لهم انتظروا فاتصلت على زوجي اللي ما صدقني اصلا لانه تو ما مشى وانا ما فيني شي المهم انا دخلت ع الولادة من غير اي احد لان الكل كان مشغول.
بس الصراحة اللي كان وياي واحد ما ينشغل عن اي احد ولا في اي وقت ، دخلت وانا في يدي قرآن صغير كنت اقرا فيه سورة يس وطه واللي قريته على حسب ما اذكر من سورة مريم كان بس (كهيعص) جان احس اني راح اموت من شدة الطلق.
عطوني ابرة كنت اغط وارجع اوعى على الالم ، قالوا ل ارقد على جنب احسن عشان النفس ويا الالم المهم وانا غاة حست احساس غريب ما حسيته من قبل(كان نزول الراس) هذي كانت المرة الوحيدة اللي لما فتحت عيني ولقيت ان ما في احد وياي صرخت لما سمعوني الكل التم علي وجهزوني لان كنت خلاص اولد . المهم كلها ثواني الا الدكتورة تقول لازم اسوي لك شق العجان لان الولد ما يطلع نحشر في قناة الولادة، انا خفت شوي بس الصراحة اني ما حسيت بولا شي قالت لي ادفع شوي الا اسمع صوت ولدي ويقولون لي مبروك.
المهم انا هني الكل يقول اني كان باقي شوي وانظم شعر تميت اغرل فيه طبعاانا طلبت منهم اول يحطونه على صدري اشوفه قبل ما ينظفونه والله ثم والله ان ما في اي احساس في الدنيا يعادل الاحساس اللي كنت احسه.
وجذي صار عندي عبدالله ، والحمد لله الليي كانت ولادتي ولا اسهل الحمد لله ما طولت اكثر من 4 ساعات من دخلوني الولادة الين ما طلعوني لغرفتي.
يارب اني ما اكون طولت عليكم وادعولي لاني الحين حامل وراح اولد شهر 11