ولدي ضغير و رغبتي بالحمل

حبيبتي اصبري شوي على الحمل خلي رحمك يرتاح على الأقل 6 شهور وبعدها فكري بالحمل..

وبالنسبه لموضوع ولدك مع ام زوجك اكبببببببببببببببببببببر غلط..

الأم مو دورها تحب ولدها وتصرف عليه وبس دور الأم انها تتعب وتسهر على ولدها حتى لو كنتي موظفه لأنه هذا اختيارك انتي ..
خلي الولد معاك حتى لو تعبك ان شاءالله لك الأجر وأم زوجك قولي لها لا مافيني نوم وقت اللي يجيني نوم بجيبه لك وخليه عندك ليييييييين هي تبتدي تتعود انه مايكون معاها يكفي يكون معاها وقت دوامك والباقي كله عليك انتي الأم مو هي ..
صدقيني بكرا انتي اللي تندمين وتتمنين ترجعين كل لحظه فاتت عشان يكون ولدك بين يدينك..
معليش حبيبتي يمكن كلامي قاسي شوي بس كله عشانك ..
بكرا شلون تتصرفين لو صاروا 2 مع بعض.. ولو تقدرين تستغنين عن الدوام فترة مؤقته لين يكبر الصغير يكون افضل..
على الأقل لين يصيرون بعمر 3 سنوات وبعدها تقدرين تحطينه بروضه او حضانه عشان يفرق بين الأم والجده ..

هو صحيح انه جدته ومافيها شي لكن قهر الولد يحب جدته اكثر من امه وبكره يحسبها اخته مو أمه لأنها ماربته..

أنا حاليا عند أهلي لأن حملي خطر وممنوعه من الحركه بالمررررررره وبنتي عمرها سنه و4 شهور وتعودت على امي وخواتي وتموووووووت على امي وتبي تنام عندها وقت النوم تركض لأمي نستني وانا اموووووووووووت واتقطع من الغيره مع انها امي اللي ولدتني مو ام زوجي ..
كيف انتي والله ما الومك .. ومع ذلك صرت اقسي عمري شوي واخذ بنتي عندي وقت الليل اسدحها جنبي واوريها قصص لييييييييين تنام فحضني وبعدها انادي امي تشيلها تحطها بسريرها في غرفتي بعد يعني بطلت اخليها تنام عند امي بغرفتها برغم تحذيرات الدكتورة ..

الله يعينك حبيبتي اسفه طولت عليك..

يمكن لان خالتك اهي اللي ماسكه الصغير اغلب الوقت خلاك تفكرين بالحمل مره ثانيه

لان متخيله السهر و التعب اللي بتكونين فيه غير هذا بتظلينه الصغير ما بياخذ حقه من الدلال

تروي يا اختي ترى التربية حق واحد صعبه .. صعب انك تعطين ولدك كل اللي يحتاجه من رعايه و اهتمام و حنان وانتي تشتغلين فمابالك بأثنين

و اذا على انهم يتربون مع بعض للحين قدامك وقت

الله يعطيكي اللي نفسك فيه .
بس ارتاحي شوي قبل ما تفكري بالحمل مره تانيه خلي ابنك ياخد حقه ..
ما كان لازم تفطميه ..ممكن تشفطي له حليب من صدرك بالماكنه الخاصه وتخلي الحليب بالثلاجه وانت بالدوام ياخد منه بالرضاعه وبس ترجعي البيت ترضعي ..هيك بيضل متعلق فيكي ..
واكيد ام زوجك ما رح تكون احن منك عليه بس كل الامهات بيحبوا يحسوا انهم بيساهموا بتربية الطفل وبالنهايه هو ابنك اكيييد ..ما رح يكون لغيرك ..
موفقه ..

اشكر كل من رد عليه ..... والله كلامكم صح ... خلاص ان شاء الله من اليوم بخليه عندي
اباه يتعود عليه ... لانه من اول مايبدا يصيح هي ماتعرف تسوي عليه كنترول تخليه يصيح وايد وبصوت عالي
وبمجرد اشله يسكت ويتم بس يطالعني ... والله حرام كفاية عندها طول ماانا في الدوام ...

امس قررت اخليه عندي ... بس لاني شفت زوجي تعبان مرة ومدوخ من التعب وكانت الساعة 12 في الليل
وولدي الله يحفظه كان شبعان نوم ....فقلت خلاص معاها.....

بس ان شاء الله من اليوم بعطي ولدي الحنان بخليه يشبع من حناني

لا حتى لو زوجج تعبان خليه عندج بس قعدي في غرفه ثانيه ,,

خليه من عقب ما تردين من الدوام وياج الى اليوم الثاني

الله يرزقح يارب ..

انا حامل وبنتي عمرها شهرين ..

بالنسبه لخالتج ام ريلج

اول ماتردين من دوامج اخذي ولدج ورحي شقتج لعبيه وسولفي معاه

يتعود ع صوتج ويهج وبيتعلق فيج

اول شي ولدك مررره صغير

ثاني شي ظروفك ماتسمح انك تراعينهم على طول الوقت

وواحد ومسؤليته صايره على ام زوجك

كيف بتجيبين الثاني

خلي ولدك ياخذ حقه من التربيه سنه ونص على الاقل بعدها احملي

وياحبي لها ام زوجك

تعتني بولدك وتعتبره مثل ولدها بالعكس هذا شي حلو وفي صالحك

لو ماحبته بتنقهرين

الله يكون بعونك
ويرزقك الولدالصالح

والله انكم غريبات عجيباات؟؟ الحين احمدي ربك ان ام زوجك تحب ابنك هالحب

لو انا مكانك اطير من الفرح واحط ام زوجي على راسي... انام وهي تسهر؟؟!!

وينام معها ومهتمة فية جزاه الله الف خييييير.. لاتنقهري منها مسكينة؟ ماتعرفي المثل اللي يقوول ماغلى من الولد.. الا ولد الولد

حبيبتي بدري على الحمل جسمج له حق عليج خليه رحمج يرتاح على الاقل بعد اربع او ست شهور او سنه وبعدين ماعليج الزوج يحن يبي ياهل لكن لما تحملين وتتعبين هو تمر عليه فترات يزهق لانج بدون قصد تقصرين من ناحية الاهتام فيه ..ونصيحه خلي ولدج يتعود عليج وياحلو الاحساس بالتعب من ضناج..

تحياتي