مهم

حى انا كتبت مووضوع بقسم اللغه الانكليزيه طار وموضوع ثاني بقسم مشاكل الكمبيوتر وطار :ss:

لووووووووووووول شسالفة :ss:

اختتي ادا نقلوووه او حذفووه يطرشون لج رسالة ما وصللتج رسالة سوي عنه بحث

انا رديت عليش في موضوعش بس انمسح
على العموم هو مسؤوول عنش شفرقت مخطوبة عن متزوجة
تشتغلين ولا لا .

مشكورة حبوبة بطه حلوه وانا اشتغل والحمدالله، وهني المشكلة انه اهو ملزوم فيني وموراضي يتحمل المسؤلية.
وانا كلمته وقعدت معاه وقلت له اذا مابتتغير مثل مادخلنه بالمعروف نطلع بالمعروف لانه ماقدر اعيش مع شخص جذاب وبخيل سكت وبعدها في الليل اتصل لي وقالي انه بيتغير وعترف انه يجذب وقلت له هذي آخر فرصه لك وبعطيك فتره بس مابقولك هالفتره شكثر بس بيني وبين نفسي واذا جفتك ماتغيرت في هالفتره ورديت رجعت نفس قبل لاتتوقع مني انه اكلمك في الموضوع بعد بنهي الشي على طول وبدون اي نقاش او تفاهم.


واختي Soft Touch female ماوصلتني اي رساله والله وسويت بحث عن موضوعي مافيه له اي وجود خير شر حتى وحده من البنات كانت راده على خاص وحتى رسالتها مو موجوده الحين مادري شسالفه :(

اختي في اعلان اول ما تدخليين المنتدى موضحيين انه جميع المواضيع والمشاركات اللي انضافت في الايام الاخيره انحذفت نتيجه لاعمال الصيانه ولشغلات فنيه وبالنسبه لموضوعج انا قريته طبعا دام اهو خطيبج ملزوم فييج لانه مثل ما نعرف عندنا في الخليج بمجر ما تملج المره تصير في حكم الشرع زوجته ومن واجب الزوج انه يصرف على زوجته فاحسن حل حاولي تتفقيين معاه خصوصا انج تناقشتي معاه ووعدج انه يتغير فاتتفقي انه يعطييج مصروف شهري مو شرط يكون كبير يعني على حسب امكانياته وبجذي بتعودينه من فتره الخطوبه إلى بعد الزواج انه يلتزوم بهالمصروف لانه وايد بنات اسكتو في الخطوبه وقالو يستحون واو مو ملزوم دام انا في بيت اهلي وبعدها الريال تعود وشال يده من كل شي وعقب ما يتعود صعب انه ترجعيين تطالبينه بشي خصوصا لو كان مثل ما وضحتي بخيل..اما بالنسبه لموضوع الجذب فهذي اهي المشكله الحقيقه بنظري لانه صراحه شخص يجذب من بداية العلاقه لدرجه انه جذب حتى في يوم الشوفة الشرعية فهذا باين انه شخص مريض بالجذب فانتي احسن حل عطي فرصه نفس ما وضحتي وشوفي هل فعلا تغير او قاعد يحاول انه يتغير ولا جذبه يديده من جذباته..وبالنسبه انج مو مرتاحه معاه وتفكريين في الانفصال طبعا محد ينكر انه الطلاق ابغض الحلال وهذا كلام رب العالميين بس لو حسيتي انه حياتج معاه مستحييل تستمر واهو بهالصفات فما علييج لو إن شاء الله اهو الزوج العاشر اهم شي راحتج النفسيه احسن من ما ترتبطيين معاه بعيال عقب يتعذبون معاكم ومع مشاكلكم فانتي عطي هالمهله واستخيري رب العالميين وشوفي الانسب لج انتي مو الانسب لكلام الناس او الانسب لاهلج او لاي شخص ثاني لانه بالنهاية هذي حياتج وانتي اللي بتدفعيين نتيجه اي غلطه تقوميين فيها
والله يوفقج ويهدييه خطيبج ويصلح الامور بينكم يارب

مشكووورة كمام الأمل على ردج والله يوفقج يارب.

