استفسار لبنات البحرين

السلاااااااااااااام

هلاااا اختي انه سمعت عن صالون(( التراضي)) في مدينه عيسى وعن صالون ((اشرقت)) انه عن نفسي جربت اشرقت عجييييييييب والي سوته لي مغربيه مو فلبينيه وسمعت عن صالون ((كارلت)) في سوق المحرق يم الاشارة بس صرااحة ماااجربته

بس هل مره انه خاطري اجرب الصالون الي في الرفااع ماعرف اسمه حق ((تبييض بشره الجسم + حمام مغربي))

ناس وايد تمدح صالون رحمة مع ان يم شقتي بس ما جربته .. هو في سوق جد علي وانتي داخله السوق من من جهة الدوار اللي يوديج على المعهد الحديث المعهد يصير يدج اليسار و الصالون على يدج اليمين ..

انا جربت صالون لالونا واحسه زين وعروضهم زينه واللحين فتحوا حقهم فرع في المحرق
وعمتي تمدح الاطراف الناعمه
و بعد عندج يقولون صالون ريفين فيه وحده مغربيه اسمها خديجة هذي زينه

واي استفسار حاضرين لج :)

مشكورين خواتي على الردود وبجرب اروح صالون رحمة

صالون ريفين كلش وسخ الحمام لا تفكيرين فيه
صالون رحمه عند لفه دوار اسواق الحميديه على حسب وصف البنات

عندك صالون عروس البحرين فى السلمانيه بعد ممتاز فى الحمام
صالون رحمه البنات كانو يمدحون خديجه بس خديجه طلعت من الصالون وعندهم وحده اثيوبيه الحين