وانشالله بعطيه هالفرصه وبنجوف نهايتها شنووو.

والله انه قلت له كل شهر اتمشي لي 100 دينار مصروفي طبعا عناد على تصرفه معاي اجوفه ماقال شي وهالشهر تخيلي عطاني خمسين وصارت مشكله على نفس الموضوع وقلت له اوكي عطيتني خمسين باقي لي خمسين من مصروفي قالي ماعندي غير 70 في حسابي لنهاية الشهر قلت له مو شغلي انت تتصرف وانت رجال عطني وماانكر راح سحب وعطاني الخمسين الثانيه.

بصراحة 100 دينار وايد و انتين تشتغلين و خصوصا حالتة المادية مو جيدة و الا الزواج ما ينفع فية لعناد و انا بصراحة ما اشوفه بخيل و لو هو بخيل فعلا كان ما عطاك 100 دينار و بالنسبة للطلاق فكري عدددل و خصوصا انها المرة الثانية يعني فرصتك للزواج عقب بتكون ضئيلة و مافي احد كامل و لا تخلينه يحس انش مادية يعني مادري شلون احس انه موضوع المصروف ماخذ كل تفكيرش و اسمحلي على صراحتي و لو انا ما تهمني مصلحتش ما قلت هالكلام لانة الطلاق ماحد يتمناه لاحد

والله يوفقج ويهدييه خطيبج ويصلح الامور بينكم يارب

الحين ايسكريم
انتي اكيد تعرفين معاشه كم
فإذا اتشوفينه عدل انش تطلبين منه 100 دينار
اما اذا هذا اللي يصفى اليه من معاشه فحرام
هو ملزوم فيش بس لازم تعيشون على قده

راعيه واذا شافش جذي هو منه ومن نفسه ما بيبخل عليش ان شاء الله

اقول خفي عالرجال شوي

كلمي المسؤولين على الرابط إيس موجوود فوق .. اوول ماتدخلين المنتدى ,,,



وااااايد مواضيع إختفت ’’ والإداره يدروون عن السالفه ...

كلكم مشكورين على ردودكم

بس انا الي افكر فيه للمستقبل يعني بعدين في بيت ومصاريف البيت يبي لها واكيد بكون انشالله في عيال ومسؤليه اكبر واكبر مو بس تربيه هم يبي لهم مصرف وانا واهو شلون بيتصرف؟؟ اذا من الحين سكت ومااحسسته انه في شي مسؤل عنه وملزوم فيه مابيفتكر حتى بعدين وابسط شي بقولي مثل ماقبل اتحملتيني اتحمليني الحين وصرفي من عندج ، ياسلام هو لمى جى اخذني من بيت ابوي ماكنت اصرف على نفسي بنفسي وكان ابوي شايلني شيل الله يخليه لي وطول بعمره ولحد الحين شايلني وكاتمه ماقلت لأحد انتظره يتغير. وتقولون وايد اذا كانت وايد 100 دينار فعشان بس احس شوي لا اكثر ولا كل تفكيري المصروف وبس بس هذا شي تبع حياتي واذا هالأمور مارتبتها ونظمتها من الحين وخليته يعرف الي عليه والي علي مابنعيش صح وبتم هالشي سبب مشاكل اشياء وايد.

وغرور البحرين انا ماضن مسويه له شي عشان تقولين لي خفي على الرجال ان ااطالبه بشي من حقوق وشي الي اهو ملزوم فيه علي وبس.

وتسلمون كلكم على ردودكم.

حبيبتى لو ممعهوش فلوس او ظروفه الماديه مش جيده يبقي لازم تستحملى لان كل واحد
لازم يعيش على قده وانتى لازم تعيشي على قد زوجك ممكن ميكونش بخل منه ممكن يكون
هو مش معاه فلوس